நாம் - இந்திய மக்கள்

நாம் முதல் அடி எடுத்து வைக்கலாமா??!!

2011-03-24T13:37:00.000+05:30

அரசியல் ஒரு சாக்காடா உண்மைதான்! யார் அதை சரி செய்வது... யாராவது ஒரு ஆள் முதல் அடி எடுத்து வைக்கணும்... மாற்று வேணும் உண்மை தான்! Come on lets find someway and do something!

வீடியோ - உயிர் போவதை பார்த்ததுண்டா!!!

2009-08-03T11:57:00.003+05:30

நீங்க யாராவது வீடியோவில் ஒருவர் இறப்பதை பார்த்ததுண்டா? இங்கே பாருங்க இந்த இந்த வீடியோவில்!

நொடிப்பொழுதில் அனைவரின் கண்முன்னே ... ஒரு மன்நிலை சரியில்லாதவன் புகைவண்டியின் மேலேறி அதன் மேல் உள்ள மின்கம்பியை பிடித்த கொடுமை :(

ஒரு நண்பர் எனக்கு அனுப்பியது ...

ஓ.சியில் சிங்கப்பூர் செல்ல வழி!

2009-07-01T12:13:00.000+05:30

சிங்கை பதிவர்கள் மற்றும் தமிழ்வெளி இணையதளம் நடத்தும் மாபெரும் கருத்தாய்வு போட்டி

இன்றைக்கு பதிவுலகுக்கு வெளியே பதிவுலகைப் பற்றி இருக்கும் ஒரு மறைமுக அறைகூவல், பதிவர்கள் எனப்படும் இணைய எழுத்தாளர்களால் ஆக்கப்பூர்வமாக எதுவும் எழுத முடியுமா என்பதே. முன்னோடி எழுத்தாளர்கள் முதல் பொதுத்தள ஊடகங்கள் வரை இந்தக் கேள்வியை மறைமுகமாக கேட்டுவருகின்றனர் மேலும் பதிவர்களின் எழுத்துத் திறன் பற்றி பொதுமக்களிடம் பேசத் தயங்குகின்றனர்.அது தவிர பொதுமக்களிடையே பதிவுலகம் பற்றிய அறிமுகங்கள் இல்லாததற்கு முதன்மைக் காரணி கணினி மற்றும் இணைய இணைப்பு அனைவரிடம் இல்லை என்பதே. இவை வெளிப்படையான காரணங்கள் என்றாலும், இணையத்தில் எழுதுகிறேன், இணைய நண்பர்கள் இருக்கிறார்கள் என்று பிறரிடம் சொன்னால் அவர்கள் உடனடியாக ஐஆர்சி எனப்படும் இணைய உரையாடியில் வெட்டிப் பேச்சு பேசுவரோ என்றே நினைக்கிறார்கள்.

இணையத்தில் மிகப் பெரிய அளவிலான கருத்தாய்வுகள், விவாதங்கள் நடந்து வருவதும் வெளியில் பலருக்கும் தெரியவில்லை. இணையத்தில் வெளியிடப் பட்டக் கட்டுரைகள் இவை என்று பொதுமக்கள் முன்பு அத்தகைய ஆக்கங்களைக் கொண்டு செல்லும் முயற்சி பெரிய அளவில் மேற்கொள்ளப் படவில்லை என்றே கருத வேண்டி இருக்கிறது. பதிவுலகம் பற்றி பொதுமக்கள் அறிந்திருக்கவில்லை என்பதைத் தவிர இது குறையன்று.

பதிவுலகில் எழுதும் பலரும் மிகவும் சிறப்பான படைப்புகளைத் தருகிறார்கள், பல ஆண்டுகளாக எழுதி வருகிறார்கள், அவர்களின் எழுத்துகளை பொதுமக்கள் முன் கொண்டு செல்ல பொதுத்தள ஊடகங்களையே நாட வேண்டி இருக்கிறது, அத்தகைய ஊடகங்கள் வெளியிட்டால் அது தன் எழுத்துக்கான பரிசு என்று நினைத்து மகிழும் நிலையில் பதிவர்கள் இருக்கிறோம். ஒருவரது எழுத்து பரவலாக ஏற்கப் படுவது ஊடகங்களைக் சார்ந்தது அல்ல, அது முழுக்க முழுக்க ஒருவரின் எழுத்தின், கருத்தின், எழுத்தாழத்தின் தன்மையைச் சார்ந்தது என்பதை நம்மால் உறுதி செய்ய முடியும். அன்றாடம் எழுதுகிறோம், ஆழமான கட்டுரைகளை நம்மாலும் எழுத முடியும் என்கிற நம்பிக்கை ஏற்பட்டுவிட்டால் நாம் சிறந்த எழுத்தாளர் என்கிற உண்மையை நாமே உணர்வோம். அத்தகைய நல்ல வாய்ப்புகளை சிங்கைப் பதிவர்களும், தமிழ்வெளி இணையதளமும் ஏற்படுத்திக் கொடுக்க ஆயத்தமாக இருக்கின்றனர்.

மணற்கேணி 2009

கிணறு வேண்டும் என எண்ணிய பிறகு வெறும் மணல் தான், ஆழமாக தோண்ட தோண்ட அதனுள் நீர் இருப்பதும், சுரப்பதும் நமக்குத் தெரியவருகிறது. நம் எழுத்துக்கள் வெறும் எண்ணங்களாலும், நடப்புகளாலும் எழுதப்படுவதைவிட ஒரு குறிக்கோள் அதாவது ஒரு தலைப்பின் கீழ் எண்ணங்களைக் குவித்து தகவல்களைத் திரட்டி சிறப்பான ஆக்கமாக மாற்றும் போது அது ஒரு படைப்பாகப் போற்றப்படும். பதிவர்களை ஊக்குவித்து, பரிசளித்து, பதிவர்களை மற்றும் ஒரு பரிணாம வளர்ச்சிக்கு இட்டுச் செல்ல, சிங்கைப் பதிவர்கள் எடுக்கும் சிறு முயற்சியின் முதல் வித்து மணற்கேணி - 2009.

இந்த ஆண்டுக்கான மணற்கேணி - 2009 போட்டி சூலை 01, 2009 துவங்குகிறது. பதிவர்கள் தங்கள் கருத்தாக்கங்களை போட்டிப் பிரிவுகளுக்கான மின்னஞ்சல் முகவரிகளுக்கு ஆகச்டு 15, 2009 23:59:59 (தமிழக நேரம்)க்குள் அனுப்ப வேண்டும். யார் வேண்டுமானாலும் கலந்து கொள்ளலாம். பதிவு வைத்திருப்பது கட்டாயம் இல்லை என்றாலும் இட்டீடு(விவாதம்) வேண்டி பதிவிடுவதை ஊக்குவிக்க விரும்புகிறோம். இயன்ற வரை தனித்தமிழில் ஆக்கங்களைத் தர முயலுங்கள். முனைப்பிற்கான முயற்சி இது. போட்டி ஆரம்பமாகும் தினத்திற்கு முன்போ அல்லது போட்டி கடைசி தினத்திற்கு பின்போ வரும் கருத்தாய்வுகள் போட்டிக்கு எடுத்துக்கொள்ள இயலாது, போட்டிக்கு அனுப்பும் கடைசி நாள் வரை போட்டி கருத்தாய்வு வலைப்பதிவுகளிலே அல்லது எந்த விதத்திலும் எங்கேயும் வெளியாகியிருக்க கூடாது, போட்டி விதிமுறைகள் சூலை 01,2009 அன்று வெளியிடப்படும்...

கருத்தாய்வு போட்டி மூன்று பிரிவுகளில் நடைபெறுகிறது, ஒவ்வொரு பிரிவிலும் பல தலைப்புகளின் கீழ் நடைபெறுகிறது, இது தொடர்பான விவரங்களை போட்டி தலைப்புகள் என்ற சுட்டியின் கீழ் காணலாம். ஒவ்வொரு பிரிவிலிருந்தும் ஒருவர் என மொத்தம் மூவர் தேர்ந்தெடுக்கப்பட்டு அவர்கள் சென்னையிலிருந்து சிங்கப்பூர் வந்து ஒரு கிழமை(வாரம்) தங்கி சுற்றுபயணம் செய்யலாம்

இணைப்பு தர

மணற்கேணி 2009 பற்றிய விளம்பரத்தை உங்கள் தளங்களில் இட்டு இம்முயற்சியை அனைவரிடமும் கொண்டு சேர்க்க வேண்டுகிறோம்

யாரு கிட்டா டுபாக்கூர் விடறீங்க??

2009-05-18T22:08:00.004+05:30

இலங்கை ராணுவம் புலிகள் எல்லோரையும் கொண்ணுப்புட்டோம் என்று சொல்லிட்டு... காலையில் வெளியிட்ட போட்டோக்களை பார்த்தா பயங்கர டவுட் வருது!!!

முதல் படம் சார்ல்ஸ் ஆண்டனியுடையது :

இவங்க எல்லாம் யாரு???

மரணப்பட்டு கிடக்கும் அநத நபர் போட்டிருக்கும் சொக்காவும் இவர் சொக்காவும் ஒன்று... போட்டோ எடுத்துட்டு போட்டு தள்ளிட்டாங்களா??

நான் பார்த்த வரை சில வித்தியாசங்கள் தெரியுது:

1. இறந்து கிடக்கும் மனிதரின் மீசை மிகவும் அடர்த்தியாக இருக்கு... ஆனால் சார்ல்ஸ்க்கு அப்படி இல்லை... 24 வயதுக்கான இள மீசை மட்டுமே!!!

2. புருவம் வில்லு மாதிரி பெருசா கடைசிவரை இருக்கு ஆனா முதல் போட்டோவில் அப்படி இல்லை!!

3. சார்ல்ஸ்க்கு காது விரிந்த காதுகளா இருக்கு, இறந்தவருக்கு அப்படி இல்லை என்றே தோன்றுகிறது...

இப்படி பல வித்தியாசங்கள் இருக்கு... ஒரு வேளை இலங்கை ராணுவம் நம்ம கிட்ட 10 வித்தியாசம் கண்டுபிடிக்க போட்டி நடத்தறாங்களா??

பின் சேர்ப்பு:

என் சந்தேகத்திற்கான முக்கிய காரணம், இதோடு குறைந்தபட்சம் 100 முறையாவது பிரபாகரன் கொல்லப்பட்டதாக செய்தி வந்திருக்கிறது...

காலையில் சார்ல்ஸ் பிணம் அனாதையா கிடந்தது என்று ஆர்மி சொன்னது, பின்னர் நடேசன், ரமேஷ் மாஸ்டர் பிணங்களுடன் கிடைத்ததுன்னு சொன்னாங்க, அப்புறம், ஆம்புலன்ஸ்ல தப்பிக்க பார்த்த போது இவரையும் பிரபாகரனை கொன்றதா சொல்லறாங்க... அப்படியே வச்சுகிட்டாலும் ரெண்டுபேர் பாடியும் ஒன்னா தானே கிடக்கனும்... சார்ல்ஸ் பாடி மட்டும் தனியா ஒடி வந்துவிட்டதா.....

பி.கு:

சார்ல்ஸ் மாதிரி ஆள் கிடைத்ததால் போட்டோ போட்டுட்டீங்க... என்ன ராஜாக்களா... பிரபாகரன், நடேசன், பொட்டுஅம்மான் மாதிரி ஆட்கள் யாராவது இருக்கானான்னு தேடிக்கிட்டு இருக்கீங்களா போட்டோ போட... இல்ல ஆள் கிடைக்கலையா???

நன்றி : கமெடி செய்திகள் தரும் ஆமி.லங்கா

நடிகர் விஜய் புது கட்சி :(

2009-05-12T17:58:00.004+05:30

நம்ம தமிழ்நாட்டுக்கு இன்னொரு வருங்கால முதல்வரும் கிடைச்சுட்டாருடே!!! நடிகர் விஜய் கட்சி துவங்க போகிறாராம் :(

வருகிற ஜூன் 22ஆம் தேதி அவருடைய பிறந்தநாள் இதற்கான அறிவிப்பு வருமாம்... இந்த கொடுமைய எங்க போய் சொல்ல???!!!

இருக்கறது ஒரு முதல்வர் சீட்டு அதுக்கு எத்தினி ஆளுங்க கெளம்பிட்டாங்க!!!

1. விஜயகாந்த்
2. சரத்குமார்
3. விஜய்

Where to go and tell this story :))))) (டமில்லா மாத்திக்கங்கப்பா!!)

நன்றி : தெனாலி.காம்

விரிவான செய்திக்கு இங்கே சொடுக்கவும்.

கண்ணிருந்தும் குருடராயிருப்பவர்களுக்கு!

2009-04-29T20:08:00.004+05:30

ஈழம் - வன்னி போர்முனையிலிருந்து நேற்றைய வீடியோக்கள்! இதுவா கொத்துகுண்டுகள், ரசாயன ஆயுதங்கள் ஆகியவற்றை பயன்படுத்த மாட்டோம் என்று சொன்னதுக்கு அர்த்தம்??!!

பி.கு:
இத்தகைய ஒரு வாக்குறுதியை இலங்கை அரசிடம் இருந்து பெருவதே குதிரைக்கொம்பாக இருந்தது. இனி வாக்குறுதியை மீறும் பட்சத்தில் இலங்கை அரசுக்கு எதிரான சர்வதே ராணுவநடவடிக்கையை கோரமுடியும் என்று யாரோ ஒருத்தர் சொன்னாருபா நேற்று!

பிரணாப் முகர்ஜி ஒத்துக்கிட்ட்ராருடே!

2009-04-28T11:25:00.005+05:30

பிரணாப் முகர்ஜி இந்தியா இலங்கைக்கு ராணுவ உதவி செய்வதாக ஒத்துக்கிட்டாரு டே!! இப்ப என்ன செய்யலாம் நம்ம...

உங்க கருத்து என்ன?

வீடியோ தெரியவில்லை என்றால் இங்கே கிளிக் செய்து பார்க்கவும்...

பி.கு: இலங்கை எல்லாம் உங்களுக்கு நட்பு நாடா தெரியுது! ஈழத்தமிழன் மட்டும் தான் உங்களுக்கு நட்பா தெரியலையா...

ஈழத்திலிருந்து வீடியோகள்!

2009-04-24T12:42:00.007+05:30

இதையும் பார்த்துவிடுங்கள்! இவர்களா ராஜப்க்ஷே தேடும் புலிகள்??!!!

வீடியோக்களை தந்த அண்ணன் பாலபாரதிக்கு நன்றி

கண்களில் ரத்தம் வருதடா!!

2009-04-23T21:04:00.005+05:30

இளகிய மனம் உள்ளவர்கள் இதை பார்க்கவேண்டாம்:

இந்த சிறுபிள்ளைகள் காயப்பட்டு கிடப்பவரை காப்பாற்ற தவிப்பதிலிருந்து தெரியுது, அவர் தான் இந்த பிள்ளைகளில் கடைசி உறவாக இருக்குமென்று !!

வீடியோவுக்கு நன்றி - பாலபாரதி

நான் வேலைநிறுத்தத்தில் ஈடுபட மாட்டேன்!

2009-04-22T12:08:00.004+05:30

தி.மு.க தலைவரும், தமிழ்நாட்டின் முதல்வருமான திரு.கருணாநிதியின் அறிக்கை:

இலங்கை அரசுக்கு நமது கண்டனத்தைத் தெரிவிக்கவும், ஈழத்தில் மாண்டு மடிந்து கொண்டிருக்கின்ற தமிழர்களைக் காப்பாற்றவும் மத்திய அரசு ஒரு நொடியும் தாமதிக்காமல் இலங்கையில் போர் நிறுத்தத்திற்கான நடவடிக்கைகளை மேற்கொள்ள வேண்டும் என்று கேட்டுக்கொள்வதற்காக, தி.மு.க. உள்ளிட்ட அனைத்து கட்சிகளும் கட்சி வேறுபாடுகளுக்கு அப்பாற்பட்ட நிலையில் தமிழ் பெருங்குடி மக்கள் அனைவரும் அவர்களாகவே முன்வந்து 23-4-2009 வியாழக்கிழமை காலை 6 மணி முதல் மாலை 6 மணி வரை அமைதியான முறையில் வேலைநிறுத்தத்தில் ஈடுபட வேண்டும் என்று கேட்டுக்கொள்கிறேன்.

***********************

ஐயா, தெரியாமா தான் கேட்கிறேன், இதை யாருடைய கண் துடைக்க நடக்கிறது? எதற்காக இந்த நாடகம். இது மத்திய அரசை எதிர்த்தானால், அந்த மத்திய அரசில் நீங்கள் யார்? அதே மத்திய மந்திரிசபையில் பங்கு கொண்டிருக்கும் உங்களுக்கு என்ன தார்மீக பொறுப்பு இருக்கிறது இந்த பந்த் நடத்த?? தாயநிதி மாறனுக்கு ஐ.டி துறை மந்திரி பதவியும், டி.ஆர்.பாலுவுக்கு கப்பல் போக்குவரத்து துறையும் தரும் வரை நான் இந்த ஆட்சியில் பங்கெடுக்க மாட்டோம் என்று சொல்ல முடிந்த உங்களுக்கு, ஈழமக்களுக்கு ஒரு நிறந்தர தீர்வு தந்தால் ஒழிய ஆட்சியில் பங்கெடுக்க முடியாது என்று தர்ணா செய்ய முடியாமல் போனது சரியாக தோண்றுகிறதா??

பந்த், மனித சங்கிலி போராட்டம், உண்ணாவிரதம், எம்.பிக்கள் ராஜினாமா, பேரணி என எந்தனை நாடகம் அரங்கேரியது, அதனால் என்ன நடந்தது? தமிழக மக்கள் அவதியுற்றர்களே ஒழிய, ஒரு ______ம் நடக்கவில்லை! இப்பொழுது அழைக்கப்படும் பந்தாலும் ஒன்று முடிவாகப்போவது இல்லை, தமிழக மக்கள் அவதியுறுவதை தவிர!!!

இத்தனை நாளாய் நடத்திய நாடகம் போதும்! இந்த பந்த்க்கு என் எதிர்ப்புக்கள் இங்கு பதிவு செய்யப்படுகிறது!

பி.கு:

இதற்கு முன்பே இது போன்ற பந்த் அரசு பொறுப்பிலிருந்து அறிவித்ததற்காக நீதிமன்றத்தால் கண்டிக்கப்பட்டிருக்கும் நிலையில், முதல்வர் என்ன எதிர்ப்பார்த்து இந்த பந்த் எனற சங்கதியை முழங்குகிறார் என்பது சந்தேகத்திற்கு உரியது! அனேகமாக அவர் தன் அரசை நீதிமன்றம் கண்டித்தாலும் பதவியை பொருட்படுத்தாமல் பந்த் நடத்தினோம் ஈழத்தமிழர்களுக்காக என்று எடுத்துக்காட்ட செய்கிறார் என்றால், அது காலம் கடந்த காமெடியே என்பதை அறியாமல் செய்கிறார் என்றே சொல்லமுடியும்.

எனக்கு ஒரு உண்மை தெரிஞ்சாகனும்!!

2009-04-21T12:19:00.006+05:30

நேற்றைய பல்டிக்கு பின் தானே கேள்வி தானே பதில் பேட்டி ஒன்றை தந்தார் முதல்வர் திரு.கருணாநிதி அவர்கள், அதில் இப்படி ஒரு கேள்வியும் பதிலும் இருந்தது!

//கே: பிரபாகரனை கைது செய்து இந்தியாவுக்கு கொண்டு வர வேண்டும் என்ற கோரிக்கை உள்ளதா?
ப: இது ஜெயலலிதாவை பார்த்து கேட்க வேண்டிய கேள்வி. அவர்தான் பிரபாகரனை கைது செய்து இந்தியாவுக்கு கொண்டு வந்து அவரை தண்டிக்க வேண்டும் என்று தீர்மானம் போட்டவர். அதை பற்றியெல்லாம் கவலைப்படாமல் சிலர் ஜெயலலிதாவின் அடிவருடி களாக மாறி அவருடன் கூட்டணி சேர்ந்துள்ளார்கள்.//

சரி ஏன் அந்த கேள்வியை ஜெவிடம் மட்டும் கேட்க வேண்டும், நேற்று அப்ஷேக் மானு சிங்வி - காங்கிரஸின் செய்தி தொடர்பாளர் ஜெ சொன்னதையே தான் சொல்கிறார் இங்கே சொடுக்கவும் , வீடியோ இங்கே ... இன்னும் சொல்லப்போனால் ஜெ சொல்வதை கூட பெரிய விசயமாக எடுக்கத் தேவை இல்லை! ஏன் என்றால் அவர் தேசிய ஆட்சி பொறுப்புக்கு வர போவதில்லை! காங்கிரஸ் ஒரு தேசிய கட்சி , இந்தியாவின் ஆட்சிப் பொறுப்புக்கு வரக்கூடிய கட்சி என்னும் போது அது சொல்வதே முக்கிய விவாதமாக எடுத்திருக்க வேண்டும் திரு. கருணாநிதி!!

//அவர்தான் பிரபாகரனை கைது செய்து இந்தியாவுக்கு கொண்டு வந்து அவரை தண்டிக்க வேண்டும் என்று தீர்மானம் போட்டவர். அதை பற்றியெல்லாம் கவலைப்படாமல் சிலர் ஜெயலலிதாவின் அடிவருடி களாக மாறி அவருடன் கூட்டணி சேர்ந்துள்ளார்கள்.//

அட இதையே தான் காங்கிரஸும் சொல்லுது! அப்போ இவரும் அதை பற்றியெல்லாம் கவலைப்படாமல் இவரும் காங்கிரஸ் அடிவருடியாக மாறி அவர்களுடம் கூட்டணி சேர்ந்துள்ளாரா??

ஆக எல்லாரும் சேர்த்து நம்மை எமாத்துறாங்களா??!! யாரு சரி ?? யாரு தவறு??? சாமீ எனக்கு ஒரு உண்மை தெரிஞ்சாகனும் !!!

திருமங்கலம் லேட்டஸ்ட் முடிவுகள்! தி.மு.க 41,341 முன்னிலை!!

2009-01-12T11:28:00.004+05:30

திருமங்கலம் லேட்டஸ்ட் முடிவுகள்!

நேற்று நாம் சொன்னதில் ஒன்று அனேகமாக நடந்துவிட்டது!

தி.மு.க - 78,106
அ.தி.மு.க - 36,765
வித்தியாசம் - 41,341

அடுத்த விசயங்கள் விரைவில் தொடரும்... மேலும் விவரங்களுக்கு என் நேற்றைய பதிவை பார்க்கவும்.

மறக்காமல் வலது பக்கம் உள்ள வாக்கெடுப்பில் கலந்து கொள்ளவும் :)

திருமங்கலம் முடிவும் மாறும் கூட்டணிகளும்

2009-01-11T16:37:00.003+05:30

நாளைய திருமங்கலம் தொகுதி வாக்கு எண்ணிக்கைக்கு பின்னர் என்ன நடக்கலாம் என்ற சிறு அலசலே இந்த பதிவு. திருமங்கலம் தொகுதி வர இருக்கு பாராளமன்ற தேர்தலுக்கு ஒரு வெள்ளோட்டமாக கருதப்படுகிறது! இங்கு விழும் ஓட்டுக்களை வைத்து மக்கள் யாரிடம் இருக்கிறார்கள் என்ற ஒரு மாயாயை உருவாக்க முடியும், அதனால் ஜெயிக்கும் கட்சிக்கு கண்டிப்பாக சில சதவீத ஆதரவு பெருகும் என்பது ஒரு கருத்து! அதனால் எப்படியும் ஜெயிப்பது என்று இரண்டு கழகங்களும் கச்சை கட்டி இறங்கி இருக்கிறது!

எனக்கு தெரிந்தவர்களிடமிருந்து தகவல் படி இறக்கப்பட்ட காசுக்கு கண்டிப்பா தி.மு.க தான் ஜெயிக்கும், அது நிச்சயம்! ஒரு ஆளுக்கு 5 - 6 ஆயிரம் வரை காசு கொடுத்திருக்கிறார்கள் ஓட்டுக்காக என்ற நிலையில் கண்டிப்பா அதிகம் கொடுத்தவருக்கே ஓட்டு என்ற லாஜிக்ல் பார்த்தால் நிச்சயம் அது தி.மு.கவுக்கு தான் அதிக ஓட்டு கிடைக்க வழி உள்ளது! இத்துணை கோடி செலவு செய்து எதற்காக இந்த ஓட்டு பிச்சை என்றது எனக்கு தோன்று சில விசயங்கள். பாவம் அ.தி.மு.க குறைவான காசு + தி.மு.க ஆட்சிக்கு எதிர்ப்பு ஓட்டுக்களை மட்டும் வைத்து ஜெயித்துவிடலாம் என்று தப்புக்கணக்கு போட்டுவிட்டது என்றே தோன்றுகிறது! 25% வெளியூரில் வேலை செய்யும் மக்கள் கொண்ட ஒரு தொகுதியான திருமங்கலம் 89% ஓட்டுகள் விழும் அளவுக்கு காசுக்காக வந்து ஒரு பெரிய ஜனநாயக புரட்சியை செய்ய வைத்திருக்கிறது தி.மு.க மற்றும் அ.தி.மு.க என்று நினைக்கும் போது! ஜனநாயத்தின் மேல் எனக்குள்ள நம்பிக்கை குழி தோண்டி புதைந்தது போன்று தோன்றுகிறது! அது வேறு விசயம்.

தி.மு.க ஜெயித்தால் இவை எல்லாம் கண்டிப்பாக நடக்கும்:

1. தி.மு.க தன் பாராளமன்ற கூட்டணியை மெதுவாக பா.ஜ.கவிடம் சாயப்பார்க்கிறது என்று தோன்றுகிறது! ஏன்னா டாக்டர் ராமதாஸை நக்கல் அடிக்கு அதே தி.மு.கவும் அதே ஜெயிக்கும் கட்சிக்கு தாவுதல் என்ற கோட்ப்பாட்டை தான் இதுவரையும் செய்துள்ளது. உதாரனத்துக்கு இதற்கு முன்பு தி.மு.க - பா.ஜ.கவுடன் கூட்டணி இருந்தது! ஐந்து வருடங்கள் சரியாக முடியும் போது, திரும்ப பா.ஜ.க வருவது கடினம் என்று தெரிந்ததும், பெரிய காரணம் ஒன்றும் சொல்லாமல் நைசாக காங்கிரஸ் பக்கம் தாவியது அனைவருக்கும் தெரிந்ததே! இப்பொழுது எனக்கு தெரிந்து காங்கிரஸ் போனமுறைக்கு வந்த அளவுக்கு கூட வர வாய்ப்பு இல்லை, அதனால் இந்த முறை கண்டிப்பா பா.ஜ.கவிடம் ஆட்சி அகப்படலாம். அதனால் மு.க தன் பங்குக்கு காய்களை நகர்த்த ஆரம்பித்துவிட்டார்.

2. இப்படி சாயும் போது மக்கள் மீண்டும் தாவிட்டார் என்று நினைக்க கூடாது என்ற நோக்கில் மீண்டும் ஈழம் மக்களில் பிரச்சனையை கவனிக்காதா மத்திய காங்கிரஸ் அரசு, தமிழ் மக்களுக்கு எதிராக சிங்கள அரசுக்கு உதவுவது ஏதோ நேற்று தான் தெரிந்தது போல அறிக்கை வெளியிடப்படும். காங்கிரஸ் தி.மு.கவால் கண்டிக்கப்படும். சில அறிக்கை போருக்கு பின் வழக்கம் போல மு.க தான் காங்கிரஸுக்கு கொடுத்து வந்த ஆதரவை வாபஸ் வாங்குவார்.

3. கடந்த 2 வருடங்களாக ஈழத்த்தை ஒரு பெரிய பிரச்சனையாக பார்க்காத தி.மு.கவும், மு.கவும் தீடீர் பாசம் பொங்கி படங்கள் காட்டப்படும். மீண்டும் தமிழ்நாட்டில் தி.மு.க தலைமையில் உண்ணாவிரதம், மனித சங்கிலி என பல போராட்டங்கள் நடக்கும்.

4. பா.ஜ.க சில நாட்களுக்கு முன் தன் பங்கிற்கு காய்களை நகர்த்த துவங்கிவிட்டது! இல கணேசன் ஏதோ அவருக்கு ஈழத்தமிழர் கஷ்டப்படுவது நேற்று தான் தெரிந்தது போல அறிக்கையும், பா.ஜ.க தன் கட்சியில் கூட்டம் போட்டு ஈழப்போராட்டத்துக்கு ஆதரவு என்று ஒரு முடிவு போட்டுள்ளது!

5. பா.ஜ.க அந்த நிலையை விடாது பிடித்துக்கொண்டு, தி.மு.க போராட்டங்களுக்கு ஆதரவு தரும், பின்னர் பாராளமன்ற தேர்தலுக்கு கூட்டணி பேசப்படும்.

6. ராமதாஸும் மெதுவாக ஈழம் ஆதரவு காரணமாக நாங்களும் தி.மு.க மற்றும் பா.ஜ.கவுடன் கூட்டணி வைத்துக்கொண்டு ஈழ மக்களை காப்பாற்ற போகிறோம் என்று சூழுரைக்கப் போகிறார்.

7. ம.தி.மு.கவுக்கு நூல்விடப்படும், வை.கோவும் அந்த கூட்டணிக்கு தாவுவதற்கு நல்ல வாய்ப்புக்கள் இருக்கிறது! ஈழம் மேட்டர் ஒன்றே போதுமானது!

8. தி.மு.க, பா.ஜ.க, பா.ம.க, ம.தி.மு.க, விடுதலை சிறுத்தைகள் + சன் டிவி என்று ஒரு பலம்வாய்ந்த கூட்டணியை காட்டப் போகிறார்கள். அந்த் பலத்தை வைத்து தி.மு.க தன் மாநில ஆட்சியையும் காங்கிரஸ் ஆதரவு இல்லாம தக்கவைத்துக் கொள்ளும் என்று நினைக்கிறேன்.

9. அடிபட்ட காங்கிரஸ் அ.தி.மு.க மற்றும் விசயகாந்தின் தே.மு.தி.கவை கூட்டணிக்கு முயற்சிக்கும், சில தகவல்கள் படி காங்கிரஸ் ஏற்கனவே தே.மு.தி.கவுக்கு வலை விரித்து இருப்பாதாக சேதி! விஜயகாந்த் எந்த பக்கமும் சாயாமல் இருப்பார அல்லது மெதுவாக பாராளமன்றம் என்பது ஒரு தேசிய நீரோட்ட்டம் அதற்கு ஒரு தேசிய கட்சி தேவை என்ற வகையில் காங்கிரஸுக்கு தலையாட்டுவாரோ தெரியவில்லை! ஆனால் அதற்கும் வாய்ப்புக்கள் அதிகம். அப்படி ஒரு நிலை வந்தால் காங்கிரஸ் - தே.மு.தி.க மற்று சில துக்கடா கட்சிகளும் இணைந்து ஒரு பலமான மூன்றாம் அணியாக காட்ட முயற்சிக்கலாம்.

10. அ.தி.மு.க வேறு வழியில்லாம் கம்யூனிஸ்டுகள் மற்றும் வாண்டையார் போன்ற ஒரு சில ஆயிரம் ஓட்டுகள் உள்ள கட்சிகளை வைத்துக் கொண்டு, தி.மு.க மற்றும் காங்கிரஸ் எதிர்ப்பு ஓட்டுக்களை நம்பி ஒரு அணியாக முயற்சி நடக்கலாம். ஒரு வேளை திருமங்கலம் வெற்றி பெற்றால் அந்த வெற்றியும் மக்கள் ஆதரவு சீன் போட ஒரு நல்ல மேட்டராக இருக்கும் ஆனால் அதற்கான வாய்ப்பு மிக மிக குறைவு!

வரும் நாட்களில் இவைகள் அனைத்து நடக்க வாய்ப்புக்கள் அதிம் என்றே தோண்றுகிறது!

பி.கு: மறக்காமல் வலது பக்கம் உள்ள வாக்கெடுப்பில் கலந்து கொள்ளவும் :)

We the people supports Eelam

2008-11-15T14:20:00.006+05:30

இன்று தான்முத்து தமிழினி யின் இந்த பதிவை படித்தேன். என் நிலை விளக்கம் கேட்டிருந்தார், வேறு யார் கேட்டாலும் பதில் தந்திருப்பேனா என்று தெரியவில்லை! நம்ம முத்து கேட்கும் போது என் நிலையை விளக்க வேண்டும் என்று தோன்றியது! விளக்கம் நம்ம உண்மை தமிழன் மாதிரி ரெம்ப பெருசா போனதாலே தனி பதிவா போட வேண்டியதாயிற்று :)

முதலில் என் ஈழம் பற்றிய கருத்துக்கள் என் முந்தய பதிவி இருக்கிறது! அதை சொடுக்கி பார்க்கவும். நான் ஏழாவது படிக்கும் போதே ஈழ மக்களுக்கும், விடுதலை புலிகளுகும் ஆதரவாக போராட்டங்களில் விடுதலை புலிகளின் கொடி ஏந்தி உங்க தலைவரின் தலைமையில் கலந்து கொண்டவன் தான்! ஆனால் இன்று (ராஜீவ் படுகொலைக்கு பின்பு) நிச்சயம் எனக்கு சில கசப்பு உணர்வுகள் புலிகள் மேல் உண்டு, ஈழ மக்கள் மேல் அல்ல! ஈழ மக்கள் துயர் துடைக்கபட வேண்டும் என்பதில் இருவேறு கருத்துக்கள் யாருக்கு இருக்க முடியாது என்னையும் சேர்த்து தான்! இதற்கு இந்தியா மூலமாக தான் ஒரு முடிவு வர முடியும் என்ற என்னாலும் மறுக்கமுடியாது! ஈழ மக்கள் நிம்மதியாக/அமைதியா வாழ ஒரு இடம் நிச்சயம் தேவை என்பதும், அதற்கு பேச்சுவார்த்தையே தீர்வு என்பதே என் கருத்து!

இப்ப உங்க பதிவில் வந்த சில வாதங்களுக்கு என்று கருத்துக்கள்:

//உனது பிள்ளைக்கும் உற்றார் உறவினருக்க உன் குடும்ப துதிபாடிகளுக்கும் கீழ்சபையில் எம்பி பதவியும் மத்தியில் அமைச்சர் பதவியும் உன்னால் தனித்து நின்று மத்தியரசிடம் வாங்கி கொடுக்கமுடியும் ஆனால் எந்த இனத்தின் பெயாரால் பிழைப்பு நடத்துகிறாயோ அந்த இனத்திற்கு எதாவது நன்மைசெய்யதான் உன்னால் முடியாது.//

நீங்க சொல்லுவதை போல நான் "நச்" போட்டது செலக்டிவ்வான சில விசயங்களுக்கு மட்டுமே! அது சரி செலக்டிவ் என்ற வார்த்தை ஏதோ அந்த அம்மாவுக்கு மட்டும் காப்பிரைட்ஸ் இருக்காமாதிரி எழுதியிருக்கீங்க. நான் யாரை தலைவராக கொண்டிருக்கிறேன் என்று நீங்களா முடிவு செய்வது நல்லதல்ல! அதை நான் தான் சொல்லனும்! கருணாநிதியை திட்டினா, ஜெயா தான் என் தலைவின்னு எப்படி சொல்லுறீங்க! ஜெயலலிதாவையும் திட்டி பல பதிவு போட்டிருக்கேன் அப்படின்ன நான் கருணாநிதி கட்சியா?? என்னய்யா உங்க லாஜிக்...கேட்கும் போதே புல்லரிக்குது!

//we the people என்ற பதிவர் சமீபத்தில் குழலியின் பதிவொன்றில் குழலி தன் அணியில் சேர்ந்து விட்டதாக புளகாங்கிதப்பட்டுள்ளார்.//

எனக்கும் ஏதோ அணி இருப்பதாக ஒரு மாயை தயார் செய்யும் உங்கள் முயற்சிக்கு நன்றி :)

எம்.பிக்கள் ராஜினாமா முடிவை, கருணாநிதி தலைமையில் அனைத்துக்கட்சி மீட்டிங் போட்டு முடிவு எடுத்தார்கள் தானே, அப்படி இருக்கும் போது ராஜினாமா செய்ய வேண்டாம் என்ற முடிவையும் அனைத்து கட்சி கூட்டம் போட்டு தானே சார் முடிவெடுக்கனும்! மத்திய அரசுக்கு கொடுத்த முடிக்கு முன்பே உங்க தலைவரே தன்னிச்சையா ராஜினாமா தேவையில்லை என்று முடிவெடுத்தது சரியா?? அப்ப எதுக்கா இந்த நாடகம் என்று கேட்டா என்னை அ.தி.மு.க கட்சியில் நீங்களா கோத்துவிடுவது ஓவரா தெரியல???

//அன்புமணி ஏதாவது ராஜீனாமா செய்து கீய்து விட்டாரா என்று அனைத்து பேப்பரையும் புரட்டி பார்த்தேன். அப்படி எதுவும் செய்தி இல்லை. தீடிரென்று கலைஞர் ஈழபிரச்சினையில் வெறும் அரசியல் தான் செய்கிறார் என்று எப்படி கண்டுபிடித்தீர்கள் என்று புரியவில்லை.//

//ராமதாஸ் தன் கட்சி எம்பிக்களை ராஜினாமா செய்வதை எது தடுக்கிறது என்று புரியவில்லை.//

அனைத்துக்கட்சி தலைவர் எவ்வழி, அது போலவே மற்ற கட்சிகளும் செய்யும். அவருக்கு இருக்கும் பதவி வெறி, மற்றவர்களுக்கும் வரக்கூடாதா என்ன?? தமிழின தலைவனே சும்மா இருக்கும் போது, குட்டி தலைவர்களுக்கு என்ன தலை எழுத்தா என்ன??

//கலைஞரை தாண்டி நாம் ஏன் சிந்திப்பதில்லை? //

ஏன்னா அவர் தானே Self Styled தமிழின தலைவர், அப்ப அவரை சுற்றித்தானே கேள்விகள் விழவேண்டும்? அது தானே நியாயம்!

//கம்யூனிஸ்ட் கட்சி சில நாட்களுக்கு முன் ஒரு நாடகம் நடத்தியது.//

அது மட்டும் நாடகம் என்று நன்றாக தெரியும் உங்களுக்கு!! ஏன் உங்க தலைவர் நடத்தும் மனித சங்கிலி போராட்டம், உண்ணாவிரதங்களும் நாடகம் என்று புரியமாட்டிங்குது!!?? ஒரு வேலை இதுவும் செலக்டிவ் வகையை சேருமா??

ஏன் இப்ப உங்க கல்லூரியின் பெயர் முழுசா சொல்லறாங்களா??

2008-11-14T14:43:00.010+05:30

சட்டம் என் கையில் என்று மாணவர்கள் த்தூ! அதுங்களை மாணவர்கள் என்று சொல்லக்கூட மனம் வரவில்லை, மிருகங்களை போல ஒரு சக மாணவனை வேட்டைய அந்த வீடியோ காட்சிகளை பார்த்து இரண்டு நாட்கள் ஆகிவிட்டது ஆனாலும் இன்னும் என் இதய படபடப்பு அடங்கவில்லை! ஒரு மனிதனை, சக மனிதன் அதுவும் அடிவாங்கி மரணித்து கிடக்கும் ஒருவனை இப்படி அடிக்க எப்படி மனம் வருகிறது என்று புரியவே இல்லை! இத்தனைக்கு காரணம் முத்துராமலிங்கதேவர் பிறந்தநாள் விழாவுக்கு போஸ்டர் அடிக்கும் போது வெறும் சட்டக்கல்லூரி மாணவர்கள் என்று அச்சிட்டதே காரணம், இதில் உள்ள நுண்ணரசியல் அம்பேத்கார் பெயர் வேண்டுமென்றே விடப்பட்டதானால் என்று கேட்க்கும் போது வெட்கபட வேண்டியுள்ளது நம் இளைஞன் இது போன்ற வெட்டி சித்தாந்தக்கு, சாதி வெறி தூண்டும் வண்மைக்கு அழைத்து செல்லப்படுவது வருத்த அளிக்கிறது!

அரசு கல்லூரிகளில் மட்டுமே சாதிவாரியாகவும், இனவாரியாகவும் சண்டை நடைபெறுவது என்ற ஒரு முக்கிய விசயம் வெளிவருகிறது! இந்த சாதிய விஷத்தை இவர்கள் மேல் தினிப்பது யார்? எனக்கு தெரிந்த மட்டும், நம் தமிழக அரசியல்வாதிகளின் தங்கள் பிரச்சனைகள்/அடி தடி அழிக்கும் தேவைகளுக்கு இந்த அரசு சார்ந்த கல்லூரிகளை ஒரு ரெக்கூருட்டிங் ஏஜென்ஸிகளா மாற்றிவைத்துள்ளனர் என்றே தோண்றுகிறது!

இதே அளவுக்கு தலித் மற்றும் தேவர்களும் ஆதிக்க சாதியினரும் தனியார் கல்லூரிகளில் படிக்கிறார்களே, அங்கு மட்டும் ஏன் இது போன்ற விசயங்கள் வருவதில்லை?? ஏன் என்றால் தனியார் கல்லூரிகளில் அரசியலுக்கு இடம் இல்லை! அங்கே பெரும்பாலும் மாணவர் தலைவர் தேர்தல் என்ற ஒன்று இல்லை! அரசியல் கட்சி அங்கு அனுமதி இல்லை! கல்லூரி நிர்வாகம் ஓட்டு பொறுக்க விடுவதில்லை! அதனால் அங்கு இது போன்ற விசயங்கள் வருவதில்லை என்று நினைக்கிறேன்!!!

இதில் பெரும் கொடுமை என்றவென்றால் காவல் துறையில் பொறுப்பற்ற செயல் கண்டனங்களுக்கு உரியது! சுமார் 40 - 50 காவலர்கள் அங்கு நடக்கு அத்துனை ஆராஜத்தையும், கண்முன்னே மயங்கிடக்கும் (இதற்கும் அந்த மாணவன் கல்லூரி கேட்டுக்கு வெளியே வந்துவிட்டார்) அதற்கு பின்னரே அவனை அடித்து நொருக்கினார்கள்! எருமை மாட்டு சாணியை போல நின்று பார்த்துக் கொண்டிருந்தவர்களுக்கு காக்கி உடை தேவைதானா?? எதற்காக கை கட்டி வேடிக்கை பார்த்தார்கள் என்பது ஹிமாலய கேள்வி!

கேலிக்கூத்துக்கள் சில:

கண்முன்னே அடித்து கொண்டிருந்தவர்களை விட்டுவிட்டு, இன்று வலைவீசு தேடுகிறோம் என்று சொல்வது ஒரு சரியான கேலிக்கூத்து! இது போன்ற வேலை செய்ய காவல் துறை எதற்கு!!அத்தனை கலவரங்கள் முடிந்த பின்னர் ஒரு காவல்துறை அதிகாரி, யார் தவறு செய்தார்களோ அவர்கள் மேல் டிப்பாட்மென்டல் ஆக்ஷன் எடுக்கப்படும் என்று கூறினார், எனக்கு தெரிந்த மட்டும் டிப்பாட்மென்டல் ஆக்ஷன்எனபது காவல்துறையினரே தவறு செய்தால் எடுக்கப்படும் நடவடிக்கை என்று நினைக்கிறேன், ஒருவேளை அவர் மேல் டிப்பாட்மென்டல் ஆக்ஷன் நிச்சயம் வரும் என்று முன்கூட்டி அறிந்திருந்தாரா அவர் என்று தெரியவில்லை !!!
சட்ட மனறத்துக்கு தினமும் வரும் முதல்வர், தன் துறையான காவல்துறையின் அலட்சியத்தியத்துக்கு என்ன பதில் சொல்ல என்று தெரியாமல் எஸ்கேப் ஆனது நல்ல வேடிக்கை!
சட்ட மன்றத்தில் வருத்தம் தெரிவித்த அமைச்சர் துரைமுருகன் வழக்கமான பல்லவியான ஜெயலலிதாவின் ஆட்சியில் அதிகமான வண்முறை நடந்தது என்று கம்பேரிஸன் ஸ்டேட்மெண்ட் கொடுத்தது அதைவிட கொடுமை!
ஜெயலலிதாவின் அறிக்கை வழக்கமான காமெடிகளைவிட இது குறைவு என்றாலும், முதலவரே நீங்க ராஜினாமா செயுங்க, நான் ஆட்சிக்கு வரவேண்டும் என்ற கேலிகூத்து சூப்பர்! அத்துனை அராஜகங்களை செய்தது மாணவர்கள் இல்லையாம், அண்ணா பிறந்தநாளில் விடுவிக்கப்பட்ட ஆயுள் தண்டனை கைதிகளாம் என்ற மிக பெரிய காமெடியை வேறு அந்த அறிக்கையின் அசத்தல் விசயம் :)))

எது எப்படியோ அடிபட்ட மாணவனின் பெற்றோர்(மேலே உள்ள வீடியோவில்) கேட்டும் கேள்விக்கு யார் பதில் சொல்வார்கள்!

இந்த மாணவர்களில் சிலர் தான் நாளைய அரசியல் தலைவர்கள், நீதி அரசர்களாக வலம் வரப்போகிறார்கள் என்பதை நினைக்கும் போது, இனி வரும் தலைமுறை காட்டுமிராண்டிகளிடம் சிக்கி தவிக்கும் என்பதில் எனக்கு ஐயம் இல்லை!

அரசிடம் எதிர்ப்பார்ப்பது:

சில சஸ்பெண்டுகள், பணியிட மாற்றம், விசாரணை கமிஷன் என்ற கண்துடைப்பு வேலைகளை மட்டும் செய்து தன்னையும் தன்மக்களையும் ஏமாற்றாமல் உண்மையில் ஏன் இப்படிப்பட்ட விசயங்களை நடக்கின்றன, அதன் வேர்கள் என்ன? யார் யார் இத்தீயினை(இருபுறமும்) மாணவர்களிடம் விதைப்பது என்பதை கண்டு ஆராய்ந்து முற்றிலுமாக நீக்க தகுந்த நடவடிக்கை வேண்டும், அது யாராக இருந்தாலும் என்பதே ஒரு சாதாரண பொதுமக்களில் ஒருவனான என்னுடைய ஆவல்! இதுவே மக்களின் ஆசையாக இருக்க முடியும் என்றே நினைக்கிறேன்.

நன்றி IBNLive.com

ஈழம் என்ன தான் தீர்வு உங்கள் கருத்துக்கள் தேவை!

2008-11-05T10:48:00.003+05:30

நண்பர்களே என் முந்தய பதிவில் இந்தியா ஈழப்பிரச்சனையில் என்ன செய்யலாம் என சில கருத்துக்களை முன் வைத்திருந்த்தேன். இது போல வெட்டியா உண்ணாவிரதம், மனித சங்கிலி, மேடை போட்டு பேசுவது என்று இல்லாமல் ஆக்க பூர்வமாக எதை செய்தால் ஈழப்பிரச்சனையில் நல்ல தீர்வு வரும் என்ற கருத்தை சொல்லுங்களேன்!

என் கருத்துக்கள் இதோ!

இந்த ஈழதமிழர்களுக்கு இன்று உணவு காசும் முக்கியமல்ல.... நிம்மதியா வாழ்க்கையும், வாழ்விடமுமே. அதை இந்தய அரசால் தான் பெற்றுத் தரமுடியும். நீங்க கொடுக்கும் 700 டன் உணவு பொருள் உப தேவைகளே தான் முக்கிய தேவைகள் அல்ல...

1. இந்தியா இந்த விசயத்தை ஐ.நா சபைக்கு கொண்டு செல்ல வேண்டும், அங்கே வைத்து இலங்கை அரசு, விடுதலை புலிகள், ஏனைய போராட்ட குழுக்கள் என அனைவரையும் ஒரு ஒருமித்த கருத்துக்கு கொண்டுவர வேண்டும். அந்த முடிவுகளை பாதுகாக்க ஒரு ஐ.நா படை அங்கே அமர்ந்த பட வேண்டும்.

2. பாதுகாப்புக்கு இந்தியா ராணுவம் அனுப்பக்கூடாது! ஐக்கிய நாடுகளின் படை மட்டுமே அங்கே செல்ல வேண்டும். இந்திய அரசு மேற்பார்வைக்கு மட்டுமே உதவ வேண்டும்.

பதவியில் உள்ளவர்களே!!! இவை எவையும் முடியாதெனில் குறைந்த பட்சம் ஈழத்தில் இருந்து தப்பிவர கூட காசு இல்லாமல் தவிக்கு (ஒரு உயிரை காப்பாற்ற சுமார் பதினைந்தாயிரம் ரூபாய் வரை வசூலிக்கபடுகிறதாம் அது கை குழந்தையாயினும் ) மக்களை இங்கே இருந்து ஒரு கப்பல் அனுப்பி கொண்டுவந்து இப்போது ஈழ தமிழர்களுக்காக கிடைக்கும் கோடிக்கணக்கான நிதி வைத்து நல்ல வசதியாவது செய்து தாருங்கள்!! தயவு செய்து அவர்களை மனிதர்களாக வாழ வையுங்கள்!

உங்கள் கருத்துக்களை பின்னூட்டத்தில் எழுதவும்.

நன்றி

ஈழம் போதும் அரசியல் நாடகம்

2008-11-03T16:15:00.000+05:30

கடந்த சில வாரங்களா எங்க பார்த்தாலும் ஈழ தமிழர் பிரச்சனை குறித்து பேச்சு, பல வருடங்களாக தூங்கி கொண்டிருந்த பலரும் ஏதோ நேற்று முதல் தான் இலங்கை ராணுவம் தமிழ் மக்கள் மேல் குண்டு மழை பொழிவது போல பேசி தள்ளிக் கொண்டிருக்கிறார்கள். இன்று இது பூதாகரமாக பேச நிச்சயமாக கம்யூனிஸ்டுகளும், ஜெயலலிதாவுமே காரணம்! என்னடா இது ஜெயலலிதா வெல்லாம் ஈழ மக்களின் பிரச்சனையை பற்றி பேசும் போது நாம் பேசவில்லை என்றால் பின் நம் தமிழின தலைவர் பட்டம் காணாமல் போய்விடுமோ என்ற பயமே நம்ம முதல்வர் இந்த மேட்டரை கையிலெடுக்க காரணம். சில மாதங்களுக்கு முன் கோயம்பேட்டில் ஒரு ஓரமா நெடுமாறன் அவர்கள் உண்ணாவிரதம் இருந்த போது என்ன நடந்தது என்று ஊர் அறியும்! இன்று அதே உதவிகள் மட்டுமே கிடைக்க போகிறது ஆனால் பெரிய சாதனை நடந்துவிட்டது போல கூவி கூவி விலை போக பொருளை விற்கிறார்கள் அரசியலிலும் வலைப்பதிவிலும். அறிவிழி என்று ஒருவர் தோழர் தமிழச்சியின் ஈழ பதிவுக்கு பதில் தருவதாக நினைத்து கிட்ட தட்ட ஜெ. அறிக்கை மாதிரி ஒரு சப்பை கட்டு கதை எழுதியிருந்தார், நான் வினாகளை எழுப்பினே இதுவரை வெளியிடவும் இல்லை, பதில் சொல்லவும் இல்லை. அதனால் அந்த வினாகளை பொதுவாக இங்கே வைக்கிறேன்.

அவர் பதிவில் நான் இட்ட பின்னூட்டம்:

\\ 2. சில மாதங்கட்கு முன்னர் திரு.பழ. நெடுமாறன், மருத்துவப் பொருட்களை அனுப்பிட, வசூலித்து வைத்த பின்னர் கேட்டபோது மறுக்கப்பட்டதே. ஏன்? இப்போது எங்கிருந்து வழி பிறந்தது? \\

இப்போது அவற்றை அனுப்ப வழி பிறந்து விட்டது என்பது தமிழக கட்சிகளின் முயற்சியால் கிடைத்த வெற்றிதானே.

மேலே உள்ள கேள்விக்கு நீங்க கூறியுள்ளது பதிலே இல்லை!!!

//இந்தியா தனது அண்டை நாடான இலங்கையின் மீது எந்த அளவிற்கு அதிகாரம் செலுத்த முடியும்.இந்தியாவின் உள்நாட்டு விவகாரத்தில் பாகிஸ்தானோ அல்லது அமெரிக்காவோ தலையிட்டால் அதை எந்த அளவிற்கு நம்மால் ஏற்றுக் கொள்ள முடியும்.
//

ஐயா, இதற்கு முன் ராஜீவ் காந்தி காலத்தில் இலங்கை அரசை எதிர்த்து நம் விமானங்கள் ஈழப்பகுதிக்கு சென்று உணவுகள் வான்வழியாக இடப்பட்டிருக்கு! அதுவும் இல்லாமல் இதே போன்ற ஒரு மொக்கை பேச்சை தான் சில நாட்களுக்கு முன் ஜெயலலிதா பேசினார், இப்ப நீங்க அதே மொக்கை பதில் சொல்லறீங்க! இரண்டுக்கு வித்தியாசம் அந்த அம்மா கருணாநிதி எதை கேட்டாலும் அது நடக்காது என்று சொல்லவேண்டும் என்பதற்காக சொல்கிறார், நீங்க கலைஞர் எதஹி செய்தாலும் சரியே என்று நிரூபிக்க அதே மொக்கை பதிலை சொல்கிறீர்கள். இதற்கு என் பதில் நாம் பாகிஸ்தானின் உள்நாட்டு பிரச்சனையில் நம்மாள் இறங்க முடியாது ஏன் என்றால் தார்மீக உரிமை இல்லை. ஆனால் இது அப்படி அல்ல,நம் நாட்டிருக்கு இலங்கையிலிருந்து அகதிகளாக ஈழத்தமிழர்கள் வருகிறார்கள் என்ற ஒரு காரணம் போது நாம் இந்த உள்நாட்டு பிரச்சனையில் தலையிட சரியான காரணம். அதனால் நமக்கு இதில் தலையிட கண்டிப்பாக தார்மீக உரிமை 100% உள்ளது. இதே போன்ற ஒரு தார்மீக உரிமையில் தான் அன்று பாகிஸ்தானிடமிருந்து பாங்ளாதேஷை இந்தியா உதவி செய்து பிரித்து தந்தது என்று தெரிந்து கொள்ளவும்.

//அப்பாவித் தமிழர் மீதான குண்டுத் தாக்குதல் உடனடியாக நிறுத்தப்பட வேண்டும் என்று இந்தியா கேட்டுக் கொண்டுள்ளது, அதை ஏற்று இலங்கையும் ஒப்புக் கொண்டு உள்ளது.//

எங்கே??!! எப்போ?? செய்திக்கு இங்கே கிளிக் செய்யவும்

இந்த இலங்கை அரசை தான் நம்ப சொல்லறீங்களா?? அட நீங்க வேற..

------------------------------------------------------------------------------------------------

இந்த விசயத்தில் முதல்வர் ராஜினாமா என்ற ஆயுதத்தை எடுத்திருக்க கூடாது! என்ன கட்டாயத்துக்கு எடுத்தார், ஏன் வாபஸ் பெற்றார் என்பது சிறு பிள்ளைக்கு கூட தெரிந்திருக்கிறது! எனக்கு தெரிந்து ஜெ. ஈழ மக்கள் பற்றி அறிக்கையும், கம்யூனிஸ்டுகளின் போராட்டதுக்கு ஆதரவும் தெரிவிக்காமல் இருந்திருந்தால், நம் முதல்வர் இந்த ஈழ தமிழர் மேட்டரை தொட்டுக்கூட பார்த்திருக்க மாட்டார் என்பதே நிதர்சனமான உண்மை!!

-----------------------------------------------------------------------------------------

எனக்கு தெரிந்த மட்டும் ஈழத்தமிழர்கள் பொருத்த மட்டில் உண்மையா வருந்துபவர்கள் என்று சொல்லுவதானால் பழ.நெடுமாறன், டாக்டர். ராமதாசு, வை.கோ மட்டுமே! மற்றவர்கள் எல்லாம் இமேஜ், ஓட்டு , தமிழின தலைவர் போன்ற பட்டங்களுக்காகவோ சங்கு ஊதுபவர்கள் தான்!

இங்கேயும் இருக்கு ஈழ தமிழர்கள் அகதி முகாம் அதை பற்றி நாம் பல முறை பேசியும் இருக்கிறோம்! இங்கே தமிழ்நாட்டில் இருக்கும் அகதிகள், கொத்தடிமை கைதிகள் போலவே வாழ்கிறார்கள், அவர்களுக்கு என்ன உதவி செய்திருக்கிறார்கள் இன்று நான் தான் உங்களை காப்பாற்ற வந்த தலைவன்/தலைவி சொல்லுபவர்கள்... இங்கே இருப்பவர்களுக்கூட ஒன்று செய்ய முடியாத நீங்க தான் அங்கே உதவி அனுப்பறீங்கா சாமிகளா??

இந்த ஈழதமிழர்களுக்கு இன்று உணவு காசும் முக்கியமல்ல.... நிம்மதியா வாழ்க்கையும், வாழ்விடமுமே. அதை இந்தய அரசால் தான் பெற்றுத் தரமுடியும். நீங்க கொடுக்கும் 700 மில்லியன் டன் உணவு பொருள் உப தேவைகளே தான் முக்கிய தேவைகள் அல்ல...

1. இந்தியா இந்த விசயத்தை ஐ.நா சபைக்கு கொண்டு செல்ல வேண்டும், அங்கே வைத்து இலங்கை அரசு, விடுதலை புலிகள், ஏனைய போராட்ட குழுக்கள் என அனைவரையும் ஒரு ஒருமித்த கருத்துக்கு கொண்டுவர வேண்டும். அந்த முடிவுகளை பாதுகாக்க ஒரு ஐ.நா படை அங்கே அமர்ந்த பட வேண்டும்.

2. பாதுகாப்புக்கு இந்தியா ராணுவம் அனுப்பக்கூடாது! ஐக்கிய நாடுகளின் படை மட்டுமே அங்கே செல்ல வேண்டும். இந்திய அரசு மேற்பார்வைக்கு மட்டுமே உதவ வேண்டும்.

பதவியில் உள்ளவர்களே!!! இவை எவையும் முடியாதெனில் குறைந்த பட்சம் ஈழத்தில் இருந்து தப்பிவர கூட காசு இல்லாமல் தவிக்கு (ஒரு உயிரை காப்பாற்ற சுமார் பதினைந்தாயிரம் ரூபாய் வரை வசூலிக்கபடுகிறதாம் அது கை குழந்தையாயினும் ) மக்களை இங்கே இருந்து ஒரு கப்பல் அனுப்பி கொண்டுவந்து இப்போது ஈழ தமிழர்களுக்காக கிடைக்கும் கோடிக்கணக்கான நிதி வைத்து நல்ல வசதியாவது செய்து தாருங்கள்!! தயவு செய்து அவர்களை மனிதர்களாக வாழ வையுங்கள்!

உங்களுக்கெல்லாம் வேற வேலையே இல்லையா!!!

2008-07-16T17:02:00.005+05:30

நாட்டில ஏழை மற்றும் மிடில் கிலாஸ் மக்கள் விலைவாசி, பெட்ரோல்/டீசல் விலை ஏற்றம், பணவிக்கத்தால திண்டாடிக்கிட்டு இருக்காங்க, அதுக்குகாக ஒரு எழவும் செய்யாம, வெட்டியா 2030 ஆண்டு கரெண்ட் பிரச்சனையை சமாளிக்க போறேன்னு, அணு சக்தி பின்னாடி சுத்திக்கிட்டு இருக்காரே நம்ம பிரதமர்!! ரெம்ப நல்ல பிரதமர் தான் நமக்கு கிடைத்து இருக்காருடே !!

நேற்று அதைவிட முக்கியமான வேலையா, முகேஷ் அம்பானிக்கும், அனில் அம்பானிக்கு இடையில் கோடிகள் பிரச்சனையாம், பாவம் வேலை வெட்டியில்லாம இருக்காரு பிரதமர், உடனே கிளம்பிட்டாரு அவங்க பிரச்சனையை சரி செய்யறதுக்கு!! நல்லா வெளங்கும்டா நாடு!!! பாவம் அவரும் ஏதாவது உருப்படியா வேலை இல்லையே! இதையாவது பார்த்தா ஏதாவது கட்டிங் தேருமான்னு யோசிக்கறாரோ??

எம்.பி வாங்களையோ! எம்.பி :(((

2008-07-14T12:01:00.002+05:30

நேற்று நடந்த கம்யூனிட்ஸ்டுக்ளின் பத்திரிக்கையாளர்கள் சந்திப்பில் காங்கிரஸை பற்றி பரவலா சொன்ன குற்றச்சாட்டு, பெருமளவு குதிரை பேரம் நடப்பதாகவும், கோடிக்கணக்கில் பணம் கைமாறுவதாகவும் பகிரங்கமாக குற்றம் சாட்டினர் கம்யூனிஸ்டுகள்! இவர்கள் கடந்த நான்கு ஆண்டுகள் காங்கிரஸுக்கு ஆதரவு தர எவ்வளவு தந்தார்கள் என்று சொல்லவில்லை இதுவரை.... :)))

ஒரு எம்.பிக்கு 25 கோடி ரூபாயும், ஒரு மந்திரி பதவி வரை வாக்குறுதி தரப்படுகிறதாம், காலையில் விண் டி.வி செய்திவிமர்சனத்தில் சொன்னார்.

எனக்கு இருக்கும் ஒரே டவுட், இவ்வளவு காசு கொடுத்து ஒரு வருடம் ஆட்சியில் இருந்தால், ஆட்சியை தக்கவைக்க 60 எம்.பிகளுக்கு கொடுத்த காசுக்கு (1500 கோடி) மேல இவர்களுக்கு தேறுமா?? இல்லை மக்கள் நலனை முன்னிட்டே தங்கள் கட்சி பணத்தை இப்படி விலைக்கு வாங்க உபயோகிக்கிறார்களோ?? இந்தியாவில் நிலவும் ஜனநாயத்தின் கொடிய நிலையை நினைத்து மணம் நொந்து கொள்வதை தவிர வேறென்ன செய்யமுடியும் நம்மால்...

கலைஞர் கடிதமும் விலைவாசி உயர்வும்

2008-07-10T15:15:00.003+05:30

முரசொலியில் முதல்வரின் நேற்றைய சேதி பயங்கரமா சிரிப்பை தான் வரவைத்தது! வெங்காயம் விலையும், தக்காளி விலையும் கடுமையாக குறைந்துவிட்டதாம், மக்கள் சந்தோஷ கடலில் தத்தளிக்கிறார்களாம் :))))) அது கொடநாடு எஸ்டேட்டில் இருப்பவர்களுக்கு தெரிய வாய்ப்பு இல்லைன்னு சொல்லியிருக்காரு! (அங்க அந்த அம்மா என்ன தான் செய்யறாங்களோ! ஒன்னியும் பிரியில! எதிர்கட்சி தலைவருக்கு ரெஸ்டு தவிர வேற வேலையே இருக்காதோ! அது வேற விசயம்!)

மற்ற எல்லா காய்கறிகளில் விலையும் பன்மடங்கு உயர்ந்துவிட்டது! அது நம் முதல்வருக்கு தெரியவில்லை!! என்ன சொல்லவரார் குறைந்த விலையில் கிடைக்கும் வெங்காயம் + தக்காளியை மட்டும் வைத்து ஜாலியா இருங்க! மற்ற காய்கறிகள் எங்களை மாதிரி காசு இருக்கிறவங்க சாப்பிடுவது என்பதை தெரிந்து கொள்ளுங்க என்றா??

மரண அரசியல் - செல்வி.ஜெயலலிதா!

2008-04-28T11:38:00.002+05:30

கடந்த வாரம் தடுப்பூசி இட்ட நான்கு குழந்தைகள் மரணத்தை தழுவின, அந்த மரணங்கள் தவிர்கப்பட்டிருக்களாமோ இல்லையோ! தெரியவில்லை, அதற்கு என்ன காரணம், மருந்தா? குளிரூட்டு பெட்டியில் பாதுக்காக்காததா? என்ற காரணங்களே வெளிவராத நிலையில், தமிழக அரசு தான் தரகுறைவான மருந்துகளை வாங்கி குழந்தைகளை கொண்றது போன்று ஒரு கேவலமான அரசியல் செய்வது என்ற கொடூர வேலையை செய்யும் செல்வி. ஜெயலலிதா, அதை தினமும் சொல்லிக்கொண்டிருக்கும் ஜெயா டி.வி மற்றும் மக்கள் டி.விக்கு என் கண்டனங்கள்!

இது தொடர்பான சில விசயங்கள்:

1. இந்த மருந்து தமிழக அரசு வாங்கி வினியோபிப்பதல்ல! மந்திய அரசு மொத்தமாக வாங்கி, இந்தியாவில் உள்ள அத்துனை மாநிலங்களுக்கும் வினியோக்கிறது!

2. மத்திய அரசு தான் சோதனை அடிப்படையில் Human Biologicals Institute (HBI) நிறுவனத்தின மிருந்து இந்த மருந்துகளை வாங்கியுள்ளது! வழக்கமாக வாங்கும் நிறுவனமான சீரம் இன்ஸ்டிடூடிடமும் (Serum Institute of India) வாங்கியுள்ளது!

3. இதில் HBIயிடம் வாங்கிய மருந்துகள் ஒரு டோஸ்க்கு ரூ 7/- விலை அதாவது ரூபாய் ஒன்று சீரம் இன்ஸ்டிடூடின் தடுப்பு மருந்து(ரூபாய் 8/-) விலையைவிட குறைவானவை!

4. இறந்த நான்கு குழந்தைகளுக்கும் போடப்பட்ட மருந்துகள் HBIயிடம் வாங்கியவை என்பது சரியே!

5. இந்த மருந்துகள் பொடியாக தான் வரும், அதை Sterile Water கொண்டு கலந்தே உபயோக்கிக்க வேண்டும், இறந்ததில் மூன்று குழந்தைகளுக்கு HBIயிடம் வாங்கிய மருந்து Serum Instituteடின் Sterile Water கலந்து உபயோக்கிப்பட்டிருக்கிறது! சில நேரம் இதுவும் காரணமகலாமாம்! ஆனால் நான்காவது குழந்தைக்கு மருந்தும், Sterile Waterரும் இரண்டுமே HBIயின் தயாரிப்பு!!

இதற்கான காரணங்கள் கண்டறியும் வரை காத்திருக்க தான் வேண்டும். நிலை இப்படி இருக்க, செல்வி. ஜெயலலிதாவுக்கு கண்டிப்பாக யார் மேலாவது பழி போட வேண்டும் என்றால் மத்திய சுகாதார அமைச்சர் டாகடர் அன்புமணி மீது பழி போடுங்க்! அதை விட்டுவிட்டு தமிழக அரசு தரம் குறைந்த மருந்துவாங்கியது என்று அரசியல் செய்வது மிகவும் தரம் தாழ்ந்த விசயாமாக தெரியுது!

மக்கள் டி.வியோ எப்படியோ தங்கள் மந்திரி மேல் பழி வராமல் இருந்தால் போதும் என்ற விஷம நோக்கில், மக்களை ஏமாற்றி திசை திருப்பும் வேலை செய்யும் ஜெயலலிதாவின் அறிக்கையை தினமும் செய்திகளில் படித்து தப்பிக்க நினைக்கிறார்கள்!!!

பி.கு: ஜெயலலிதா பொய் பிரச்சாரம் செய்வது தவறு ! ஆனால் அதற்கு பதில் தருகிறேன் என்று "ஜெயலலிதா முதல்வராக இருந்தபோது 8 குழந்தைகள் இறந்தார்கள்! எங்கள் நான்கு தான் ஆனது!" என்று அறிக்கைவிடுவது ஒரு முதல்வர் அழகல்ல!!

இந்த அறிக்கைக்கு அர்த்தம் இன்னும் நான்கு பேர் கோட்டா இருக்கு எங்களுக்கு என்று அர்த்தமாகிவிடாதா??!!

40 ஆயிரம் குடும்பத்தை வாழவைக்கும் மத்திய அமைச்சர்!

2008-04-24T13:30:00.006+05:30

நேற்று அந்த செய்தியை டி.வியில் பார்த்தபோது இப்படியும் ஒரு அமைச்சர் இருப்பாரான்னு எனக்கு ஆச்சர்யமா போச்சு!!! நல்லா பண்ணுங்க சாமிங்களா! ரெம்ப நல்லா இருப்பீங்க!!!

"என் குடும்பம் நடத்தும் நிறுவனங்களின் 40 ஆயிரம் பங்குதாரர்கள் மற்றும் ஊழியர்களின் நலனைக் கருத்தில் கொண்டு பெட்ரோலிய அமைச்சரிடம் எறிவாவு தரச்சொல்லி கோரிக்கையை வைத்தேன்" - டி.ஆர்.பாலு.

பாராளமன்றத்தில் தைரியமா இந்த விசயத்தை சொல்லறாரு??!! நம் பின்பலத்தில் வாழும் மைனாரிட்டி அரசு நம்மை ஒன்னும் செய்யமுடியாது என்ற தைரியம் தானே??

எப்பதான் நீங்க 100 கோடி மக்களின் நலன்களை நினைப்பீர்கள்??

முகமது பின் துக்ளக் - வெர்ஷன் 2.0

2008-04-07T15:33:00.006+05:30

சமீபத்திய ஹொகனேகல் பிரச்சனையை நம் முதல்வர் கையாண்ட விதத்தை பார்த்தால் எனக்கு இந்த பதிவு தான் நியாபகம் வருது!!!???

முகமது பின் துக்ளக் - வெர்ஷன் 2.0

ஏங்க இப்படியாயிட்டாரு இவரு??

நோ கமெண்ட்ஸ்!

2008-02-12T16:51:00.000+05:30

என்ன தான் நடக்குது நம்ம நாட்டில... ஒரு அதிகாரி தன் வேலையை சரியா செய்தால், அவர் உயிருக்கு உத்தரவாதமில்லா நிலை தலை தூக்கிவிட்டதே! ஆற்றில் மண்ல் அள்ளுபவர்களை தடுத்தால் கொலை செய்ய நினைக்கிறார்கள், நெடுஞ்சாலை ஆக்கிரமிப்புக்களை அகற்ற நினைத்தால் கொலை செய்ய ஏவுகிறார்கள்!

இதுக்கு என்ன தான் முடிவு???

விடியோ தெரியவில்லை என்றால் இங்கே கிளிக் செய்து பார்க்கவும்.

நீயா? நானா? - டாக்டர் அன்புமணி

2007-10-22T15:05:00.000+05:30

நேற்று இரவு 9 மணிக்கு விஜய் டி.வியில் நீயா ? நானா? என்ற ஒரு டாக் ஷோவில், மருத்துவ மாணவர்கள் ஒரு வருட கட்டாய கிராமபுற சேவையை எதிர்த்து பலமாக குரல் எழுப்பினர், ஆனால் அந்த பலம் டாக்டர் அன்புமணி அவர்கள் வந்த பிறகு காற்றில் பறந்தது! நிகழ்ச்சியை பார்த்த பிறகு டாக்டர் அன்புமணியை பாராட்டவே தோண்றியது. அந்த நிகழ்ச்சியை பார்த்தில் எனக்கு கிடைத்த தகவல்கள்!

அரசு கல்லூரியில் மருத்துவ படிப்புக்கு மாணவர்கள் வருடம் வெறும் 4000 முதல் 6000 வரையே செலவு செய்கிறார்கள்!
அதே மருத்துவ படிப்புக்கு தனியார் கல்லூரிகள் 4 முதல் 6 லட்சம் வரை வசூலிக்கப்படுகிறது!
அரசு பெரும் செலவு செய்து (சுமார் 10 லட்சம் ரூபாய் வரை ஒவ்வொரு மாணவருக்கும் செலவு!) அரசு மருத்துவக்கல்லூரி மாணவர்களுக்கு ஒரே ஒரு வருடமாவது சேவை செய்யவேண்டும் என்ற எண்ணம் துளியும் இல்லை என்பது தெளிவாக தெரிந்தது!
நிரந்தர வேலையை கொடுத்தால் கிராமப்புர சேவை செய்வதாக கூறிய இவர்களின் வாதம் ஒரு சப்பை கட்டாகவே எனக்கு தோண்றியது!
இவர்களை எதிர்த்து சில புள்ளிவிவரங்களுடன் வந்த சில டாக்டர்கள், தாங்கள் ஏன் கிராமப்புறங்களில் வேலை செய்யவில்லை/ முன்வரவில்லை என்று சொல்ல முடியாமல் எஸ்கேப் ஆனர்.
டாக்டர் அன்புமணி தான் விழுப்புரம் அருகே உள்ள ஒரு கிராமத்தில் டாக்டராக 2 வருடம் வேலை செய்ததாக சொல்லி அனைவருடைய கைத்தட்டையும் வாங்கினார். (உண்மை என்று நம்புவோம்)
டாக்டர் அன்புமணி மேலும் சில முக்கிய புள்ளிவிவரங்களை சொன்னார், 73% இந்தியா கிராமங்களில் தான் உள்ளது! அதில் 25% மட்டுமே சிறிதளவேனும் சுகாதார வசதி படைத்துள்ளது!!
ஸாட்வேரில் இந்தியா அமேரிக்காக்கு இணையாக நம்பர் ஒன்னாக பேசப்படுவதாகவும் ஆனால் இந்தியாவின் சுகாதாரம் மற்றும் கிராமப்புற மருத்துவ சேவையை மிகவும் பின் தங்கியா நாடுகளான எத்தியோப்பியா, பங்களாதேஷ் போன்ற நாடுகளுக்கு இணையா பேசப்படுவதாக வருத்தப்பட்டார்!
வடகிழக்கு மாநிலங்களிலும், சட்டிஸ்கர், பிஹார் போன்ற மாநிலங்களில் மருத்துவர் வேலைக்கு யாரும் சேர மறுக்கிறார்கள்! என்று அள்ளி வீசினார் புள்ளிவிவரங்களை!
ஒவ்வொறு மாணவனுக்கு 10 லட்சம் ரூபாய் செலவு செய்யும் அரசு குறைந்தபட்சமாக ஒரு வருட சேவையை எதிர்ப்பார்ப்பது தவறா என்று வினா எழுப்ப மாணவர் தரப்பு வாயடைத்துப்போனது!
மேலும் இந்த ஒரு வருட கிராமப்புற வேலை திட்டத்தை தமிழகம் தவிர வேறு எந்த மாநிலத்திலும் எதிர்ப்பு வரவில்லை எனறு ஒரு குறிப்பும் கூறினார்.
குடும்ப சூழல், கஷ்டங்கள், மருத்துவ உபகரங்கள் , மற்ற வசதியற்ற கிராமபுறங்கள் இது போன்ற பல விசயங்களை சொல்லி எஸ்கேப் ஆக பார்த்தவர்களை இடுக்கு பிடி போட்டு பிடித்தார் அமைச்சர் அன்புமணி! உங்களுக்கு நிரந்தர வேலைதான் பிரச்சனை என்றால் வாங்க பீஹார், மிசோரம், ஒரிஸா ஆகிய மாநிலங்களில் உள்ள கிராமங்களுக்கு, உங்களுக்கு நிச்சயம் வேலை நானே வாங்கித்தருகிறேன் என்றாரே பார்க்கலாம்! அது அசத்தல்!
நீயா நானா? நிகழ்ச்சி நடத்துனரான கோபிநாத் இது தான் நேரம் என்று அனைத்து மாணவர்களை பார்த்து கேட்டார், இப்ப நிரந்திரம் வேலை ரெடி, யாரெல்லாம் இந்தியாவின் வடகிழக்கு மாநிலங்களில் உள்ள கிராமப்புற வேலைக்கு போக ரெடி என்று?! பலரும் வேண்டா வெறுப்பாக விண்ணப்பம் எழுதி கொடுத்ததை பார்க்கமுடிந்தது!!!
விண்ணப்பம் எழுத எழுதுகோல் இல்லை என்று சொன்ன ஒரு மாணவனுக்கு அமைச்சர் அன்புமணி அவருடைய எழுதுகோள் எடுத்துக்கொடுத்து எழுத சொன்னார் :)
கடைசியா விண்ணப்பங்களை கோபி வாங்க சென்றபோது அன்புமணி, நீங்க சிறமப்படாதீங்க நானே வாங்கிக்கொள்கிறேன் என்று அவரே மாணவர்களிடம் வாங்கிக் கொண்டார் :)
ஒரு வேலையையும் செய்யாம வெட்டியா மேடை போட்டு நான் தமிழத்துக்கு அதை செய்தேன், இதை செய்தேன் ஒன்றுக்கு பேராதா வெட்டி விசயத்தை பீத்தி, வெற்று அரசியல் பேசும் அரசியல்வாதிகளுக்கு மத்தியில் இதையாவது செய்ய துடிக்கும் ஒரு அமைச்சரை பார்த்ததில் சந்தோஷமே!!

எது எப்படியோ! இந்த நீயா? நானா நிகழ்ச்சி பல விசயங்களில் தவறு என்று எண்ணிய விசயங்களை மாற்றியமைத்திருக்கு, Including one against Dr. Anbumani Ramadoss.

பி.கு:

விஜய் டி.விக்கு என்ன கடுப்போ தெரியல, டாக்டர் அன்புமணியின் பெயரை போடும் போது டாக்டரை முன்னாடி போடாம வெறுமனே அன்புமணி, மத்திய சுகாதாரத்துறை அமைச்சர் :))) எதோ என்னால் முடிந்தது :)

இந்த நிகழ்ச்சி ஒவ்வொறு ஞாயிறும் இரவு ஒன்பது மணிக்கு ஒளிபரப்பராங்க.

உலக I.T துறையில் சென்னை முதலிடம்!

2007-09-28T14:57:00.000+05:30

சென்னைவாசிகளுக்கு இதோ ஒரு குஷியான செய்தி! சமீத்தில் Tholons and Global Service Magazine என்னும் ஒரு மூதலீட்டு ஆலோசனை கழகம் தகவல் தொழில்நுட்ப ஏற்றுமதியில் (Top 10 emerging destinations worldwide for outsourcing of IT and business processes) முன்ணனிக்கு வரும் நகரங்கள் பற்றி உலகளாவிய கருத்தாய்வு செய்தது. இதில் சென்னை முதலிடத்தை பிடித்துள்ளது என்ற மகிழ்ச்சியான தகவலை இங்கே பதிவு செய்கிறேன்.

இன்னொரு மகிழ்ச்சியா செய்தி முதல் பத்து இடங்களில் ஐந்து இடங்களை இந்தியாவில் உள்ளன என்பதே!

தகவல் தொழில்நுட்பத்தில் உலகளவில் முன்ணனிக்கு வரும் இந்திய நகங்களின் பட்டியல்:

முதலிடம் : சென்னை
இரண்டாவது இடம்: ஹைத்தராபாத்
மூண்றாவது இடம்: பூனே
ஐந்தாவது இடம்: கொல்கொத்தா
ஒன்பதாவது இடம்: சண்டிகர்

தகவல் தொழில்நுட்ப இந்த வளர்ச்சிக்கு தமிழக அரசுவின் ஊக்குவிப்பு முக்கிய காரணமாகும் என்றே நினைக்கிறேன். இதை தக்கவைக்க சென்னையின் உள்கட்டமைப்பு வசதிகளான சாலை, போக்குவரத்துக்கு வசதி, போக்குவரத்து நெரிசல் குறைக்க முயற்சிகள் எடுத்தால் இதை தக்கவைத்துக்கொள்ள முடியும் என்று நினைக்கிறேன்.

சீனா வின் தலைநகரமான பீஜிங் பத்தாவது இடத்தையும், சீனாவின் மற்ற நகரங்களா ஷாங்கய் எட்டாவது இடத்தையும், ஷென்சென் பதிமூண்றாவது இடத்தையும் பிடித்துள்ளது! முதல் 50 இடங்களில் 19 நகரங்கள் ஆசியாவை சேர்ந்தவை என்பது குறிப்பிட தக்கது!

The study also listed Bangalore, New Delhi NCR, Manila NCR, Mumbai and Dublin as the top 5 cities that have established themselves as prime outsourcing cities by servicing the global corporate world for over a decade.

பி.கு:

கடந்த ஆண்டு செப்டெம்பர் மாதம் சென்னை - சிலிக்கான் சம்வெளி என்ற தலைப்பில் வளர்ந்துவரும் தகவல் தொழில்நுட்ப பூங்காக்கள் பற்றி எழுதியிருந்தேன்! இன்று இந்த அங்கீகாரம் அன்று சொன்னதை எடுத்துக்காட்டுகிறது!!!

செய்திக்கு நன்றி: டைம்ஸ் ஆப் இந்தியா

தீவிரவாதிக்கு இன்று பிறந்தநாள்!

2007-09-28T12:45:00.000+05:30

இந்திய சுதந்திர போராட்டத்தில் தீவிரவாதியாக காங்கிரஸால் சித்தரிக்கப்பட்ட பகத்தின் பிறந்தநாள் இன்று!

இந்திய அரசு இன்று பகத்சிங்கின் தேச பக்தியை மறைக்க நினைக்கிறது! அவன் வரலாறை அழிக்க நினைக்கிறதோ என்று கூட தோண்றுகிறது!

ராகுல் காந்திக்கு பிறந்தநாள் கொண்டாட தெரிந்தவர்களுக்கு எப்படி பகத்சிங்கின் பிறந்தநாள் மறந்து போகிறது என்று தெரியவில்லை!! ஒரு சிறு குறிப்பு கூட அரசு தரப்பிலிருந்து வெளிவரவில்லை!!

இந்தியா சுத்ந்திரம் பெற முக்கிய காரணங்களாக இருந்தவர்களில் பகத்சிங்கும் ஒருவர். அரசு மறந்தாலும் நாம் அவர் பிறந்தநாளில் அவரை நன்றியுடன் நினைப்போமாக....

அவர் சிறையில் துக்கு தண்டனைக்கு காத்திருந்த வேலையில் எழுதிய பல குறிப்புக்களில் ஒன்று!!

Aim of Live

"The aim of life is no more to control mind, but to develop it harmoniously, not to achieve salvation here after, but to make the best use of it here below, and not to realise truth, beauty and good only in contemplation, but also in-the actual experience of daily life; social progress depends not upon the ennoblement of the few but on the enrichment democracy or universal brotherhod can be achieved only when there is an equality of opportunity of opportunity in the social, political and individual life."
(Page 124 of Jail notebook)

அரசுக்கு இது அழகா??

2007-09-26T15:41:00.000+05:30

ஐயா சாமிகளா, உங்களுக்கு ஓட்டு போட்டு எல்லா எம்.பி பதவியும் உங்களுக்கு தானே வாங்கி கொடுத்திருக்கு இல்லையா?.... இன்னும் ஏன்யா எங்களை போட்டு ரவுண்ட் கட்டறீங்க!!

ராமர் பாலம் இடிக்கனுமா போயி திருமதி.சோனியா கிட்டயோ! திருவாளர்.மன்மோகன்சிங்கிடமோ ஆட்சியை காலி பண்ணிடுவோம்ன்னு சொல்லி அல்லது என்னத்தையாவது செய்யவேண்டியதுதானே! ஏன்யா பந்துன்னு சொல்லி எங்க தாலியை அறுக்கறீங்க... உங்களுக்கு ஓட்டுப்போட்ட பாவத்துக்கு, எங்களுக்கு இதுவும் வேணும் இன்னுமும் வேணும்!!!

ஒரு நாள் வேலை நிறுத்தம், கோடிக்கணக்கா சேர்த்துவைத்த உங்களுக்கு ஒன்னும் ஆவப்போறது இல்லை... ஆனா.. ஒவ்வொரு தின கூலிக்காரனிலிருந்து நடுத்தர வர்கம் வரை உள்ள அனைவருக்கும் சாப்பாட்டுல மண் விழும்! நீங்க சொல்லும் சேது சமுத்திரம் அவனுக்கு ஒரு மண்ணும் கிடையாது! அது வந்தாலும், வராவிட்டாலும் அவனுக்கு ஒரு பைசா லாபம் கிடையாது!

தினக்கூலி முதல் சாதாரண குடிமகன் வரை அனைவருக்கு எத்தனை சிரமம் உங்களால் பண்ண முடியோ அவ்வளவு செய்யும் முடிவோட தான் ஆட்சிக்கு வந்தீங்களா??... யாருக்காக, என்ன நிரூபிக்க பாக்கறீங்க... ஒரு ஆளும் அரசின் கூட்டணியில் இருக்கும் உங்களால் ஒன்னும் பண்ணமுடியாதுன்னா.. மக்கள் பந்தில் கலந்து கொண்டால் என்ன நடக்கபோவுது???

கடந்த ஏப்ரல் மாதத்தில் உங்க அரசு ஒரு பந்து நடத்தியது உயர் கல்வி படிப்பில் 27% இட ஒதுக்கீட்டுக்காக... அது நடந்ததா?? மக்கள் கஷ்டப்பட்டதை தவிர வேற என்ன பலன் கிடைத்தது?? ஒரு பயலையாவது சேர்த்த முடிந்ததா அந்த ஒதுக்கீட்டில் உங்களால்....

தயவு செய்து எங்களை டார்ச்சர் செய்யாம எதையாவது செய்திட்டு போங்க ப்ளீஸ்!

பி.கு:

இந்த பதிவு பந்துக்கு எதிர்ப்பு தெரிவிக்கவே, சேது சமுத்திர கால்வாய் தடை செய்ய அல்ல...

பா.க.ச போட்டி முடிவுகள்!

2007-09-10T11:15:00.000+05:30

டி.வி புகழ் பாலாபாரதியை கலாய்க்க ஆரம்பித்து ஒரு வருடம் முடிவடைந்ததை கொண்டாடும் வகையில் போட்டி ஒன்று போன மாதம் பா.க.ச தலிம கலகத்திலிருந்து அறிவிக்கப்பட்டது! அதன் முடிவுகளை அறிவிப்பதில் சற்று தாமதம் ஏற்பட்டது, ஏன்ன பல பேர் பல விதமா தலய கலாய்த்தார்கள்! எதை தேர்ந்தெடுப்பது என்று கொஞ்சம் சிரமப்பட்டுவிட்டோம் என்றே சொல்லவேண்டும்!

பலரும் ரூம் போட்டு யோசித்து அருமையாக எழுதியிருந்தார்கள்! குறிப்பாக ப்ரேம்குமார், குசும்பன், அருட்பெருங்கோ, ஹாய் கோபி, வெங்கட்ராமன், ராமசந்திரன் உஷா என அனைவரும் பின்னிப்பெடலெடுத்திருந்தார்கள்! அட நம்ம நடுவர் ஆசிப் கூட விடாம நானும் கலாப்பேன்னு தூள் கிளப்பியிருந்தாரு! இது போதானுன்னு நம்ம தல பாலா பாய் கூட ஒரு பதிவு போட்டிருந்தாரு!

இந்த பா.க.ச முதலாம் ஆண்டுவிழா போட்டி பரிசு அருட்பெருங்கோவுக்கு அளிக்க நடுவர்கள் முடிவு எடுத்ததை இங்கு அறிவிப்பதில் மகிழ்ச்சி அடைகிறோம். அவருக்கு தல ரத்தால் கையெழுத்திட்ட ஒரு புகைப்படமும், ஒரு புத்தகமும் பரிசாக அளிக்கப்படுகிறது! விழா குழுவினர் விரைவில் அவரை தொடர் கொள்வார்கள் என்று தெரிவித்துக்கொள்கிறோம்.

பி.கு: தல ரத்தத்தால் கையெழுத்து போட பயந்து மறைந்து வாழ்வதாக கேள்விப்பட்டோம்! அவரை விரைவில் பிடித்து கையெழுத்து வாங்கி புத்தகமும், பூச்சாண்டி காட்ட அவர் படமும் விரைவில் அருட்பெருங்கோவுக்கு அளிக்கப்படும்.

படம் உதவி: லக்கிலுக்

நோ கமெண்ட்ஸ்!!!

2007-09-04T13:53:00.000+05:30

டிஸ்கி:

இங்கே தமிழ்மணத்தில் நடக்கும் விசயத்துக்கும், இந்த விடியோவுக்கும் சம்பந்தம் இருக்கு!! அவங்க அவங்களுக்கு புரியரமாதிரி இந்த விடியோவின் நீதியை புரிஞ்சுங்கோங்கோ!!!! சிங்கங்கள் யாரு! முதலைங்க யாரு! காட்டெருமை யாரு! எருதுவின் கன்று யாருன்னு... நீங்களே ஊகித்துக்கொள்ளுங்க :)

சோ,(சத்தியமா துக்ளக் சோ இல்லைங்கோ!)நோ கமெண்ட்ஸ்!!!

இந்திய குடிமகனானுமா?

2007-08-20T12:58:00.000+05:30

நீங்க எந்த நாட்டில் பிறந்திருந்தாலும் பரவாயில்லை, தீவிரவாதியா இருந்தாலும் பரவாயில்லை!!!! உங்களுக்கு எங்க மண்ணின் மைந்தர்களும், அரசு இயந்திரங்களும் இந்திய குடியுரிமை வாங்கி தராங்கோ!!! அதுவும் வெறும் ரூ. 32,500/- இருந்தா போதும்!!!!

குடியுரிமைன்னா சும்மா இல்லைங்க!

1. ரேஷன் கார்டு
2. பிறப்பு சான்றிதழ்
3. PAN Card
4. Pass Port Rs 7,500/-
5. படிப்பு சான்றிதழ்
6. Voter ID Card - Rs 1,800/-

என்று எல்லா மேட்டரும் உண்டு...

அடுத்த மாசம் முதல் வேணும்னா ரேஷன் கூட வாங்கிக்கலாம்!!!

ஆள் வரவேண்டிய தேவையில்லை! சும்மா யார்கிட்டயாவது 32,500 ரூபாயை கொடுத்து அனுப்பினா போதும்! எல்லா மேட்டரும் ரெடி செய்து தர ஆள் இருக்கு! பாஸ்போர்ட்க்கு Verification கூட இல்லாம ஈஸியா வாங்கித்தராங்க! ஜாலி பண்ணுங்க!

IBN Live முயற்சியால் வெளிவரும் இந்த கொடுமையை பாருங்க!

லஞ்சம் எப்படி எல்லாம் கொழுத்து போயிருக்குன்னு பாருங்க! அட இதெல்லமாம் மாமூலான விசயம்ன்னு நம்ம முதல்வர் மாதிரி ஸ்டேட்மென்ட் தந்திடாதீங்க ப்ளீஸ் :)

இது அரசுகளுக்கு தெரியுமா? அரசுகள் ஏன் இது போன்ற வழியை அடிக்க வழிவகை செய்யவில்லை!! அரசுகளின் அலட்சிய போக்கு நாளை தீவிரவாதிகள் நாட்டுக்குள் ஊடுறுவும், சதி திட்டங்கள் தீட்டவும், நம் உயிர்களுக்கு உலைவைக்கக்கூடும்!!!

லஞ்சம் கொடுப்பதையும், லஞ்சம் கேட்பவரையும் தடுக்கவும் முயற்சி செய்ய துவங்குவோம்!

நன்றி: IBN Live

சுதந்திரம் யாருக்காக?

2007-08-18T18:26:00.000+05:30

கடந்த 15ஆம் தேதி நாம் நம்முடைய சுதந்திரத்தின் 60 வருடங்கள் கடந்ததை கொண்டாடினோம்! அறுபது ஆண்டுகளில் நாம் எவ்வளவு சுதந்திரம் அடைந்திருக்கிறோம் என்று எனக்கு புரியவில்லை! ஆங்கிலேயர் ஆட்சிக்கும், இன்றைய அரசியல்வாதிகள் ஆட்சிக்கும் பெரிய வித்தியாசம் ஒன்றே ஒன்று அன்று ஊழல் குறைவு, இன்று இவர்களால் பெருக்கெடுத்து ஓடுது ஊழல்!! இவருடைய ஆட்சியிலும் சர்வாதிகாரம் இருந்தது, இருக்கிறது!!!

இன்று இந்தியாவில் யாருக்கு சுதந்திரம் இருக்குன்னு பார்த்தா, என்ன கொடுமை சார் இதுன்னு தான் சொல்லத்தோனுது!

பீஹாரின் அரசு இயந்திரங்கள் எங்கள் கண்காணிப்பில் தான் இருக்கிறது! விரைவில் அவை எங்கள் கட்டுப்பாடுக்குள் வரும் என்று சில தினங்களுக்கு முன் Maoist Commander அறிவிக்கிறார்! அதுவும் ஒரு Times Now போன்ற ஒரு தொலைக்காட்சியில்!!! மாவோஸ்டுகளுக்கு எந்த அளவுக்கு சுதந்திரம் இருக்குன்னு பார்த்துங்க!!!

மனிப்பூரில் 3 ஆளும் கட்சி சட்டமன்ற உறுப்பினர்கள் தங்கள் வீட்டிலேயே 12 தீவிரவாதிகளை பதுங்க வைத்து பிரிவினைவாதத்தை வளர்க்கவும், பாவப்பட்ட மக்களை கொல்லவும், அரசு இயந்திரங்களை அழிக்கவும் உதவி செய்யறாங்க! அப்ப தீவிரவாதிகளுக்கும், ஆளும் கட்சி சட்டமன்ற உறுப்பினர்களுக்கு எந்த அளவுக்கு சுதந்திரம் கிடைக்குதுன்னு பாருங்க!

ஆட்சியிலிருப்பவர்களும் அவர்கள் குடும்பத்தாரும் தன்னை எதிர்ப்பவர்களை என்ன வேண்டுமானாலும் செய்ய முடியும் என்று சில மாதங்களுக்கும் நம்ம முதல்வரின் குடும்பத்தார் செய்து காட்டினார்கள்! அவர்களை CBIயையாலும் ஒன்னும் செய்யமுடியாதுன்னு இன்றைய நிகழ்வுகள் காட்டுது! அப்ப ஆளும் கட்சியினர்களுக்கும், ஆட்சியாளர்களின் குடும்பத்தாருக்கும் இருக்கும் சுதந்திரம் எவ்வளவு என்று தெரிந்து கொள்ள முடிகிறது!

சுதந்திர இந்தியாவில் முறைப்படி விசாவுடன் வந்த தஸ்லீமா நஸ் ரீனை கொல்பவருக்கு 'அளவற்ற' (Unlimited) வெகுமானம் வழங்கப்படும் என்று கேஷுவலா Public Meetingல அறிவிக்கும் ஒரு கொல்கொத்தா இமாமுக்கு எவ்வளவு சுதந்திரம் அளிக்கப்பட்டிருக்குன்னு பாருங்க!!!

அதே தஸ்லீமாவை ஒரு ஆந்திரா சட்டமன்ற உறுப்பினர், தன் பொறுப்பான பதவியை மறந்து Religious Fundamentalistஆக மாறி ஒரு பொது மேடையில் தஸ்லீமாவை தாக்கும் ஆளவுக்கு சுந்ததிரம் கொடுக்கப்படிருக்கு!

இவர்களை எல்லாம் கைது செய்ய தயங்கும் சுதந்திர மாநில/ மத்திய அரசுகள்!!!!

இதுபோன்றவர்களுக்கெல்லாம் கிடைக்கு அந்த சுதந்திரம் தடுக்கப்படவேண்டும்!!!

உண்ண உணவுக்காக தினமும் 150 கீலோ மீட்டர் பயணம் செய்து சம்பாதிக்கும் 30 ரூபாயை கூட Railway TTE க்கு கட்டிங் கொடுக்காமல் வீட்டுக்கு எடுத்துச் செல்ல கூட ஏழை மக்களுக்கு சுதந்திரம் சுத்தமா இல்ல!

இது போன்ற ஏழ்மையையும், ஏழைகளின் துயரையும் எப்படி ஒழிப்பதுன்னு பாராளமன்றதில் விவாதிக்க அழைத்தால் 545 பிரதிநிதிகளில் வெறும் 12 மக்கள் பிரதிநிதிகள் வந்ததால் அந்த பாராள மன்ற கூட்டம் ஒத்திவைக்கப்படுது! அவ்வளவு மக்கள் பாசம் நம்ம பிரதிநிதிகளுக்கு!!!

இந்த சுந்திரம் எங்க போகுது! யாருக்காக சுதந்திரம் கிடைத்தது! ஒன்னும் புரியல! யாராவது தெரிந்தா சொல்லுங்க ப்ளீஸ்!!!

வலைப்பதிவர் பட்டறை - வீடியோ காட்சிகள்!!!

2007-08-06T17:29:00.000+05:30

தமிழ் வலைப்பதிவர் பட்டறை வீடியோ காட்சிகள். பொன்ஸ்க்கு நல்ல கவரேஜ் கிடைச்சிருக்கு!!!
நன்றி:IBNLive.com

பா.க.ச உலகுக்கு அறிவித்த வினை :)

2007-08-06T16:02:00.000+05:30

இன்றைய் இந்தியன் எக்ஸ்பிரஸின் முதல் பக்கத்திலேயே "டாப்"ல நம்ம பா.க.சவின் பெயரை வெளியிட செய்த தம்பி வினையூக்கியை வாழ்த்தியும் நன்றி தெரிவிக்கவும் இந்த பதிவு!!! பா.க.சன்னு மட்டும் சொல்லாம அதன் விரிவாக்கமான பாலபாரதியை கலாய்ப்போர் சங்கம் என்று தெளிவா அச்சிட்டு வந்திருக்கு!!!

இன்னமா வேல செய்யறாங்க நம்ம சங்கத்து சிங்கங்கள்!!! நெனச்சாலே புல்லரிக்குதுபா!!

இந்த செய்தி வெளியானதும் நம்ம பா.க.சவின் தல ஓடிவந்து வினையூக்கியை பாராட்டி சென்றார் என்பதை பெருமையுடன் தெரிவித்துக்கொள்கிறோம்!

உங்க கிட்ட இருந்து இன்னும் எதிர் பார்க்கிறோம்ன்னு களக கண்மனிகளுக்கு சொல்லிக்கிறோம்பா!!!

நன்றி

நா ஜெயசங்கர்,
பா.க.ச
தலிம களகம்,
சென்னை!!!!

களத்தில் பிரச்சனை வருவதை தவிர்க்க பின்னாடி சேர்த்தது :D ::

இந்த செய்தியை இந்தியன் எக்ஸ்பிரஸ்க்கு சொன்னதில் முக்கிய பங்கு நம்ம களக கண்மனிகள் பொன்ஸ்க்கும் நம்ம சிவஞானம்ஜியுக்கும் பெரும் பங்குள்ளதாக அதிகார பூர்வமாக அறிவிக்கிறது சங்கம், அதனால் பொன்ஸையும், சிவஜீயையும் சிறப்ப ஒரு பாராட்டு விழா வைத்து கொண்டாடும் முயற்சியை பொதுகுழுவும், செயற்குழுவும் சேர்ந்து முடிவு செய்யும்.

வலைப்பதிவர் பட்டறை என் பார்வையில்...

2007-08-06T12:10:00.000+05:30

நேற்று வெற்றிகரமாக நடந்து முடிந்த தமிழ் வலைப்பதிவர் பட்டறையில் என்னை கவர்ந்த விசயங்களை இங்கே பட்டியலிட விரும்புகிறேன்...

வினையூக்கியும் மற்றும் ஜெயாவும் பட்டறைக்கு ஏற்பாடுகள் நடந்த முதல் நாள் மாலையும் சரி பட்டறை தினத்தன்றும் சரி அயராத உழைப்பை தங்கள் பங்கிற்கு கொடுத்தார்கள், துடிப்புடன் காலை முதல் மாலை வரை ஆர்வமாக கற்றுக்கொள்ள வந்த பார்வையாளர்களுக்கு சொல்லிக் கொடுத்துக் கொண்டு இருந்த விசயம் என்னை அசர வைத்தது!!! என்ன எனர்ஜி அவருக்குக்கு! ஒரு நிமிடம் கூட சலிக்காம ஆர்வமா எல்லோருடைய சந்தேகங்களையும் தீர்த்து வைத்துக் கொண்டிருந்தார்கள். அவர்கள் இருவருக்கு என் முதல் சபாஷ்!

அடுத்தது விக்கி, மா.சி & பொன்ஸ்: இது தான் முதல் பட்டறை, அனுபவம் இல்லாத காரணத்தால் ஒரு குறையும் வந்துவிடக்கூடாது என்று இவர்கள் இருவரும் எடுத்துக் கொண்ட முயற்சிகள் சிறப்பான பலனை தந்தது என்பது 100% உண்மை. பல பட்டறைகள் நடந்த்திய அனுபவம் வாய்ந்தவர்கள் நடத்தியது போல சிறப்பாக கலை கட்டியது பட்டறை. இவர்கள் முயற்சியும் உழைப்பையும் பாராட்டியே ஆகவேண்டும்!

பாலாபாய் பம்பரமா சுழன்று கொண்டேயிருந்தார், CD வாங்கிவருவது முதல் உணவு ஏற்பாடுகள்வரை அணைத்தும் அவர் தன் கையில் எடுத்துக்கொண்டு தூள் கிளப்பிக்கிட்டு இருந்தார்!

தமிழி தனக்கு ஒதுக்கப்பட்ட கூகுல் கணக்கு துவங்குவது முதல் பதிவு இடுவது வரை விசயங்களை, ஒரு கல்லூரி ஆசிரியராகவே மாறி சொல்லிக்கொடுத்தார்! சுமார் 100 மேற்ப்பட்ட பார்வையாளர்களை அசத்தலா கையாண்டு தூள் கிளப்பினார்! இதில பேசாதீங்க, இங்க கவனிங்க என்று ஒரு பேராசியர் டைப் அதட்டல் வேறு!

லக்கிலுக் தன் பங்கிற்கு பட்டறைக்கு வேண்டிய கம்பூட்டர் நெட்வொர்க்கிங், மென்பொருள் நிறுவுதல், பிரிண்டர் எடுத்து வந்து கணினியுடன் இணைப்பது, என பல வேலைகளை பாய்ந்து பாய்ந்து பார்த்துக் கொண்டிருந்ததை பாராட்டியே ஆகவேண்டும்!

உண்மைதமிழன் மீடியாகளை அழைத்துவந்தது, பட்டறை ஏற்பாடுகளில் தன் பங்கிற்கு அசத்தினார்!

பெனாத்தல் சுரேஷ் ஃப்லாஷ் சொல்லித்தந்தவிதம் ஒரு சபாஷை பார்வையாளர்களிடம் வாங்கித்தந்தது!

நந்தாவும், ஜே.கேவும் நாங்க இளைஞர்கள் என்று சொல்லிக்கிட்டு டீ/காபி மெஷினை அருள் அலுவலத்திலிருந்து எடுத்து/திரும்ப கொண்டுபோய் வைப்பது என எல்லா வேலையை தங்களே முன்னின்று செய்தார்கள்... அவர்களுக்கு ஒரு சபாஷ்!

கிருபாஷங்கர் வலைப்பூக்கள் வழி சம்பாதிப்பது எப்படி என்று சொல்லிக்கொடுக்க வந்தவர், கொஞ்சம் கூட ஹோம் வொர்க் செய்திருக்கவேண்டும் என்று எனக்கு தோண்றியது! நிறைய தடுமாற்றம் இருந்தது! நல்ல வேளை மா.சி மேக்கப் செய்தார்!

இணையத்தில் பதிவு செய்யாது நேரடியா வருபவர்களை பதிவு செய்து கொண்டிருந்த நான், ஒரு காபி சாப்பிட காபி மெஷின் பக்கம் போய், டீ கடைக்காரனாக மாறி சுமார் 300 - 400 டீ காபி போட்டு தரும் வேலை என்னை வந்து ஒட்டிக்கொண்டது! கடைசியா பொன்ஸ், அருள் என பலர் வந்து நாயர் ஒரு டீ கொடு என்று கேட்கும் அளவுக்கு மேட்டர் ஆயிடுச்சு!!! இதுல நமக்கே தெரியாம நம்ம கையில இட்லிவடை டீ வேற வாங்கி குடிச்சாரு போல... என்ன கொடுமை சார் இது!

மொத்தத்தில் இணையத்தில் நம்ம மக்கள் ஒன்று கூடி செய்த ஒரு சிறப்பான ஒரு விசயம் இந்த பதிவர் பட்டறை. இந்த பட்டறையால் நிச்சயம் நம்ம பாலாபாய் சொல்லற மாதிரி குறைந்தபட்சம் 100 பேர் புதியதாக வலைப்பூ துவங்குவார்கள் என்பது உண்மை!

எட்டு(ம்) இடத்தில் ஜெய்

2007-06-26T11:37:00.000+05:30

வாங்க எட்டு போட்டு விளையாடலாம்ன்னு முதல்ல சர்வேசன் போட்டாரு ஒரு கமெண்ட், ஓ.கே ரெடி பண்ணுவோம்ன்னு நினைத்துக்கொண்டுயிருக்கையில் நம்ம வெங்கட்ராமன் வேற கெளபிட்டாரு... இப்படியே விட்டா பல எட்டு போட வேண்டியிருக்கும் பயமாயிட்டதால முதலில் நம்ம பதிவை போட்டுவிட்டு அடுத்த வேலையை பார்ப்போம்ன்னு எறங்கிட்டோமில்ல...

என்னைப்பற்றி ஏற்கனவே பல தடவை மொக்கை போட்டதால ... உங்களுக்கு தெரியாத சில (எட்டு) விசயத்தை சொல்லாம்ன்னு நினைக்கிறேன்...

இந்த எட்டு என்னை ரொம்பவே பாடா படுத்தியும் இருக்கு, உதவியும் இருக்கு பல விசயங்களில், அதில் சில எட்டுக்களை மட்டும் எடுத்து போடுவோம்ன்னு ஒரு முயற்சி... ஓவரா இருந்த அட்ஜஸ்ட் பண்ணிக்கோங்க... ஹீ! ஹீ!!

1. நான் ஏழாவது பாஸ் பண்ணதும், எங்க வீட்டை கோவை-பீளமேடு பகுதியிலிருந்து கோவை-ராமநாதபுரம் பகுதிக்கு மாற்றிப்போனோம்! அதனால இங்க இருந்து முன்பு படித்த GRG Matriculation பள்ளிக்கு செல்வது சுலபம் அல்ல என்ற காரணத்தால் என்னை CSI Union Higher Secondary தள்ளிவிட்டுட்டாங்க, முதலில் ரொம்ப நொந்து நூலா போனேன்! புது நண்பர்கள், புது ஏரியா, புது மக்கள்... நம்ம சென்னை 600028 மாதிரி கிரிக்கெட் விளையாடுவதிலிருந்து பழைய நண்பர்கள் பார்ப்பதுவரை. அந்த கால கட்டத்தில் வீட்டில் போன் என்ற மேட்டரே பெரிய விசயம், எங்க வீட்டில் போன் இல்லை. அப்படியே அந்த நண்பர்களின் தொடர்ப்புகள் எல்லாம் காற்றோட போச்சு! இன்று தேடிப்பிடித்து தொடர்பில் உள்ளவர்கள் ஒரு சிலர் மட்டுமே! இப்படி முதலில் என்னை புரட்டிய 8 என்னுடைய 8வது வகுப்பு.

2. பள்ளிப்படிப்பின் போது ரொம்ப நல்லபுள்ளயா இருந்த நான், என் பொறியியல் படிப்பை (7 + 1) 8 ஆண்டுகளில் படித்து பாஸ் ஆனால் போதும் என்ற லெவலில் கல்லூரியில் ஆட்டம் போட்டேன் பாருங்க, எங்க அப்பா ஆடிப்போயிட்டாரு! முதல் வருடமே, வாரம் ஒரு பிரச்சனைக்காக எங்க கல்லூரிக்கு வரும் நிலைமைக்கு எங்க அப்பாவை கொண்டுவந்துவிட்டேன் (அதுவும் கோவையிலிருந்து சென்னைக்கு வாரம் ஒரு முறை ஓவர் தானே!!!). அப்புறம் எனக்கே எங்க அப்பாவை பார்த்தா பாவமா இருக்குன்னு ரெண்டாவது வருஷம் முதல் லோக்கலா ஒரு கார்டியனை நானா ரெடி பண்ணிக்கிட்டேன். இப்படி பண்ணதோட விணை ப்ளஸ் கல்லூரியில் நடத்திய ஒரு ஸ்ரைக் காரணமாக என்னுடைய 8வது செமிஸ்டர் முழுவதும் என்னை கல்லூரிக்குள் வரக்கூடாது, நேரா எச்சாம் (லக்கி ஸ்டைல்) வந்து எழுதிட்டு பொழச்சு போன்னு தண்டனை கொடுத்தாங்க. அப்படி 8வது செமிஸ்டரும் என்னை ரொம்ப நோகடித்த விசயம் தான். பின்ன என்னங்க ப்ராஜக்ட் முதல் எலக்ட்டீவ்ஸ் வரை எல்லா விசயங்களும் சொந்தமா நாமலே படிச்சு, கைடு கூட இல்லாம, நம்ம கூட கல்லூரிக்கு வராதேன்னு சொன்ன ரெண்டு சொத்தை பார்ட்டிங்களை வைத்து ப்ராஜெக்ட்டும் செய்து பாஸ்சானது ஒரு சாதணைதானே ;)

3. கல்லூரியில் முதல் வருடமே பைக் கனவு வீட்டில ஒரு எமாஹா கேட்டேன், அதை ஓட்டும் அளவுக்கு உனக்கு கெப்பாசிட்டி இல்லைன்னு எங்க அப்பா எனக்கு வாங்கி தந்தாரு பாருங்க ஒரு பைக், நொந்து நூலா போனேன்! என்னைக்கேட்காமலே போய் ஒரு டி.வி.எஸ் சாம்ப் என்னும் மோப்பட் வாங்கிட்டு வந்து இதை ஓட்டு, அப்ப தான் நான் கோவையில் பயம் இல்லாம இருக்க முடியும்ன்னு என் எமாஹா கனவை சுக்கு நூறு ஆக்கிட்டு போயிட்டாரு எங்க அப்பா... இதை ஏன் சொல்லவறேன்னா !! அந்த வண்டி எண் கூட்டுத்தொகை எட்டு!!!! முதல் வருடம் முழுவது செலவு வைத்துக்கொண்டே இருந்தது, நம்ம பைக் (கொஞ்சம் அட்ஜஸ்ட் பண்ணிக்கோங்க!) மெக்கானிக் அடிக்கடி சொல்லுவாரு எட்டா நம்பர் வண்டி இப்படித்தான் செலவு வைக்கும்ன்னு!

4. கல்லூரி படிப்பு முடித்த கையோட சொந்த ஊரான கோவையை நோக்கி பயனமானேன். படித்தது மெக்கானிக்கல், இரண்டாம் ஆண்டு முதல் கம்பூட்டர் மேல் ஒரு பாசம் பொங்க, நானும் படித்தேன் 3 ஆண்டுகள் ஸாப்ட்வேர் கோர்ஸ் என்.ஐ.ஐ.டியில். 1995ல் கோவையில் எங்க போய் ஸாப்வேர் வேலை கிடைக்கும், சரி விடு அது எனக்கில்லைன்னு மெக்கானிக்கல் சம்பந்தமாக ஒரு வேலையை பிடித்தேன். முதல்மாதம் சம்பளம் வெறும் ரூ1850/- அதை கையில் வாங்கி அப்படியே அம்மா கிட்ட கொடுத்து ஒரு ஆசீர்வாத வாங்கிவிட்டு, அப்படியே ஒரு பிட்டு விட்டேன், இதே வேலைக்கு பதிலா சென்னையில் சாப்ட்வேர் வேலை செய்தால் எனக்கு நிறைய சம்பளம் கிடைத்திருக்கும், இங்க வந்து என் வாழ்க்கை வீணா போகுதுன்னு! நீ எங்க கூடயே இருன்னு அவங்க வேற மாதிரி பிட்டு போட்டு அடக்கிட்டாங்க. அடுத்த மாதம் சம்பளம் வாங்கி அம்மா கிட்ட கொடுத்து சென்னைக்கு போகலாம்ன்னு நினைக்கிறேன்னு, வேற ஒரு லைன்னில் சொல்ல சரி ஒழிந்து போன்னு போக சொல்லிட்டாங்க. பெரிய ஸீன் போட்டு ரெயில் டிக்கெட் போக வெறும் ரூ 800/- கையில் எடுத்துக்கிட்டு கனவுகள் ஆயிரத்தை எடுத்துக்கிட்டு வந்தேன் சென்னைக்கு... இன்றும் வாழ்க்கையில் மறக்க முடியாத அந்த எட்டு நூறு ரூபாய்கள். அடிக்கடி ரூபாய் எட்டு நூறுடன் வந்து இந்த நிலையை அடைந்ததில் நினைத்து சந்தோஷப்பட்டுக்குவேன்.

5. 1998ல் சொந்த கம்பெனி துவக்கமும் அளவுக்கு அடிப்படை பக்குவம் கிடைத்ததா இல்லையான்னு இன்றும் புரியவில்லை. ஏதோ ஒரு வேகத்தில் சொந்தமா ஒரு மென்பொறி நிறுவனம் துக்கியாக வேண்டிய கட்டாயம் குமுதம் வார இதழ் ரஞ்சன் சார் மூலம் எனக்கு கிடைத்தது! அவர்களுடைய இணைய தளம் துவக்க, நான் வேலை செய்த கம்பெனிக்கு ஆர்டர் எடுத்தோம், அந்த கம்பெனிக்கு ஒரு நல்ல காலம், இழுத்து மூட வேண்டிய கட்டாயம், நம்ம சொன்ன டெக்னிகல் விசங்களால் கவரப்பட்ட ரஞ்சன், ஜெய் உங்களை நம்பித்தான் இந்த ஆர்டரை கொடுத்தோம், நீங்களே ஏதாவது செய்து குமுதம்.நெட் வெளிவர செய்யனும்ன்னு அன்பு கட்டளையிட்டார்கள். என் கல்லூரி நண்பர்கள் சிவஞானம் & சிவ அமுதன் துணையுடன் கம்பெனி ரெடி ;) இதுல என்ன எட்டுன்னு கேட்கறீங்களா, முடிவு எடுத்த எட்டாவது நாளில் 120 ச.அடியில் ஒரு ஆப்பீஸ் ரெடி, அடுத்த எட்டவது நாள் ஆகஸ்ட் 15ஆம் தேதி நான் மற்றும் ஒரே ஒரு சாப்ட்வேர் இன்ஜினியர், இருவரும் சேர்ந்து இரவு பகலாக வேலை செய்து குமுதம்.நெட் வெப்சைட் அமெரிக்க வெப் சர்வரில் மிதக்க செய்தோம். அன்று இது ஒரு இமாலய சாதனையாய் நினைத்துக் கொண்டேன்.

6. 1999ல் முதல் வெளி நாட்டு ஆடர் கிடைத்தது, பெரிய ஆடர் இல்லை சின்னதா தான் $2879 கூட்டுத்தொகை எட்டு. நான் நிஜமாவே நமக்கு ராசி நம்பர் எட்டு என்று நினைக்கவைத்த நேரம் அது! படிப்படியா நிறைய வெளிநாட்டு ஆடர்கள்! எல்லா ஆடர்களிலும் விலையை சொல்லும் போது கூட்டுத்தொகை எட்டு இருக்கவேண்டும் என்று முடிவு, அப்படி செய்யும் எல்லா ஆடர்களும் கையில் பிரச்சனையில்லாமல் கிடைத்தது! ஆச்சர்யமாக இருந்தது!!! அது ஒரு பொற்காலம் தான்!

7. இரண்டாயிரம் ஆண்டு நமக்கு சனி பகவான் எட்டாம் இடத்துக்கு வந்தாரு போல, குமுதம் வெப்சைட் பல பிச்சனைகளால் கோர்ட் கேஸ் என்று என்னை நோகடிக்க செய்தது, கம்பெனிக்கு வந்து கொண்டிருந்த வெளிநாட்டு ஆடர்கள் Software Recession காரணமாக முற்றிலுமாக நின்றது :( , இதயம் நல்லெண்ணை, இந்தியா டூரிஸம் போன்ற உள்நாடு ஆடர்கள் மட்டும் கை கொடுத்த காலம் அது! அந்த இக்கட்டான நேரத்தில், உள்ளது போதாது என்று என்னுடைய கம்பெனி கூட்டணி ஆட்டம் கண்டது 2001ல்! சேமிப்புகள் முழுவது கம்பெனியில் முதலீடு ஆன நேரம் அது! என் கம்பெனியில் நானாக சேர்த்த 3 இயக்குனர்கள் கூட்டணி போட்டு, என்னை வெளியேற்றி, என் நிறுவனத்தை முழுவதுமாக அவர்கள் கட்டுப்பாட்டுக்கு கொண்டு சென்றனர், இதில் கொடுமை என்ன வென்றால் அவர்களுக்கு தலைமை தாங்கிய ஒரு இயக்குனர் என் உற்ற நண்பன் என்பதே! உருவாக்கிய கோட்டையை விட்டு வெளியேறி, என் பங்குக்கான தொகையில் பாதி கூட கிடைக்காமல், வெறும் 2 லட்சங்களுடன் உயரத்திலிருந்து தரையில் விழுந்து, புதிதாய் ஒரு நிறுவனம் துவக்கி என்னை கரையேற்ற மீண்டும் என் நண்பர்கள் சிவஞானம், சிவ அமுதன் வந்தார்கள் உறுதுணையாக, வாழ்க்கையில் என் ஒவ்வொறு வீழ்ச்சியின் போதும் துணை நின்றவர்கள் இவர்களே! ஆக என்னை உயர்த்திய எட்டு 2000 ஆண்டு முதல் 2003 ஆண்டு வரை ரவுண்டு கட்டி பரேடு எடுத்தார். இப்படி எட்டில் சனி என்னை வதைக்க துவக்கிய காலம் அது!

2004 முதல் மீண்டும் நம்ம எட்டு எனக்கு வேலை செய்ய துவங்கினார், முதல் வெளிநாட்டு ஆடர் அதே கூட்டுத்தொகை எட்டு! அன்று துவங்கி இன்றுவரை பல படிகள் ஏறி இன்று ஓரளவுக்கு சின்னதா ஒரு சாப்வேர் கம்பெனியும், என்னை நம்பி சில சப்வேர் இன்ஜினியர்களும், சீராக தொழில் வளர்ச்சிக்கு ஆதரவு தரும் வாடிக்கையாளர்களையும் உருவாக்கிவைத்துள்ளது சாதனையா இல்லையான்னு தெரியாது, என்னை பொருத்தவரை நான் எனக்கென ஒரு நிலையை தயார் செய்துவிட்டேன்! நேர்த்தியா பயணித்தும் வருகிறேன்! இப்படி என்னை வாட்டிய, வளர்த்த, வளர்த்துக்கொண்டிருக்கும் என நினைத்துக் கொண்டிருக்கும் ராசி எண் எட்டு!!!அட நியூமராலஜி படி என் ராசி எண் ஐந்தாம்??!!! என்ன லிங் என்று புரியவில்லை!!!

8. இந்த மேட்டர் என் வாழ்க்கையின் ஒரு திருப்புமுனை, ஆனா இதுக்கும் எட்டுக்கும் சம்பந்தம் இல்லை, அதனால தான் எட்டவது பாய்ண்டா போட்டுவிடுவோம்ன்னு முடிவு செய்தேன். நான் கல்லூரியில் படிக்கும் போது என் அக்கா கணவர் என்னை பார்த்து என்ன செய்து கொண்டிருக்கிறாய் என்று ஒரு கேள்வி கேட்டார், நான் பெருமையா இன்ஜினீரிங் படித்துக் கொண்டிருக்கிறேன் என்றேன்! படித்து முடித்து என்ன செய்ய போகிறாய் என்று கேட்டார், நான் சாப்ட்வேர் Parallelல படித்து வருகிறேன்! கல்லூரி படிப்பு முடித்து சில வருடங்கள் சாப்ட்வேர் வேலை செய்து, அனுபவம் கிடைத்தவுடன் வெளிநாடு செல்வேன் என்று சொன்னேன்! அவர் Amul(Gujarat Cooperative Milk Marketing Federation) என்ற இந்தியாவின் மிக சிறந்த Cooperativeவில் ஒரு உயர் அதிகாரியா இருக்கரு... அவர் என் பதிலை எதிர்ப்பார்த்திருப்பார் என்று நினைக்கிறேன், உடனே என்னிடம் உங்களை போன்ற படித்தவுடன், வெளிநாடு செல்ல தயார் செய்யும் இளைஞர்களால் இந்தியாவுக்கு என்ன லாபம்! நீங்க செய்வது Brain Drain, இதனால் இந்தியாவுக்கு சில நன்மைகள் இருக்கலாம், உங்களுக்கு பல நன்மைகள் இருக்கலாம், ஆனா, நீங்கயெல்லாம் இந்தியாவில் இருந்தால் இந்தியா ஒளிர உதவியா இருக்கும் என்று சொன்னார், அது என்னை புரட்டி போட்ட அறிவுரை! என் ஒருவனால் ஒன்றும் செய்ய முடியாது என்று தெரியும், இருந்தாலும் , அவர் சொல்லும் வாதம் சரி என்று தோன்றியது, நம்மளவில் இதை செயல்படுத்துவோம்ன்னு அன்று இரவே முடிவெடுத்தேன்! நான் இந்தியாவில் தான் வேலையானாலும், தொழிலானாலும் செய்ய வேண்டும் என்று தீர்கமான முடிவு! இந்தியாவுக்கு ஒரு அணில் அளவுக்குகூட இல்லை என்றாலும் பாலம் கட்ட உதவி என்ற நிலையில்!!! இன்று என்னால் சில லட்சம் டாலர்களாக வெளிநாட்டு பணத்தை இந்தியாவுக்குள் கொண்டுவர முடிந்ததது என்ற சந்தோஷம் இருக்கு!

பி.கு: கல்லூரியில் என வகுப்பில் படித்த 63 பேரில் இன்று இந்தியாவில் இருப்பது வெறும் பத்து பேர் தான்!!!!

சரி ஓவராயிடுச்சு நம்ம மேட்டர்கள்!

இனி எட்டு பேரை கூப்பிடனுமா!!!

கீழே உள்ள சாமிகளா ஓடி வந்து எட்டு போட்டு, லிங் கொடுங்க....

சொந்த கதை மன்னன் - அருள்குமார்

பா.ம.க ராசா - குழலி

எங்க பா.க.ச தல - பாலாபாய்

எங்க சங்கத்து பெண் சிங்கம் - பொன்ஸ்

என்னை கவர்ந்த வலைப்பதிவர் பத்ரி

எல்லா பதிவிலும் என்னை ரவுண்டு கட்டி அடிக்கடி அடிக்கும் அசுரன்

என்னை காந்தியவாதி ஆக்கியே தீருவேன்னு துடிக்கு அன்பு மா சிவகுமார்

வலையுலக க்ரிடிக் Boston Bala

விளையாட்டின் விதிகள்:

1. ஆடுபவர் தன்னைப்பற்றிய 8 தகவல்களை எழுத வேண்டும், அதன் கீழ் இந்த விதிகளையும் எழுதவேண்டும்.

2. தொடர்ந்து எட்டுபேரை இந்த விளையாட்டிற்கு அழைக்க வேண்டும்; அவர்களுக்கு இந்த அழைப்பைப் பற்றி அறியத் தரவேண்டும்.

3. தொடர்பவர்(கள்) இதேபோல் எட்டு தகவல்களையும், விதிகளையும் எழுதி வேறு எட்டுபேரை அழைக்க வேண்டும்

முதல்வர் அடக்கி வைத்த பெண்குலம்?!

2007-06-19T18:03:00.000+05:30

" ஆறுவது சினம் - படித்து அடங்கிவிடுமா பெண்குலம்?" என்று பொங்கி ஏழுதியிருக்கும் நம் முதல்வர், என்ன சொல்லவறாருன்னு கொஞ்சம் சொல்லுங்க, என்னவோ ஜனாதிபதி பதிவுக்கு முதல் முறையா பெண் வேட்பாளர் நிறுத்தப்பட்டிருப்பது போல ஒரு மாயை க்ரீயேட் செய்யறாரு! ரொம்ப ஓவர் தான் முதல்வரே!

இதற்கு முந்தய ஜனாதிபதி தேர்தலில் கேப்டன் லட்சுமி நின்ற போது முதல்வருக்கு இந்த கவிதை ஏன் வரவில்லை!! அப்ப மட்டும் "ஆறுவது சினம் - படித்து அடங்கிவிடட்டும் பெண்குலம் என்று இருந்து விட்டுவிட்டாரா??

கேப்டன் லட்சுமி கட்சி சார்ந்த ஒரு வேட்பாளராக கருதமுடியாது! அவர் ஒரு சுதந்திர போராட்ட வீரர்! பல முறை இந்திய சுதந்திரத்துக்காக சுபாஷ் சந்திர போஸோடு இணைந்து போராடியவர்! சுந்திர போராட்டத்தில் பல வருடங்கள் சிறை சென்றவர். இப்படி பட்ட ஒரு பெண்குலத்தை ஏன் அன்று திரு.கருணாநிதி ஆதரிக்கவில்லை??

இன்று நம் முதல்வர் ஆதரிக்கும் பிரதீபா பாட்டீல் வெறும் ஒரு காங்கிரஸ் பிரமுகர், காங்கிரஸில் இணைந்தால 1962 காங்கிரஸ் எம்.எல்.ஏவாக அரசியலுக்கு வந்தவர்; பெரிய சாதனைகள் ஒன்று இல்லை சொல்வதற்கு! காங்கிரஸ் கட்சியால் கவர்னர் பதிவி கிடைத்து ராஜஸ்தான் கவர்னர் ஆனார்! இவர் ஒரு முழு நேரே காங்கிரஸ் கட்சி தொண்டராக தான் வாழ்திருக்கிறார்!

இப்ப சொல்லுங்க மக்களே, யாருக்கு தகுதி இருந்தது முதல்வர் எழுதிய கவிதையின் பொருளாய் ஆவதற்கு!!??

ஏன் அன்று அனைத்து தகுதியும் இருந்த கேப்டன் லட்சுமியை ஆதரித்து தன் பெண்குல பாசத்தை நிரூபிக்கவில்லை திரு.கருணாநிதி! இன்று ப்ரதீபா பாட்டீலை ஆதரிக்க என்ன காரணம்? இன்று தான் அவருக்கு பெண் உரிமை பற்றி தெரிந்து கொண்டாரா ?

விவாதகளத்தில் அநாகரீக பின்னூட்டம்!

2007-06-09T20:03:00.000+05:30

இந்த தமிழ்மணம் விவாதகளம் பக்கமே போகாமல் இருப்போம் என்றால் மனம் கேட்கமாட்டீங்குது! அட பொது மேடை தானே நம் கருத்தும் சொல்லிவைப்போமே என்று அங்கு நாம், நம்முடைய கருத்தை பின்னூட்டமா போட்டா!! அங்க உடன்பிறப்பு லக்கி செய்யும் அராஜகத்துக்கு ஒரு அளவே இல்லை என்று தோன்றுகிறது! அது தமிழ்மணம் விவாதகளமா? அல்லது லக்கிலுக்கின் அரட்டை அரங்கமா?? லக்கிலுக்குக்கு தேவையான, அவர் தலைவனை போற்றும் பின்னூட்டங்கள் மட்டும் ஜல்லியடிக்கும் களமா??

கடந்த வாரம் ஹெல்மெட்! குறிந்தான ஒரு விவாதம் அங்கு துவக்கப்பட்டது! அதில் திருவாளர் லக்கிலுக் ஒரு கேள்வி எழுப்பியிருந்தார்?

இந்த கட்டாய ஹெல்மெட் வற்புறுத்தலை பற்றி உங்கள் கருத்து என்ன?

நான் பின்னூட்டத்தில் என் கருத்தான

//இந்த கட்டாய ஹெல்மெட் வற்புறுத்தலை பற்றி உங்கள் கருத்து என்ன?//

தலைவருக்கு நல்ல கட்டிங் கரெட்டா கிடைத்திருக்கும். அவ்வளவு தான் அவர் தலைவர் மேல் ஒரு புகார் சொன்னேன். அந்த பின்னூட்டம் பிரசுரிக்கபடவில்லை என்பதோடு அல்லாமல்....

நா. ஜெயசங்கர் அவர்களின் அநாகரிகமான பின்னூட்டத்தினை தவிர்த்து மீதி பின்னூட்டங்கள் வெளியிடப்படுகின்றன. நான் ஏற்கனவே கூறியபடி இது தமிழ்மணம் நிர்வாகத்தின் அதிகாரப்பூர்வமான கருத்துக்களம். தலைவர்களின் மீதான தங்களது தனிப்பட்ட காழ்ப்புணர்ச்சிகளை காட்டும் இடமல்ல இது.

அந்த விவாதமேடையில் இப்படி ஒரு பின்னூட்டமிட்டு லக்கி, என் மீது சேர் அடிக்கும் அநாகரீக வேலையையும் செய்ய துவங்கிவிட்டார்!! எப்பொழுதுமே நாகரீக மட்டும் எழுது லக்கி அவர்களே என் பின்னூட்டத்தில் என்ன அநாகரீகம் கண்டீர்கள் என்று சொல்லுங்க பார்ப்போம்? அதை வெளியிட்டு நான் இட்ட அநாகரீகம் பின்னூட்டம் என்ன என்று நிரூபிக்கட்டுமே!

பொது இடத்தில் எல்லாவருக்கும் மதிப்பு கொடுக்கும் பண்பை கற்றுக்கொள்ளுங்கள் லக்கி அவர்களே! உங்களுக்கு கருணாநிதி தலைவர், எங்களுக்கு முதல்வர், நான் முதல்வராக பார்க்கிறேன், என் விமர்சனங்களை சொல்கிறேன்! உங்களுக்கு உங்க தலைவர் சொல்வதும், செய்வது சரியா இருக்கும், நான் அதே ஜல்லி அடிக்கவேண்டும் என்று பொது இடத்தில் வாந்தி எடுப்பது நல்லதல்ல!

அதே போல இதற்கு முன் மாயக்கண்ணாடி பூதக்கண்ணாடியா? என்ற விவாதத்திலும், நான் என் பின்னூட்டமாக

உருப்படியா ஏதாவது விவாதியுங்க இல்ல விவாதமேடையை முடிவிடுங்க!!!

என்று சொன்னேன், சில நாட்களில் அந்த பின்னூட்டமும், பின்னூட்டங்களிருந்து எடுத்து வீசப்பட்டிருந்தது! இப்படி தன் கருத்துக்கு எதிர் கருத்து யார் சொன்னாலும் வெளியிடாமலும், வெளியிட்டாலும் சில நாட்களில் அதை வெட்டித்தள்ளுவதற்க்கு தானா இந்த விவாதக்களங்களின் பொறுப்பாளர் செய்யக்கூடிய வேலை!!!

ஐயா, தமிழ் தெரிந்த புண்ணியவான்களே சொல்லுங்க மேலே உள்ள என் பின்னூட்டங்களில் என்ன அநாகரீகமா இருந்ததென்று சொல்லிக்கொடுங்க தெரிந்து கொள்கிறேன்!

பி.கு: இது போன்ற கட்சி சார்ந்தவர்களை விவாதக்களங்களின் பொறுப்பாளர்களாக ஆக்கினால் இப்படித்தான் கட்சி சார்ந்து விவாதங்களை நடத்தி விவாதகளத்திற்க்கு எதிர்கருத்துள்ளவர்களை வெளியேற்றி, தான் சொன்னது தான் சரி என்ற மாயை உருவாக்குவார் என்பதை தெள்ளத்தெளிவாக நிரூபித்துவிட்டார் நன்பர் லக்கிலுக் அவர்கள்! இனியாவது தமிழ்மணம் இது போன்ற பொருப்பாளர்களை நியமிக்கும் போது கட்சி சாராத பதிவர்களை தேர்ந்தெடுக்க வேண்டும், அப்படி செய்தால் தான் இந்த விவாதகளம் தழைக்கும் என்று நிச்சயமான உண்மை!!!

ஜெ. வை ஆதரிக்கும் உடன்பிறப்புக்கள்!!!

2007-06-07T14:43:00.000+05:30

என்ன ஆச்சர்யம் லக்கி போன்ற உடன்பிறப்புக்கள் சிந்திக்க ஆரம்பிச்சுட்டாங்களாமாம் சாமியோ! இன்று போலீஸ் எரிக்கப்பட்ட விவகாரத்தில் ஜெ.வை கைது செய்ய மாட்டாஙகளாம்! சாரி கைது செய்யசொல்லமாட்டாங்களாம்!!!!

நாங்கள் கொஞ்சமாவது சிந்திக்க கூடியவர்கள். எவனோ ஒரு பைத்தியக்கார ஜெ. அபிமானி செய்த காரியத்துக்காக ஜெயலலிதாவை கைது செய்ய கோரமாட்டோம்.
- லக்கிலுக் ;)

அப்ப அன்று தர்மபுரி கேஸ்ல ஏன் ஜெ.வை கோத்துவிட்டீங்க?

தினகரனில் 3 கொலைகள் நடக்கவில்லை என்றால் இந்த உடன்பிறப்பு இப்படித்தான் சிந்திப்பாரா??

இந்த அழகிரியால பாவம் உடன்பிறப்புக்கள் ஜெ.வை ஆதரித்து பதிவு போட வேண்டிய நிலமைக்கு தள்ளப்பட்டிருக்காங்க!

உங்களை எல்லாம் பார்த்தா எனக்கு பாவமா இருக்கு! (வடிவேலு ஸ்டைலில் படிக்கவும்!!!)

இந்த கேடு கெட்ட அரசியல்வாதிகள் தன் பலத்தை காட்ட அப்பாவி மக்களை கொலை செய்யறாங்க!

பி.கு: பைத்தியகாரனுகளை எல்லாம் கட்சியில் சேர்த்த தலைவருக்கு ஒரு பங்கு இந்த கொலைகளில் உண்டு! அதுவும் எம்.எல்.ஏ பதவி வரை கொடுத்த தலைவருக்கு நிச்சயம் இந்த கொலைக்கு பங்கு உண்டு என்பது என் வாதம்!

திருத்தமுடியாதுடா உங்களை!!!

2007-06-07T14:02:00.000+05:30

ஜெயலலிதா மது அருந்தியதாக இரட்டை அர்த்தத்தில் முதல்வர் கருணாநிதி அறிக்கை விட்டது, கொட நாடு எஸ்டேட்டில் சோதனை நடந்தது ஆகியவற்றைக் கண்டித்து தமிழகம் முழுவதும் அதிமுகவினர் இன்று காலை முதல் பேராட்டங்களில் ஈடுபட்டுள்ளனர்.

இன்ஸ்பெக்டர் மீது பெட்ரோல் ஊற்றி தீ வைத்து கொளுத்திய அதிமுக எம்எல்ஏ கைது!
ஆடுங்கடா ஆடுங்க... ஒன்னும் சொல்லறதுக்கு இல்லை. அரசியல்வாதிகள் கையில் பணமும், அதிகாரமும் இருக்கு என்றால் எத்தனை பேரை வேண்டுமானாலும் கொளுத்திப்போட்டு என்ஜாய் பண்ணலாம்!

அன்று அவர்கள் தினகரன் கருத்துக்கணிப்பு போட்டப்போ, அழகிரி & கோ கலாநிதி மாறனையோ! தயாநிதி மாறனையோ அடிக்கவில்லை, கொல்லவில்லை! இன்று இவர்கள் சொன்னவரை ஒன்னும் செய்யவில்லை!

எந்த நாயாவது சொன்னவனையோ அல்லது செய்தவனையோ கொல்லறீங்களாடா? பாவம் உங்களுக்கு ஓட்டு போட்ட மக்களையும், காவல் காக்கும் காவலர்களும் தான் கிடச்சாங்களாடா? திரும்ப அடிக்கமாட்டாங்க என்ற தைரியம்! மக்களை விழித்துக் கொள்ள இன்னும் எத்தனை காலம் வேண்டிவரும் ?? இந்த பாவமலைகள் இந்தியாவை விட்டொழிக்க!!

கட்டாய ஹெல்மெட் சட்டம் வாபஸ்?

2007-06-02T19:44:00.000+05:30

ஜூன் 1ஆம் தேதி முதல் கட்டாயம் ஹெல்மெட் அணிய வேண்டும் என்று கடுப்பேத்தின அரசு, இன்று நைசா கை நழுவுதுங்க!!! 99% பேர் வாங்கி போட்டுக்கிட்டாங்க, நல்ல கலெக்ஷன் ஆயிடுச்சு என்றது, இன்று மாலை அறிக்கை விடுறாங்க, போக்குவரத்து காவல் அதிகாரிங்க ஹெல்மெட் அணிவதை கட்டாய படுத்த மாட்டாங்களாம், சும்மா ... அன்பா அட்வைஸ் பண்ணுவாங்களாம்...

பல தரப்பட்ட மக்கள் கிட்ட இருந்து வந்த கோரிக்கை ஏற்று நைசா எஸ்கேப் ஆகுதாம் அரசு???

அடப்பாவிகளா இதை ரெண்டு நாள் முன்னாடி சொன்னா என்ன உங்களுக்கு !!! நல்லா இருங்கடா !

பி.கு:

ஹெல்மெட் போட்டா உங்க உயிருக்கு தான் நல்லதுன்னு அரசுக்கு பின்னாடி ஜல்லியடிக்க சென்ற உடன்பிறப்புக்களே, உங்களுக்கெல்லா என் பதில் என் உயிரை இவ்வளவு நாள் அரசு காப்பாத்தல, இனிமேலும் இந்த மாதிரி அரசு காப்பாத்தாதுன்னு தெரியும், அதனால க்லோஸ் த டோர்!!!

பி.கு:

அரசே இந்த கட்டாய ஹெல்மெட் மாதிரி, எங்க கையில் உள்ள காசை கரெக்ட் பண்ண வேற ஏதாவது நல்ல ஐடியா இருக்கா??

குலக்கல்வி - என்ன கொடுமை சார் இது!!!

2007-05-16T18:12:00.000+05:30

இது என்ன கொடுமைன்னு புரியல... குழந்தைக்கு நாக பாம்பிடம் ட்ரெயினிங் கொடுக்கறாங்களாம்??!!! ஒரு சின்னக் குழந்தையை இப்படி செய்து தான் குலத்தொழில் கற்றுக்கொடுக்க வேண்டுமா??

சிறுபிள்ளையை பாம்புடன் விளையாட விட்டு வீடியோ பிடிக்கும் கேடு கெட்ட ஜென்மங்கள்!!! என்ன தான் பல் பிடுங்கப்பட்ட பாம்பாக இருந்தாலும்!!??

இந்த அறியாமை இருளில் இருக்கும் மக்களுக்கு என்று தான் விடிவு காலமோ!!!

MPக்களே ரொம்ப சந்தோஷம் சாமீ!!!

2007-05-08T21:29:00.000+05:30

கடந்த மே 5ஆம் தேதி பாராளமன்றத்தில் வருமை ஒழிப்பு பற்றி ஆலோசனை செய்ய பாராளமன்றம் கூட்டப்பட்டது! அதில் ஜனநாயத்தின் தூண்களான நம் அருமை MPக்கள் அசத்திட்டாங்கன்னா பாருங்களேன்!! கேட்டதும் ஆடிப்போயிட்டேன்!!!!

வருமை ஒழிக்க அலோசனை சொல்லி அசத்திட்டாங்கன்னு, நீங்க பாட்டுக்கு ரொம்ப ஓவரா சிந்திச்சுபுடாதிங்க சார்!!!

545 பேர் கொண்ட பாராளமன்றத்தில் அன்றைய அலோசனைகள் துவங்கும் நேரத்தில் வெறும் ஆறு MPக்கள் மட்டும் ஆஜர், பின்னர் வந்து சேர்ந்தவர்கள் மற்றொரு ஆறு பேர்!!! எப்படி!!!! அசத்தப்போவது யாரு??!!

வந்த அந்த பனிரெண்டு பேர் யாருன்னு கேட்பீங்கன்னு தெரியும்:(வந்த வரிசையில்)

1. டாக்டர். சித்ரா மோகன் (காங், திருப்பதி)
2. பத்ருஹரி மஹதாப் (பீ.ஜே.டி, கட்டக்)
3. பேராசிரியர்.ராசா சிங் ராவத் (பி.ஜெ.பி, அஜ்மீர்)
4. ஸ்ரீபிரகாஷ் ஜெய்ஸ்வால் (காங், கான்பூர்)
5. நவீன் ஜின்டால் (காங், குருஷேத்ரம்)
6. ப்ரான்சிஸ் ஃபாந்தோம் (காங், நியமன உருப்பினர்)
7. சி.எஸ்.சுஜாதா (சி.பி.எம், மாவேலிக்கரா)
8. சி.கே.சந்திரப்பன் (சி.பி.ஐ, திருசூர்)
9. கே.எறான் நாயுடு (தெ.தேசம், ஸ்ரீகாகுலம்)
10. பி.கே. ஹன்டிக் (காங், ஜோர்ஹத்)
11. பா.சிதம்பரம் (காங், சிவகங்கை)
12. ஜெய்ராம் ரமேஷ் (காங்) - இவர் ராஜிய சபா உறுப்பினர் எனபது குறிப்பிட தக்கது. (இவர் ஆள் குறைவா இருக்கு அவை நடக்கன்னு மணி அடித்தப்பின் உள்ளே ஓடிவந்தவர், அதுக்கு முன்னாடி எங்க இருந்தாருன்னு தெரியவில்லை)

இதில் கொடுமை என்னவென்றால் குறைந்தபட்சம் 10 சதவிகித MPக்களாவது (55 பேர்) வரவேண்டும் அவை நடவடிக்கை தொடர்ந்து நடைபெற :( வந்தவர்கள் வெறும் 2 சதவீதம் கூட இல்லை!!!!

நம்ம பாராளமன்ற உறுப்பினர்களுக்கு என்னமா மக்கள் மேல அக்கரைன்னு இதிலிருந்து தெரிந்து கொள்ளுங்க மக்களே!!!

தமிழ்நாட்டுல தான் டி.வி, 1(2) ஏக்கர் நிலம்ன்னு எல்லாம் கொடுத்து வறுமையை சுத்தமா ஒழித்துவிட்டதால் நம்ம தி.மு.க மற்றும் கூட்டணி கட்சி MPக்களும் போகவில்லை, வெளிநாட்டவர் பிரச்சனை நமக்கு எதுக்கு சைலன்டா ஜகா வாங்கிடாங்க போல... அட சிதம்பரம் இருந்தாரே சொல்லவறீங்களா? ஏங்க அவர் தாங்க வருமை ஒழிப்பு பத்தி பேசனும், ஏன்னா, அவர் தான் நம்ம நிதியமைச்சராமே (இந்தியாவுக்கே)! அதனால வேற வழி இல்லாம வந்தாரா இல்லை தெரியாம வந்திட்டாரான்னு யாராவது கேட்டு சொல்லுங்கப்பா!!!

இறுதியில் வருமை ஒழிப்பு ஆலோசனை கூட்டம் ஒழிக்கப்பட்டு திங்கட்கிழமைக்கு ஒத்தி வைக்கப்பட்டதாக கேள்வி! அதுவும் நடந்திருக்க வாய்ப்பு இல்லை ஏன்னென்றால் பாராளமன்றத்தில் ஏற்கனவே மே 15 வரை அலுவல்கள் திட்டமிடப்பட்டிருப்பதாக பாராளமன்ற நடவடிக்களுக்கான அமைச்சர் ஏற்கனவே கருத்து சொல்லிருந்தாராம் :((((

நம்ம அரசியல்வாதிகள் மற்றும் அசத்தல் MPக்களில் ஏழை மக்கள் மேல் உள்ள பாசத்தை நினைக்கும் போதே எனக்கு புல்லரிக்குதுபா!!! உங்களுக்கு???!!!

பி.கு: இந்தியாவில் 2004-2005 வருட கணக்கு படி, சுமார் 23% மக்கள் வறுமை கோட்டுக்கு கீழ் உள்ளனர் என்று National sample survey organisation (NSSO). அதாவது 23 கோடி மக்களின் ஏழ்மை நிலையை ஒழிக்க ஆசைப்படும் பாராளமன்ற உறுப்பினர்கள் வெறும் 12 பேர்... என்ன கொடுமை சார் இது!!!

நன்றி: Deccan Chronicle, chennai edition

நாளைய தீர்ப்பு - தினகரன் ;)

2007-05-08T21:08:00.000+05:30

தினகரன் நாளிதழும் ஏசி நீல்சனும் இணைந்து நடத்தும் கருத்து கணிப்பில் நாளை கருணாநிதியின் அரசியல் அடுத்த வாரிசு யார் ? என்று வெளியிடப் படும் என்று நம்ம கோவி கண்ணன் பதிவு போட்டிருக்காரு!

என் ஆருடம் (ஆருடம் எனக்கு தெரியாவிட்டாலும்!) முடிவு இப்படித்தான் இருக்கும் என்று நான் நினைக்கிறேன்!

1. ஸ்டாலின் - 46.4 %
2. தயாநிதி மாறன் - 46%
3. ஆற்காடு வீராசாமி - 4%
4. மற்றவர்கள் - 3.6%

இதில் 5% ஏற்றமோ இறக்கமோ இருக்கக்கூடும் ;)

உங்க கருத்தை சொல்லுங்க ப்ளீஸ் ;)

நாளை வலைப்பதிவர் சந்திப்பு - மறந்திடாதீங்க மக்களே!

2007-04-21T14:17:00.000+05:30

நன்பர்களே!

நாளை மதியம் 3:30 மணிக்கு வலைப்பதிவர் "சந்திப்பு". மறக்காம வந்திடுங்க!

வலைப்பதிவின் அடுத்த கட்டத்தை தொட இந்த சந்திப்பு ஒரு அஸ்திவாரமாக இருக்கும் என்று நான் நினைக்கிறேன்.

எல்லோரும் வாங்க! சாதி, மத, இன பாகுபாடுகளை தாண்டி மனிதராக ஒன்றினைவோம்! சமூகத்துக்கு நம்மால் இயன்ற நன்மைகளை செய்ய துவங்குவோம்!

இடம்: நடேசன் பார்க், தி.நகர்.

நேரம்: சரியாக மதியம் 3.30 முதல் மாலை: 7.30 வரை.

நாள்: ஏப்ரல்.22'2007, ஞாயிற்றுக்கிழமை.

வருகையை உறுதி செய்ய நண்பர்கள் பின்னூட்டம் வாயிலாக தெரிவிக்கலாம். என் கைபேசி 0-99400 45507 எண்ணுக்கும் அழைக்கலாம்.

மேல் விவரங்களுக்கு இங்கே செல்லவும்.

காஞ்சி சேவை மையம் உண்மையில் நடப்பது என்ன?

2007-04-05T13:01:00.000+05:30

என் இட ஒதுக்கீடு பதிவில் திரு.ஹரி எழுதிய விளக்கங்களில் உண்மை நிலை என் அறிவுக்கு எட்டிய வரை:

என் கேள்வி:
////பல ஆயிரம் பிராமணசாதியினர் தாங்கள் உழைத்துச் சம்பாதித்த பணத்தில் சாதிப்பாகுபாடு பார்க்காமல் கல்வி , மருத்துவம் எனப் பல நல்ல விஷயங்கள் செய்துவருவதை, நல்ல முன்னுதாரணத்தை முன்னெடுத்துச்செல்வதை பிராமணீயம் என்று குறிப்பிடலாமே?//

இது எங்கே நடக்குது ஹரி??!! ஆச்சரியமா இருக்கே?? கொஞ்சம் எடுத்து சொல்லுங்க?? ஒன்னும் புரியலை?? யார் செய்யறாங்க? எங்க செய்யறாங்க?? (கலாய்க்க இல்லைங்க சீரியசா கேட்கிறேன்)//
என்ற என் கேள்விக்கு விளக்கம் அளித்த பதிவில் ஹரி கூறிய சில விசயங்கள் சரி இல்லை என்று தோண்றுவதால் இந்த பதிவு. இந்த வாதம் அந்த பதிவில் வைத்துக்கொண்டால் அந்த பதிவின் நோக்கம் திசை மாறும் என்ற எண்ணத்தால் தனி பதிவாக வைக்கிறேன்.

ஆனால் அவர் சொன்ன லிஸ்டில் இருக்கும் பல மையங்களுக்கு நான் நேரடியா போயிருக்கேன், இவை எதுவும் சேவை அடிப்படையில் நடப்பவை அல்ல என்றே தோண்றுகின்றன, எல்லாம் காசுக்கு வேலை செய்கிறது என்று, அந்த ட்ரஸ்ட் நடத்தும் நிறுவங்களுக்கு போய் பார்த்தாலே தெரியும்.

சில உதாரணங்கள்:

1. சின்மயா மிஷன் பள்ளி: இங்கு LKG சேர்க்க சுமார் 15 ஆயிரம் ரூபாய் நன்கொடை தேவை, பள்ளி டேர்ம் பீஸ் சுமார் ரூ.2300 (மூன்று மாதத்துக்கு!) இதில் எங்கே வருது சேவை!! SBOA பள்ளிகளும் இதே அளவு வசூலிக்கிறது, இவை சேவை இல்லை ஹரி, காசு சம்பாதிக்கும் முறை!

2. Child Trust, சென்னை: இங்கும் தொட்டாலே காசு, ரெஜிஸ்ட்ரேஷன் சார்ஜ் முதல் சேவை கட்டணம் வரை எதும் ஒரு சாதரண மருத்துவமணையில் சேவைக்கட்டணத்துக்கு குறைவு இல்லை, மேலும் காஞ்சி மடம் இந்த நிறுவணத்தை எடுத்து நடத்துவதற்கு முன் இருந்த நிர்வாகம்(Dr. M.S.Ramakrishnan அவர்களின் கீழ் இருந்த நிர்வாகம்) மிக குறைவான சேவை கட்டணம் அதாவது 20 -30 ரூபாய் வசூலித்து வந்தது! காஞ்சி மடம் இந்த மருத்துவமணையை எடுத்து நடத்த ஆரம்பித்ததும் முதலில் வசதிகளை அதிகப்படுத்தாமல் சேவை கட்டணத்தை ரூ.100 -125 வரை ஆக்கியது! அதனாலேயே அங்கு போவதை நான் நிறுத்தினேன். ரூ.பத்து இருந்த ரெஜிஸ்ட்ரேஷன் கட்டணம், ரூ.100 ஆனது, இப்ப என்ன சொல்லறீங்க ஹரி!! இதுவா சேவை??

3. சங்கரா மிஷன் மருத்துவமணை: இதுவும் ஒரு சேவை மையம் கிடையாது, ஒரு சாதாரண மருத்துவமனையில் வாங்கும் அத்துனை சேவை கட்டணம் குறைவில்லாமல் வாங்கப்படுது! இதுவா சேவை! தொட்டால் காசு என்ற நிலையே உள்ளது! என் நெருங்கிய உறவினர் அங்கு மருத்துவராக வேலை செய்தார், அவர் இருக்காறே ஏதோ பார்த்து பில் போடுவாங்கன்னு ஒரு ஹெல்த் செக் கப்க்கு போயி, பில் பார்த்து நொந்து போனவன் நான்!!

இந்த சங்கரா ட்ரஸ்ட் நடத்தும் எந்த நிறுவணம் சேவை நோக்கத்தோடு வேலை செய்யுதுன்னு சொல்லுங்க!! பணக் கொள்ளை மட்டுமே முக்கிய நோக்கமாகிவிட்டதுன்னு எனக்கு தோணுது! முன்பு காஞ்சி மடத்துக்கு நெருக்கமான என் நண்பர் ஒருவர் சொல்லுவார், பெரியவர் இருக்குவரை இது போன்ற கொள்ளை இல்லை, ஜெயேந்திரர் வந்த பிறகு தான் கல்லூரி, பள்ளின்னு பணம் கொள்ளை அடிக்கு வழிமுறைகள் உள்ளே வந்ததாக!!! அந்த காசு யாருக்கு போகுது! என்ன ஆகுது என்பதை பற்றி இங்கு கருத்து சொல்ல வரவில்லை! அவை சேவை மையங்கள் அல்ல என்பது மட்டுமே என் கருத்து!!

இந்த கருத்துக்கள் நான் பார்த்த சில மையங்களை வைத்து தான், இதில் லாப நோக்கம் இல்லா நிறுவனம் இல்லை என்றே எனக்கு தோண்றுகிறது. இதில் மாற்றுக்கருத்து இருக்குமானால் வாதங்களை வைக்கலாம்.

எப்பொருள் யார்யார்வாய்க் கேட்பினும் அப்பொருள்
மெய்ப்பொருள் காண்ப தறிவு.

இட ஒதுக்கீடும் செந்தழல் ரவியின் பதிவும்....

2007-04-04T12:56:00.000+05:30

செந்தழல் ரவியின் பதிவை பார்த்த பிறகு அதன் தொடர்ச்சியா, இதே விசயம் குறித்து பல முறை குழலியுடன் வாதிட்டபோதும் அவர் ரவியின் பதிவில் சொன்ன அதே மாதிரியான வாதங்களை தான் சொன்னார். இங்கு என் பங்கிற்கு என் எண்ணங்களை முன்வைக்கிறேன்.

என்னை பொருத்த வரை கல்வி+ பொருளாதார நிலை ஒன்றுடன் ஒன்று பின்னிப்பிணைந்த விசயம் தான். இட ஒதுக்கீட்டு என்ற பிரச்சனை வந்த உடன் நம்ம மக்கள் எப்பவும் பிராமணர்களை சாடுவது தப்புன்னு தோனுது! கிரீமி லேயர் ஒதுக்கப்பட்டால், அந்த மிச்ச இடங்களில் உள்ளே வரப்போரவங்க ஐயர் இல்லை சாமி! நம் சமூகத்தில் அடிமட்டத்தில் உள்ள மக்கள் தான், அதாவது டி-கிரேடு அரசு பணியாளரை விட கீழ் மட்டத்தில் உள்ளவன், அவனும் தாழ்த்தப்பட்டவன் தான். நம்மால் நம்ம ஆட்கள் மேலே வருவதே பிடிக்கவில்லை என்பது கசப்பான உண்மை! அதற்கு வாதங்கள் பல வைத்து எல்லாவராலும் முடியும். குழலி சொல்லற மாதிரி ஒரு தலைமுறை தான் முன்னுக்கு வந்திருக்கு என்றால், இன்னும் அந்த பகுதி பக்கம் கூட வர முடியாம, கூலி வேலை செய்து, இட ஒதுக்கீட்டின் டேஸ்ட் கூட பார்க்காதா எத்தனை பெரிய சமுதாயம் காத்திருக்கு!!!?? குடிசை பகுதியிலிருந்து ஒரே ஒரு மாணவன் மருத்துவம் அல்லது பொறியில படிப்பு சேர்த்தால், அது இன்றும் ஒரு பெரிய செய்தியா, உலக அதிசயமாக, எல்லா பத்திரிக்கையிலும் வரும் நிலை தான் உண்மை! அவர்களுக்கு ஏன் நாம் வழி விடக்கூடாது!? இந்த நிலை மாற நிச்சயம் இட ஒதுக்கீட்டு கொள்கையில் ஒரு Fine Tuning தேவை! அதை தான் நம்ம உச்சநீதி மன்றம் சொல்லுது என்று நினைக்கிறேன். கிரீமி லேயரால் லாபம் பிராமனர்களுக்கு அல்ல என்ற உண்மை ஏன் மறைக்கப்படுது!

குழலி சொல்லும் 4 தலைமுறை வளர்ச்சி:

1. கூலி வேலை, Wine ஷாபில் சரக்கு வாக்கிதருவது போன்ற வேலை (தலைமுறை ஒன்று)
2. டி கிரேடு அரசு பணியாளர் (தலைமுறை இரன்று)
3. IAS, IPS போன்ற வேலை (தலைமுறை மூன்று)
4. IIT, IIM போன்றவைகளில் படித்து வெளிநாட்டு வேலை (தலைமுறை நான்கு)

ஒவ்வொரு தலைமுறையையும் இந்த நான்கு ஏணி ஏற்றிவிட தான் இட ஒத்துக்கீடுன்னு சொல்லும் குழலி போன்றவர்கள், ஒரு கணக்கை விட்டு விட்டார்கள் போல, ஒரு குரூப்பை முன்னேற்ற 33 X 4 = 132 வருடம் தேவை படுகிறது , அப்ப இன்னும் எத்தனை வருடம் காத்திருக்க வேண்டும் அடிமட்டத்தில் வாழ்ந்து வரும் கூலித்தொழிலாளி?? இப்படி போனால் அடிமட்டத்தில் உள்ளவனை எப்ப இந்த இட ஒதுக்கீடு பயன் கொடுக்கும்! இப்படி போனால் இன்னும் ஓர் ஆயிரம் ஆண்டுகள் போனாலும் குடிசைப்பகுதி மக்கள் படித்து மேலே வருவது கடினம் தான் :( , அன்று வரை நம் அரசியவாதிகள், அவனை ஓட்டு வங்கியாக வைத்து கொள்ளையடிப்பது நடந்துக்கிட்டே தான் இருக்கும். அதனால தான் நான், இட ஒதுக்கீடுக்கொள்கையில் ஒரு Fine Tuning தேவை என்று சொல்கிறேன்.

தான் முன்னுக்கு வந்தாலும், கீழே உள்ளவனை மேலே வரவிடாமல் தன்னை சுற்றியே இந்த இட ஒதுக்கீட்டு லாபத்தை வைத்துக்கொள்வதும் ஒரு வகை பிரமணீயம் தான்.

அன்புடன் ஆண்டு விழா 2 - பரிசுப் போட்டி!

2007-03-08T18:02:00.000+05:30

இனிய இணைய நெஞ்சங்களுக்கு வணக்கம்!

"இதயம் மீறும் எண்ணங்களால் நாம்
எழுந்து பறப்போமே
இதய நிழலில் இதயம் கிடத்தி
இன்னல் துறப்போமே"

எனப் பாடி, சிறகடித்துப் பறக்கத் தொடங்கியது ஒரு சின்னஞ்சிறு இணையப்பறவை... சிறகை அகலமாய் உயரமாய் விரித்து அன்பால் உலகத்தை அளந்திட்டேன்... இதோ, வானம் விரைவில் என உற்சாகமாய்த் தன்னைச் செலுத்தியபடி இருக்கிறது...

உலகெலாம் அலைந்து தமிழ்ப் பருக்கை கொத்தி, கூடு அடையும் இதயங்களுக்கு ஊட்டியபடி இருக்கும் நம் அன்புடனின் ஈராண்டு நிறைவையும் மூன்றாம் ஆண்டின் தொடக்கத்தையும் ஆனந்தமாய் ஆடலுடன் பாடலுடன் மன நிறைவாய்க் கொண்டாடிட 'அன்புடன்' கவிதைப் போட்டி நிகழ்த்த முடிவு செய்துள்ளது.

போட்டி விபரம்:

கவிதைப் போட்டி ஐவகைச் சுவையின் கீழ் நடத்தப்பட உள்ளது.

1. இயல்கவிதை - வாசிக்கச்சுவை

வழமையான வடிவம் தான். படைப்பாளி தன் கவிதையை யுனித்தமிழில்(Unicode) தட்டச்சு செய்து அனுப்பவேண்டும்.(யுனித்தமிழில் தட்டச்ச இயலாதவர்கள் 'அன்புடன்' உதவியை அணுகலாம் மின்னஞ்சல் : anbudansupport@gmail.com)

2. இசைக்கவிதை* - பாடச்சுவை

சில பாடல்கள் இசையோடு கேட்க இன்பம் கூட்டும். அவ்வகைக் கவிதைகளுகான (பாடல்களுக்கான) பிரிவு இது. படைக்கப்பட்ட கவிதை பாடலாக இசையோடு பதியப்பட்டு அனுப்பப்படவேண்டும்.

3. ஒலிக்கவிதை - கேட்கச்சுவை

சில கவிதைகள் படைப்பாளியின் உணர்வோடு கேட்க நம்மை உலுக்கியெடுக்கும்.அவ்வகைக் கவிதைகளுக்கான பகுதி இது. படைக்கப்பட்ட கவிதை படைப்பாளியின் குரலில் பதியப்பட்டு அனுப்பப்படவேண்டும்.

4. படக்கவிதை** - பார்க்கச்சுவை

புகைப்படங்களுடக்கான கவிதை. பார்வைக்கு வைக்கப்படும் சில புகைப்படங்களுக்குப் படைப்பாளியின் கற்பனை வடிக்கும் கவிதையைத் தரவேண்டும்.

5. காட்சிக்கவிதை* - இயக்கச்சுவை

இது ஒலி - ஒளி கவிதை. கவிதையைக் காட்சியாக்கித் தரவேண்டும்.

* இசைக்கவிதை, காட்சிக்கவிதை பிரிவுகள் புது முயற்சி என்பதால் பங்கேற்பு குறைவாய் இருக்கும் என்றெண்ணுகிறோம். எனவே அவற்றில் பங்கேற்கும்
படைப்புகளுக்கு வெற்றி பெறும் வாய்ப்பு அதிகம்.

** படக்கவிதைக்கான படங்கள் இம்மடலுடன் இணைக்கப்பட்டுள்ளது.

விதிமுறைகள்:

1. எந்தப் பிரிவுக்கும் தலைப்பு கிடையாது. எந்தத் தலைப்பின் கீழ் எழுதுவது என்பது படைப்பாளியின் விருப்பத்திற்கு விடப்படுகிறது.

2. ஒவ்வொரு பிரிவின் கீழும் ஒரு படைப்பாளி அதிகபட்சமாக நான்கு படைப்புகளை மட்டுமே அனுப்பலாம்.

3.படக்கவிதைக்கான படைப்பை அனுப்புவோர்,எந்த படத்திற்கான கவிதை எனக் குறிப்பிட்டு அனுப்ப வேண்டுகிறோம்.அப்படிக் குறிப்பிடி படாத படைப்புகள் பரிசீலனைக்கு ஏற்றுக் கொள்ளப்பட மாட்டா.

4. படைப்பு முழுக்க முழுக்கப் புதியதாய் இருக்க வேண்டும். முன்னரே எந்த ஒரு ஊடகத்திலும் வெளிவந்த படைப்பாய் இருத்தல் கூடாது.முடிவுகள் அறிவிக்கப்படும்வரை எங்கும் படைப்பை பிரசுரித்தல் கூடாது.முடிவுகள் வெளியானதும் தாங்கள் தங்கள் கவிதைகளை பிரசுரம் செய்துக் கொள்ளலாம்.

5. படைப்பாளியின் பெயர் , தொடர்பு எண் & முகவரி ஆகியவை ஒவ்வொரு படைப்பு அனுப்பப்படும் போதும் குறிப்பிடப் பட வேண்டும்.அவை எக்காரணம் கொண்டும் எங்கும் பொதுவில் வைக்கப்பட மாட்டாது என்று உறுதி அளிக்கின்றோம்.

6. படைப்புகள் வந்து சேர வேண்டிய கடைசி நாள்: 14-04-2007 (சனிக்கிழமை ஏப்ரல் 14, 2007 - சித்திரை மாத முதல்நாள்) இந்திய நேரம் இரவு 12.00 மணி க்குள்.

7. போட்டிக்கு வரும் படைப்புகளைப் போட்டி முடிந்ததும் அன்புடன் குழுமத்தில் பிரசுரிக்கும் அனுமதியை இப்போதே பெற்றுக் கொள்கிறோம்.

8. படைப்பை anbudan.pootti@gmail.com என்ற மின்னஞ்சல் முகவரிக்கு மட்டுமே அனுப்ப வேண்டுகிறோம். அன்புடன் குழுமத்துக்கு நேரடியாய் அனுப்பப்படும்
படைப்புகள் ஏற்றுக்கொள்ளப்படமாட்டா.

9. ஒலிக்கவிதை, இசைக்கவிதை, காட்சிக்கவிதை போன்றவற்றில் கோப்பின் பருமளவு (file size) அதிகமாகும் பட்சத்தில் ஏதாவது ஒரு கோப்பு மாற்று (File Share) இணைய தளத்தில் ஏற்றிவிட்டு அதைத் தரவிறக்கத் தேவையான (link) சுட்டியை மட்டும் anbudan.pootti@gmail.com என்ற மின்னஞ்சல் முகவரிக்கு அனுப்பி வைத்தால் போதுமானது.

10. நடுவர் குழுவின் தீர்ப்பே இறுதியானது.

பரிசு:

மொத்த பரிசு மதிப்பு : ரூ. 10,000/-

ஒவ்வொரு பிரிவிற்கும்:

முதல் பரிசு: ரூ. 1000/-
இரண்டாம் பரிசு: ரூ. 500/-
ஆறுதல் பரிசு: இருவருக்குத் தலா ரூ. 250/-

எனப் பகிர்ந்தளிக்கப்படும்.பரிசுகள் பணமாக வழங்கப்பட மாட்டாது. அத்தொகைக்கு ஈடான புத்தகங்களாக வழங்கப்படும். பரிசுப் புத்தகங்கள்,பரிசு பெறும் படைப்பாளின் தேர்வு. பரிசு பெறும் படைப்பாளி வெளிநாட்டில் வசிப்பவராக இருந்தால், பரிசுப் புத்தகங்களைப் பெற்றுக்கொள்ள அவர் தமிழக முகவரி ஒன்றைத் தரவேண்டியிருக்கலாம்.

முடிவுகள்:

சித்திரைத் திங்கள் இறுதியில் அறிவிக்கப்படும்.

வாருங்கள் இணையத் தமிழ் மக்களே! இனி இது உங்கள் களம். பங்கேற்று மகிழுங்கள். பரிசுகளை வென்றிடுங்கள். கவிதைச் சாரலால் நனைத்திடுங்கள்.

நன்றி.

மேலும் தகவலுக்கு : அன்புடன் ஆண்டு விழா 2 - கவிதைப்போட்டி

எங்க ப்ரியனுக்காக ஒரு விளம்பரம் ;)

கல்யாண் மறைவிற்கு என் அஞ்சலி!

2007-02-12T11:14:00.000+05:30

தமிழ் வலைதிரட்டிகளில் ஒரு முக்கியமான இடத்தை பிடித்த தேன்கூடுவின் நிறுவனரான திரு.கல்யாண் அவர்களின் மரண செய்தி பெரும் அதிர்ச்சி :(

இவரை நடேசன் பூங்காவில் வலைப்பதிவர் சந்தித்த போது இப்படி சாந்தமானவரா தேன்கூடின் நிறுவனர் என்று ஆச்சர்யபடுத்தினார். தமிழ் எழுத்துக்கள் வளர்ச்சிக்கு பல விடயங்கள் முயர்ச்சிப்பதாகவும், அதற்கான வேலைகளில் ஈடுபட்டிருப்பதாகவும் சொன்ன போது, இந்த சிறுவயதில் இவ்வளவு தமிழ் பற்றா என்று வியக்கவைத்தார்! ஒரு 20 நிமிடம் தான் அவரிடம் நானும், தமிழியும் பேசியிருப்போம்! தேன்கூடு சேவைகள், அதில் உள்ள பிரச்சனைகள் என அனைத்தையும் கூறினார், அத்துனை பிரச்சனைகளுக்கு இடையேயும் அவர் அயராமல் செய்துவரும் தமிழ் சேவை நினைத்து வியந்தோம்! அதற்கு பின் சில மின்னஞ்சல் மூலம் தேன்கூடில் வரும் மேலான்மை சேவைகளை பற்றி செய்திகளை அனுப்பிவைப்பார்.

அவரை அன்று சந்தித்தது தான் கடைசி சந்திப்பாக இருக்கும் என்று நினைத்துக்கூட பார்க்கவில்லை! 29 வயது மரணத்தை தழுவும் வயதா?? வந்தார்! தன் கடமையாக நினைத்து தமிழ் வலையுலக்குக்கு தன்னால் இயன்ற சேவை செய்தார்! இன்று அவர் இல்லை என்றாலும் அவர் சேவைகள் நம்மை நினைவு கூறவைக்கும் என்பது உண்மை!

அவரின் குடும்பத்தாருக்கு நன்பர்களுக்கும் என் ஆழ்ந்த அனுதாபங்கள்!

காலன் இவ்வளவு கொடூரமானவனா!!!

நன்றி நன்பர்களே!

2007-02-12T10:37:00.000+05:30

என்னை நட்சத்திரமாக ஒரு வாரம் வலம் வர செய்த தமிழ்மணத்துக்கு என் முதல் நன்றி!

என்னை நட்சத்திரமானதற்கு வாழ்த்திய அனைத்து வலைப்பதிவர்களுக்கும் நன்றி!

இந்த வாய்ப்பை நன்றாக பயன்படுத்தமுடியவில்லை என்ற ஆதங்கம் இன்று எனக்கு உண்டு! நேரமின்மை காரணமாக எழுதிய பதிவுகளை கூட சரி செய்து வெளியிட முடியவில்லை! சரி விடுங்க விரைவில் எல்லா பதிவையும் வெளியிடுவோம்! பதிவு வெளியிட நட்சத்திரமாக வேண்டிய அவசியம் இல்லையே!

நன்றி மக்களே! இந்த நன்றியை சொல்லும் வேளையில் என் ஆசை மீண்டும்:

சாதி, மதம், ஏற்றத்தாழ்வுகள் இல்லா ஒரு சமுதாயத்தை உருவாக்க நம் பாடுபட வேண்டும்!
கீழ் சாதி என்று மேல்சாதியும், மேல் சாதி என்றும் கீழ் சாதி ஒருவரை ஒருவர் சொல்வதை நிறுத்தி அனைவரும் இணைந்து ஒரு புதிய இந்தியாவை உருவாக்க திட்டமிடுவோம்!
என் மதம் சிறந்தது! உன் மதம் தாழ்ந்தது என்று வெட்டியாக மதச்சண்டையிடுவதை நிறுத்து அனைவரும் இணைந்து ஒரு ஒப்பற்ற இந்தியாவை உருவாக்குவோம்!

டிஜிட்டல் அவதாரம் - ஒரு பா.க.ச பதிவு

2007-02-10T12:21:00.000+05:30

புது அவதாரம் எடுத்த எங்க தல பாலாபாய்க்கு ஒரு வாழ்த்து சொல்லத்தான் இந்த பா.க.ச பதிவு! சங்கத்துக்கு அப்ப அப்ப வேலை தந்து! ஏதாவது ஐடியா கொடுத்து எங்களை ஊக்கிவிக்கும் தல பாலாபாய்க்கு ஒரு நன்றியை சொல்லிவிட்டு தொடங்குவோம்!!!

அவதார புருஷனாக வாழ்ந்து வரும் எங்க பாலாபாய் இதுவரை பல அவதாரம் எடுத்துவிட்டார், நம்ம திருமால் பகவான் மேக்ஸிமம் 9 அவதாரம் எடுத்துயிருக்காரு! பத்தாவது அவதாரமான கல்கி அவதாரம் இந்த கலியுகத்தில் எடுக்கப்போறதா சொல்லறாங்க! ஆனான எங்க தல, கலியுக கிஷ்ணன் பாலாபாய்ஆயிரம் அவதாரம் எடுப்பாரு டெய்லி! எங்க தலையோட லேட்டஸ்ட் அவதாரம் புலியாவதாரம்! அந்த வதாரத்தின் போட்டோ அருகே உள்ளது! இந்த அவதாரம் எதுக்கு என்று கேட்பவர்களுக்கு எங்க தலையின் பதில் "இணைய உலகத்திற்கும், கணினி நாட்டிற்கும்(!) ஏதாவது செய்யனும்னு ரொம்ம்ம்ம்ம்ம்ம்ப நாளாக ஆசை! " அதை இந்த புது அவதாரத்தில் தான் செய்யனும் என்று ஆசைப்படறாரு!!! இதெல்லாம் உங்களுக்கு பெரிய ஆச்சர்யத்தை தரலாம், ஆனா எங்க பா.க.ச மக்களுக்கு ஒரு ஆச்சர்யமும் இல்லை, ஏன்னா, இதுக்கு முன்னாடி இவர் பல வித்தைகளை கணினி மற்றும் இணைய உலகத்துக்கு காட்டியிருக்காரு, அதை அறிய நினைப்பவர்கள் இங்கே சொடுக்கவும்!!!!

'சமீபத்தில்' தல "அம்மா"வை பார்த்து காலில் விழுந்து ஆசி வாங்கியதாகவும், அதனால் தான் அவருடைய புது அவதாரத்தில் "கருப்பு", "வெள்ளை" & "சிகப்பு" கட்சி சாயம் உள்ளதாகவும் எதிர்(ரி) வட்டாரம் (சதுரம்) புரளி கிள்ப்பியுள்ளதாகவும் சொல்லப்படுது!!!

ஜீ போஸ்ட் கௌதம்யின் ஆஸ்தான ப்ளாக் என்ஜினியர் இவர் என்பது குறிப்பிடத்தக்கது!!!! :)))))))))))))) அதே போல பதிவர் சதுரத்தை இணைத்துக்கு அறிமுகப்படுத்தியதே நம்ம தல தான்!!! இது போதாதா என்ன!!! இனி இந்த புது அவதாரத்தில் இன்னும் பல மேட்டர் செய்து சாதனை படைப்பார் எங்க தல என்பதில் ஐயம் இல்லை!!!!

இதற்கு முன் அவர் எடுத்த யாகவாதாரம் பெருத்த வரவேற்ப்பை பெற்றது அல்லாருக்கு தெரியும் என்று நினைக்கிறேன்! நியாபகம் இல்லாதவங்க இங்கே சொடுக்கி பார்க்கவும்!!!

அடுத்து அவர் டாக்ட்ர் அவதாரம் எடுக்க நினைக்கிறான் என்று பா.க.சவில் ஒரு கிசு கிசு இருக்கு அதற்கு காரணம் அவர் எப்பவும் கழுத்தை சுற்றி ஸ்டெத்தாஸ்கோப் மாதிரி ஒரு மொபைல் போன் ஹெட் செட் மாட்டிக்கினு ஜம்முன்னு எப்பவுமே சுத்திக்கிட்டு இருப்பாரு! அனேகமா அதை பேஸ் பண்ணித்தான் மக்கள் அடுத்த அவதாரத்தை கண்டுப்பிடிச்சுயிருப்பாங்கன்னு நினைக்கிறேன்!!!

இன்னும் பல அவதாரம் எடுத்து இணையத்தில் சாதனை படைக்க இந்த பா.க.ச படை இருக்கோம் உங்க பின்னாடி (கால வாரத்தான்...). நீங்க தூள் கிளப்புங்க தல!! என்று சொல்லத்தான் இந்த பதிவு!! ஐயோ! ஐயோ!! எங்க தல எப்பயுமே இப்படித்தான்!!!!

எங்க சங்கத்தின் ஆல் டைம் ஹிட் பதிவான "பா.க.சவில் சேர்வது எப்படி?" படித்து தெரிந்து கொண்டீர்களா??

பி.கு:

பா.க.ச இப்ப அன் டார்டிகா, ஐஸ்லாண்டு நாடுகளை தவிர உலத்தின் எல்லா மொக்கு மூலையிலும் கிளைகள் உள்ளது!

அன் டார்டிகா, ஐஸ்லாண்ட் நாடுகளிருந்து கிளை துவக்க ஆட்கள் தேவைப்படுகிறார்கள். கலாய்க்க ஆசைப்படுபவர்கள் உடனடியாக பா.க.ச சென்னைப்பட்டின தலைமை கழகத்தை தொடர்பு கொள்ளவும்!!!

மறக்காம இந்த பதிவையும் படியுங்க VA(A)Tட்டும் சேவைவரியும் ஒரு அலசல்!!!

VA(A)Tட்டும் சேவைவரியும்

2007-02-10T00:01:00.000+05:30

பலர் பல விதமாக இந்த மதிப்புக்கூட்டு வரியை பற்றி கருத்து கூறிவந்தாலும், உண்மையில் இந்த வரி நமக்கு லாபமா? கஷ்டமா? நஷ்டமா? என்ற கேள்விக்கு யாராலும் பதில் தெளிவாக சொல்ல முடியவில்லை என்பதே உண்மை. வியாபாரிகள் சங்கம் இதனால் பொருட்களின் விலை கூடுகிறது என்று கூறிவருகிறார்கள், ஆனாலும் அவர்களால் சரியான புள்ளி விவரங்கள் தரமுடியவில்லை, ஏன்னெனில் விலைவாசியும் உயர காரணங்கள் பல காரணங்கள், அதில் முக்கியமானது ஆன்லைன் ட்ரேடிங், பின்னர் டீசல் விலை, சேவை கட்டணங்கள், வரி என பல. இந்த ஆன்லைன் ட்ரேடிங் எனப்படும் இணையவழி வர்த்தகத்தால் நடக்கும் அராஜகங்கள் பல, இதனால் அரசுக்கு நல்ல வருமானம் என்ற ஒரே காரணத்துக்காக அதை கண்டுகொள்ளாமல் விட்டிருக்கு என்பதே கொடுமை!

இன்றைய நிலையில், அனைத்து வித அத்தியாவசிய பொருட்களின் விலையும் 5 - 20 ரூபாய் வரை உயர்ந்து இருப்பது உண்மை! அரிசி, கோதுமை, பருப்பு முதல் காய்கறி வரை எல்லா பொருட்களும் விலையேற்றம், இந்த வரியால் மட்டும் அல்ல! சும்மா நம்ம முதல்வர், ஜெயலலிதா ஆட்சியில் 50 ரூபாய் இருந்த உழுத்தம்பருப்பு இப்ப 31 ரூபாய் தான் என்று, என்னதான் சப்பை கட்டு கட்டினாலும், மார்கெட்டில் கிடைக்கும் நல்ல உழுத்தம்பருப்பின்(தனியார்) விலை ரூ61/- (நேற்று தான் வாங்கினேன் அதனால தான் தெரிந்தது). இப்படி ஒப்பீட்டு கதைவிடுவதால் ஒரு பயனும் இல்லை, பத்திரிக்கைக்கு ஒரு அறிக்கை என்ற விதத்தில் வேண்டுமானால் நல்லா இருக்கும்!! எது எப்படியானாலும் பாதிப்பு நமக்கு மட்டும் தான்! அதாவது நடுத்தர மற்றும் கீழ் தட்டு மக்களுக்கு மட்டும் தான் இந்த பிரச்சனைகள்!

உண்மையில் வாட் வந்ததால், மாநில அரசுக்கு வரியில் வருவாய் பெரும் இழப்பு என்ற நிலை இப்ப, அதனால் இப்ப நம்ம பா.சிதம்பரம் ஒரு சூப்பர் சிறப்பான திட்டம் போட்டு மாநிலத்துக்கு வருமானத்தை தரப்போவதாக சொல்கிறார். எப்படின்னு கேட்கறவங்களுக்கு?

வருகிற ஏப்ரல் முதல், மத்திய அரசு 44 வகையான அத்தியாவசிய சேவைகளை சேவை வரி வட்டத்துக்குள் சேர்க்க உள்ளது. அந்த சேவை வரியை முழுமையாக 100 சதவீகிதமும் மாநில அரசுக்கு கொடுக்கப்போறாங்களாம். மாநில அரசுக்கு சம்பாத்தியம் ஓ.கே! அதை கொடுக்கப்போவது யாரு தெரியுமா?? நம்ம தாங்க!!! எப்படின்னு கேட்பவர்களுக்கு சில உதாரணம் கீழே!

அந்த 44 சேவைகளில் மருத்துவர்களின் கட்டண சேவை வரி, மருத்துவ சோதனை சேவை வரி, வழக்குறைஞர்களுக்கு சேவை வரி, கேளிக்கை கூடங்கள் சேவை வரி, கேளிக்கை விடுதிகளுக்கு சேவை வரி, கேளிக்கை பூங்காக்கள் சேவை வரி, சினிமா நட்சதிரங்களுக்கு சேவை வரி என பன்முனை தாக்குதலுக்கு தயார் ஆகிவருகிறது நிதியமைச்சகம்! இவை வரும் ஏப்ரல் 1, 2007 முதல் அமலுக்கு வருகிறது! இதற்கு பா.சி சொல்லும் சில காரணம் இவர்களின் வருமானம் கணக்கு காட்டப்படாமல் இருக்கிறது! இவர்கள் சேவை கட்டணம் கணக்கு வெளிவருதில்லை என பல கதை சொல்லப்படுகிறது!

இனி உங்க மருத்துவரிடம் சென்றால் உங்க மருத்துவர், தன்னுடைய கட்டணம் + 12.24% சேவை வரியையும் உங்க கிட்ட வாங்க போறாங்க!! அதாவது என் குழந்தை நல டாக்டர் ரூ200க்கு பதில் இனி ரூ 225.00 வாங்க போறாரு!!! அதே போல தான் இனி ரத்தப்பரிசோதனை உள்ளிட்ட அனைத்து மருத்துவ பரிசோதனைகளுக்கு 12.24% சேவை வரி விதிக்கப்படும்.

சரி மந்திரி சார், இந்த கொள்ளையடிக்கும் மருத்துவர்கள் வருமான வரி செலுத்தவில்லை என்று சேவை வரி கொண்டுவரும் உங்களுக்கு , அந்த சேவை வரியை மருத்துவரோ, மருத்துவ சோதனை கூடமோ கட்டப் போவதில்லையென்று உங்களுக்கு தெரியாதா? அதை கட்டப்போவது அந்த மருத்துவரிடமோ/பரிசோதனை நிலையத்துக்கு நோய் என்று போகும் ஏழை எளிவரே என்று தெரியாத உங்களுக்கு??

இனி நம்ம ஓய்வு நாட்களை பொழுது போக்க எம்.ஜி.எம், வீ.ஜி.பி , மாயாஜால் போன்ற இடங்களுக்கு போனால் 12.24% சேவை வரி நீங்க தரவேண்டியிருக்கும். அதாவது எம்.ஜி.எம் டிக்கெட் விலை ரூ 300 என்றால் இனி நம்ம தரவேண்டியது ரூ 337.00 மட்டுமே!!!

ஏற்கனவே சத்தமில்லாமல், கேட்டரிங் எனப்படும் விசேஷங்களுக்கு சமையல் சேவை செய்பவர்களுக்கு, சலவை கட்டணத்துக்கு என 33 வகை சேவைகளுக்கு சேவை வரி விதிக்கப்ட்டு நம்மிடம் வசூலிக்கப்பட்டு வருகிறது என்பது குறிப்பிடத்தக்கது!

இப்படி ஏழை மற்றும் நடுத்தர மக்களை கசக்கி பிழிந்து தான் இந்த அரசை நடத்த முடியுமா? ஒவ்வொரு முறையும் பட்ஜெட்டில் ஏழை மற்றும் நடுத்தர மக்களை மட்டும் கசக்கி பிழிந்து, பணக்காரர்களை பாதுகாக்கும் ஒரு அரசு நமக்கு தேவையா? இதுக்கெல்லாஅம் ஒரு விடுவு காலம் வாராதா??? நம்ம நிதியமைச்சரிடம் ஒன்று செய்ய சொல்லலாம் :

இப்படி பல டைப்புல வரியை கண்டுபிடித்து, அதை எங்க அதை தூக்கிப்போட்டு, எதுக்கு கஷ்டப்படறீங்க, நாங்க பேசாமா, உங்ககிட்ட மொத்த சம்பளத்தையும் கொடுத்திடறோம், நீங்களா பார்த்து ஏதாவது பிச்சை போடுங்க எடுத்துட்டு போய் எங்கயாவது பொழச்சுக்கறோம் என்று!!! ஓ.கே சொல்லுவாரா??

மொத்ததில் VAT வந்ததால் என்ன லாபம்? என்ற கேள்விக்கு பதில் அரசுக்கு லாபம் மக்களுக்கு சாபம் என்று தான் என்னால் சொல்லமுடியும்.

பி.கு:
நம்ம நிதி அமைச்சர் பா.சி இன்னும் பல சூப்பர் ப்ளான் வைத்து இருக்காருங்க! சேவை வரியை 25% ஆக்கி, ஐரோப்பிய நாடுகளுக்கு இணையா சேவை வரியை விதிப்பது! அது அடுத்த திட்டம், அனேகமாக அது இந்த நிதியாண்டில் இருக்காது என்பது நமக்கு ஒரு ஆறுதலான விசயம்.

என் நன்பர்கள் சில பேர் 25% சேவை வரி கட்டுபவர்கள்! அவர்கள் ஐரோப்பிய நாடுகள், அமெரிக்கா, கானடா என பல நாடுகளில் வாழ்கிறார்கள், அவர்களுக்கு கிடைக்கும் சில அரசு சலுகைகள் இவை:

குழந்தைகள் கல்வி பள்ளி இறுதியாண்டு வரை அரசு ஏற்றுக்கொள்கிறது!
குறைவான செலவில் மேல் கல்விக்கு உதவி
சீரான சாலைகள், குழிகளில்லா சாலைகள்
சுகாதாரமான வாழ்க்கை சூழல்
இலவச மருத்துவ வசதி
சோஷியல் செக்யூரிடி என்ற பெயரில் வேலையில்லை என்றால் உணவுக்கு காசு!
வயது முதிர்ந்த குடிமக்களுக்கு ஓய்வு ஊதியம்
இன்னும் பல...

இதில் எவை நம் மக்களுக்கு கிடைக்குதுங்க மிஸ்டர் மினிஸ்டர்!

மீள்பதிவு: பாக்கெட் உணவு பொருட்கள் உஷார்!

2007-02-09T11:07:00.000+05:30

சில நாட்களுக்கு முன் பலசரக்கு அங்காடிக்கு வீட்டுக்கு தேவையான பொருட்களை வாங்க போயிருந்தோம், என் மகன் ஒரு பெட்டி Lay's Stax எடுத்துவந்து, அப்பா, இதில் Hydrogenated Trans Fat இருக்கான்னு பார்த்து சொல்லு? Zero Added Hydrogenated Trans Fat இருந்தா நான் வாங்கனும் என்று பெரிய ஆள் மாதிரி ஒரு மேட்டரை கேட்டான்!!! போன மாதம், என் மகனுக்கு காய்ச்சல் இருந்தபோது மருத்தவர் சொன்ன அட்வைஸ் அது!!! நான் மறந்துவிட்டேன், என் மகன் ஞாபகம் வைத்து கேட்டான்!!! ஆச்சர்யமாக இருந்தது!!! இந்த தகவல் உங்களுக்கும், உங்கள் பிள்ளைகளின் ஆரோக்கியத்துக்கும் உபயோகமா இருக்கும் என்று தோன்றியதால் இந்த பதிவு.

Hydrogenated Trans Fat & Partially hydrogenated oils:

Trans Fat இயற்கையாகவே பசுவின் பாலில் 2 - 5% சதவீதம் இருக்கும். ஆனால் Hydrogenated Trans Fat என்பது செயற்கையாக செய்யப்படும் Trans Fat. இது பசு, எறுது, பன்றி, காட்டுஎருமை என பல மிருகங்களின் கொழுப்பிலிருந்தும், சில வகை காய்கறிகளிலிருந்தும் தயாரிக்கப்படுகிறது!!!
இது உடலுக்கு தேவையற்ற ஒரு கொழுப்பு சத்து!!
இந்த கொழுப்பு சத்து உடலில் உள்ள நல்ல கொழுப்பு (High-density lipoproteins (HDL)) சத்தை குறைத்து, கெட்ட கொழுப்பு (Low-density lipoprotein (LDL)) சத்தை இருமடங்காக உயர்த்தி நம் உடல் ஆரோக்கியத்துக்கு ஊறு விளைவிக்கிறது!!!

பல எதிர்வினைகளையும் உண்டாக்கும் கொழுப்பு!!! இது இருதய நோய்(coronary heart disease), Cancer, Diabetes மற்றும் உடல் பருமனை உருவாக்கும் கொழுப்பு. Partially hydrogenated oils என்பது இந்த கொழுப்பிலிருந்து தயாரிக்கபடும் எண்ணை. நாம் உபயோகிக்கும் ஃப்ரென்ச் ஃப்ரைஸ், பாக்கெட்டில் கிடைக்கும் உருலைகிழங்கு சிப்ஸ் வகைகள், பீட்ஸா, சாக்லெட் என் துவங்கி பல வகையான துரித உணவு வகைகள் தயாரிக்க உபயோகிக்கப்படுகிறது!!!

இத்தனை தீங்குள்ளது என்று தெரிந்தும் ஏன் இந்த கம்பெனிகள் உபயோகிக்கிறது இந்த Partially hydrogenated oils/Hydrogenated Trans Fat ?

இந்த எண்ணைகள் பல முறை திரும்ப திரும்ப உபயோகித்தாலும், தயாரித்த உணவில் மணம் மாறாது!
18 மாதம் வரை வேண்டுமானாலும் இதில் தயாரித்த கெட்டுப் போகாமல் வைத்துக்கொள்ள முடியும். சாதாரண எண்ணையில் தயாரித்தது 3 நாட்களுக்கு மேல் தாங்காது!!
இந்த எண்ணையில் தயாரிக்கும் போது கிடைக்கும் சுவையும் ஒரு முக்கிய காரணமே!! நீங்களே கூட நினைத்திருக்கலாம் நம்ம வீட்டுல செய்யற ஃப்ரென்ச் ஃப்ரைஸ் மெக் டொனால்ட், மேரி ப்ரெளன், பீஸா கார்னர்களில் கிடைக்கும் அளவுக்கு சுவை இல்லை என்று!!!

பல முன்னேறிய நாடுகள், அமெரிக்கா, கனடா, ஐரோப்பிய நாடுகள் இந்த Hydrogenated Trans Fat உள்ள உணவுகளை தடை செய்து வருகிறது!! மெக் டோனால்ட், KFC போன்ற பல நிறுவனங்கள் இன்று இதை உபயோகிப்பதால் பல கோடி டாலர்கள் வழக்குகளில் போராடிவருகின்றன!!! சில நிறுவனங்கள் ஏப்ரல் 2007 முதல் இந்த எண்ணைகளை பயன்படுத்த மாட்டோம் என்றும் உத்தரவாதங்களும் தந்திருக்கின்றன, அட இந்தியவில இல்லைங்க, அமெரிக்காவிலே!!! இந்தியாவில் இன்றும் மெக் டோனால்ட், KFC போன்றவை சுதந்திரமாக இந்த எண்ணை உபயோகித்து நம் ஆரோக்கியத்தை அழித்து வருகிறது.

நீங்க செய்யவேண்டியது என்ன?

இனி நீங்கள் வாங்கும் குக்கீஸ், சாக்லேட், சிப்ஸ், ப்ரெச் ஃரைஸ் என எதை வாங்குவாதா இருந்தாலும் அதில் Hydrogenated Trans Fat = Zero (0) , Zero Added Hydrogenated Trans Fat , Zero Hydrogenated Vegitable Oil இவைகளில் ஏதேனும் லேபிலில் குறிப்பிடப்பட்டிருக்கிறதா என்று உறுதி செய்துவிட்டு பொருட்களை வாங்குங்கள்!!!

டாப் 10 Hydrogenated Trans Fat உள்ள உணவுகள் இங்கே சொடுக்கவும்.

உபரி தகவல்:

உங்கள் வீட்டில் பூரி மற்றும் Deep Fry செய்யப்பட்ட மிச்சம் ஆகும் எண்ணையை திரும்ப உபயோகித்தாலும் அந்த உணவு பொருட்களில் இது போன்ற Hydrogenated Trans கொழுப்பு நிறைந்துவிடும். அதனால் ஒரு முறை உபயோகித்த எண்ணையை திரும்ப உபயோகிக்காமல் இருப்பது நல்லது!!! வீட்டு உபயோகத்தில் இந்த கொழுப்பை கட்டுப்படுத்த பல நல்ல தகவல்கள் இங்கே சொடுக்கவும்.

கோலாக்கலும், பூச்சிமருந்தும் அரசியல்வாதிகளும்!

2007-02-07T12:07:00.000+05:30

இதுவரைக்கு இரண்டு அல்லது மூன்று முறை கோக் மற்றும் பெப்சியின் மீது பூச்சி மருந்து படிமம் இருப்பதாக புகார் வந்தது!

முதலில் 2003 ஆகஸ்டில் அறிவியல் மற்றும் சுற்றுப்புறசூழல் மையம், இந்தியாவில் தயாராகும் கோக், பெப்சி போன்ற 12 வகை குளிர்பாணங்களில் பூச்சிமருந்து படிமம் உள்ளதாக அறிக்கை வெளியிட்டு ஒரு கலக்கு கலக்குச்சு! பெப்சியின் குளிர்பாணங்கள் அனுமதிக்கப்பட்ட(0.0005 mg/l) பூச்சிமருந்து அளவுகளைவிட 36 மடங்கு அதிகமாக (0.0180 mg/litre) இருந்தது கண்டுபிடிக்கப்பட்டது! கோக் நிறுவன குளிர்பாணங்களில் சுமார் முப்பது மடங்கு அதிகமாக (0.0150 mg/litre) இருந்தது! அமெரிக்கா மற்றும் ஐரோப்பாவில் வாங்கிய அதே நிறுவனங்களின் குளிர்பாணங்களில் ஒரு மில்லிகிராம் கூட பூச்சிமருந்து படிமம் இல்லை என்ற உபரி தகவலும் அந்த அறிக்கையிலிருந்தது.

உடனே நம்ம அரசியல்வாதிகள் என்னவோ மக்கள் நலம் காப்பவர்கள் போல தினமும் ஒவ்வொறு கட்சியிலிருந்தும் ஒரு ஆள் மினிமம் இந்த நிறுவனங்களை திட்டி அறிக்கை விட்டார்கள்! முக்கியமா நம்ம கம்யூனிஸ்டுகள்! அரசு அதை தடை செய்ய வேண்டும் என்று கூப்பாடுயிட்டார்கள்! அந்த நிறுவனங்கள் முன் தர்னா செய்தார்கள்! அறிக்கை! ஆர்பாட்டம்! என்று தூள் கிளப்பினார்கள். வெறும் முப்பது நாட்களில் அத்தனை சூடும் அடங்கி சைலண்ட் ஆனார்கள் நம்ம அரசியல்வாதிகள். நம்ம அரசும் ஒரு கூட்டு பாராளமன்ற உறுப்பினர் குழு அமைத்து எஸ்கேப் ஆனது! அந்த குழு எதை ஆராய அமைக்கப்பட்டது என்பது தான் வேடிக்கை! அறிவியல் மற்றும் சுற்றுப்புறசூழல் மையத்தின் செயல்பாடுகளை ஆராயத்தான்! கோக் அல்லது பெப்சி நிறுவனத்தின் உற்பத்தி முறையை ஆராய அல்ல!!!! இப்படி அடங்கி போனது ஏன்? அந்த நிறுவனங்கள் தன் தவறை சரி செய்து நற்சான்று வாங்கிவிட்டதா? பூச்சிக்கொல்லியின் அளவு குறைந்ததா? இவர்களின் பாக்கெட் நிறைந்ததா? ஏன்? ஏன்? ஏன்? இந்த கேள்வி கேட்கவும் ஆள் இல்லை! வெகு சிலர் கேட்டார்கள் அதற்கு பதில் தர அரசியல்வாதிகள் காதில் விழவும் இல்லை!!! அதோட 2003 குளிர்பாண பூச்சிக்கொல்லி பிரச்சனை முடிந்தது!

மீண்டும் மூன்று வருடம் பின்னர் ஆகஸ்டு 2006, அறிவியல் மற்றும் சுற்றுப்புறசூழல் மையம் நாடு தழுவிய ஆராய்ச்சி செய்து ஒரு ரிப்போர்ட் கொடுத்தது உடனே நம்ம அரசியவாதிகள், அந்த மையத்தையும் அதன் நிறுவாகிகளை பழித்தனர்! அந்த நிறுவனமும், அதன் சோதனைமுறைகளும் தகுதியற்றவை என்று ஒரு தூள் ரிப்போர்ட்! நம்ம சுகாதார துறை மந்திரியோ ஒரு படி மேலே போய் அந்த குளிர்பானங்கள் குடிக்க தகுதியானவை என்று பாராளமன்றத்தில் அறிக்கை வெளியிடுகிறார். இந்த அறிக்கை கோக் நிறுவனத்தின் செலவில் லன்டனில் ஆராய்ச்சி செய்யப்பட்ட அறிக்கையை ஆதாரமாக வைத்து இந்த நற்சான்று கொடுக்கப்பட்டது! அத்துடன் சில மாநில போட்டிருந்த தடைகளையும் இல்லாமல் செய்தது! இதற்கும் 2003ல் அமைத்த பாராளமன்ற கூட்டுக்குழு இந்த ஆராய்ச்சி மையத்தின் செய்முறையும் அதன் ஆராய்ச்சிகளும் திருப்த்தியளிப்பதாக பாராளமன்றத்தின் அறிக்கை தாக்கல் செய்த பின்னர்! மேலும் மந்திய சுகாதார துறை மந்திரி ஒரு குழு அமைப்பதாகவும், அது கோக் மற்றும் பெப்சி போன்ற குளிர்பானங்களின் தரம் மற்றும் உற்பதி வரைமுறைகளை ரெடி செய்யும் என்று சொன்னார்! அது எப்ப இந்த விதிமுறைகளை தயார் செய்யும்? எத்தனை நாள் ஆராய்ச்சி செய்யும்? அன்று அவர் சொன்னது அது ஒரு வருடமும் ஆகலாம், இரண்டு வருடமும் ஆகலாம்!!! அத்தோடு அரசின் மக்கள் பணி முடிவடைந்துவிட்டது!!! கொடுமைடா சாமீ!!!

அப்புறம் கம்யூனிஸ்டுகள் சில நாடகள் மக்களை திரட்டி கொஞ்சம் போராடற மாதிர் பாவ்லா காட்டினார்கள் அப்புறம் காணாம போயிட்டாங்க அவர்களும்! இப்போ நம்ம மக்களே மறந்து போயி கோக்கும் பெப்சியும் குடிச்சுக்கிட்டுயிருக்காங்க! (நான் 2006 ஆகஸ்டோட இதுகல குடிக்கறதை விட்டு விட்டேன்! இவனுக காசு பார்க்க நான் தான் கிடைத்தேனா என்று!!!)

எனக்கு தெரிய வேண்டியதெல்லாம் இவைதான்:

எதற்காக இந்த அறிவியல் மற்றும் சுற்றுப்புறசூழல் மையம்? மற்றும் அதன் ஆராய்ச்சிகள்?
ஒவ்வொரு முறையும் போராட்டம் சில நாட்கள் இல்லை மேக்ஸிமம் ஒரு மாதத்த்தில் வேற ரூட்டுல போயி காணாமா போகுதே என்ன காரணம்?
உள்ள என்ன தான்யா நடக்குது? ஒரு குளிர் பானநிறுவனத்தின் மேல் உள்ள பாசம், மக்கள் ஓட்டுப்போட்டு மேல அனுப்பட்ட உங்களுக்கு ஏன் மக்கள் மேல் பற்று இல்லாம போச்சு?
எப்படியும் எனக்கு ஓட்டுப்போடறவன் எனக்கு ஓட்டு போடுவான் என்ற ஆதீத நம்பிக்கையா??
ஆனா நிறுவனங்கள் அப்படியல்ல என்ற பயமா? அடுத்த தேர்தலுக்கு செலவுக்கு கை கடிக்க விட்டுவிடுவார்களா??
உண்மையில் இந்த குளிர்பானத்தில் பூச்சிக்கொல்லி இருக்கா? அதுக்கு என்ன வரைமுறை? எப்பதான் இதற்கான கட்டுப்பாடுகளை இந்த அரசு செயல் படுத்தும்!

மருந்து உயிரோடு இருக்கும் போது தேவைப்படுவது! மக்கள் இவைகளை குடித்து காசநோய், புற்றுநோய், மலட்டுத்தன்மை என பல தரப்பட்ட வியாதிகள் பாதித்து அழிவதற்கு முன், இவைகளுக்கு கட்டுப்பாடு போட்டால் உபயோகயிருப்பதாக தோன்றுகிறது! நான் சொல்லும் உபயோகம் நம்ம மக்களுக்குங்கோய்!!!

என் பழைய பதிவான நாடகம்.காம் பதிவை படிச்சீங்க!!

ஸ்டார் தடாலடி போட்டி!

2007-02-06T18:12:00.000+05:30

மகா ஜனங்களே!

Gpost கௌதம்ஜீயின் 'அடுத்த தடாலடி எப்போ?' என விசாரித்துப்பார்தால் ரிஸ்ல்ட் ஒன்றும் இல்லை, சரி நம்மளே ஒன்னு வைப்போம் என்று இறங்கிவிட்டேன்!

இதோ நான் தரும் அடுத்த தடாலடிப் போட்டி!

இந்த புகைப்படத்தில் உள்ளது யாருன்னு சொல்லுங்க பார்ப்போம்!
ஆகவே தோழர்களே..
போட்டிக்கான இறுதி நாள்: 07.02.2007, சனிக்கிழமை
கெடு நேரம்: காலை பத்து மணி (இந்திய நேரப்படி)

நேரம் முடிந்துவிட்டும் உங்களை காக்க வைத்தமைக்கு மன்னியுங்க ப்ளீஸ்!

சரியான பதில் : திருமதி. சோனியா காந்தி

சரியான பதில் சொன்ன அனைவருக்கும் என் இதயத்தில் ஒரு ஏக்கர் இடம்! ஜாலியா குடிவாங்க ;)

என் இன்றைய மற்றொரு பதிவான ஏன் இந்த சாதி வெறி! பதிவை படிச்சீங்க!!

அட ஆமாம் அவங்களை மாதிரியே இருக்காங்கபா!!!

ஏதாவது சொந்தமா இருக்குமோ??!!!

இந்த படத்தில் உள்ளது ரீவ்ஸ் என்று எல்லாரும் சொல்லிட்டாங்க! ஆனா பாருங்க அப்படியே நம்ம திருமதி .சோனியா சின்ன வயசுல இருந்தா மாதிரியே இருக்காங்க! எப்படின்னு ஒரு போட்டி வைக்கலாமா?? ;)

ஏன் இந்த சாதி வெறி!

2007-02-06T10:30:00.000+05:30

அருந்ததியினர் இனத்தை சேர்ந்தவர்கள் என்ற ஒரே காரணத்துக்காக ஐந்து குழந்தைகள் தமிழக அரசு நடத்தும் அங்கன்வாடியில் சேர்க்கமுடியாமல் தவிக்கும் பெற்றோர் பற்றிய செய்தி வந்திருந்தது! இது நடந்தது வேற எங்கயும் இல்லைங்க நம்ம சமூகநலத் துறை அமைச்சர் டாக்டர் பூங்கோதை அவர்களின் தொகுதியான ஆளங்குலத்துக்கு உட்பட்ட தெற்குப்பட்டி கிராமத்தில் தான் இது நடந்திருக்கிறது.

இந்த் இரண்டு முதல் ஐந்து வயதுக்குட்பட்ட இந்த குழந்தைகளை அங்குள்ள அங்கன்வாடியில் (Kindergarten) வகுப்புக்களில் சேர்க்க மறுத்தது வருபவரும் ஒரு தாழ்த்தப்பட்ட சமுதாயத்தை சேர்த்தவர் என்பதை அறியும் போது என்ன சொல்வது என்று தெரியவில்லை. அந்த அங்கன்வாடி ஊழியர் அந்தோணியம்மாள், பள்ளர் என்னும் ஒரு இனத்தை சேர்ந்தவர், இவர்கள் அருந்ததியினரைவிட ஒரு படி உயர்ந்தவராம்! அதனால் அருந்ததியினரை அங்கன்வாடியில் சேர்த்து, அவர்களுக்கு பனிவிடை செய்யமாட்டேன் என்று கூறியிருக்கிறார் அந்த அங்கன்வாடியின் ஊழியர் அந்தோணியம்.

தெற்க்குப்பட்டியில் மேலும் விசாரித்த மும்பய் மிரர்ரின் செய்தியாளருக்கு கிடைத்தது மேலும் அதிர்ச்சியான தகவலகளே!
"கடந்த இருபது ஆண்டுகளில் அந்த அங்கன்வாடியில் அங்குள்ள 40க்கும் மேற்ப்பட்ட அருந்ததியினர் குடும்பங்களிருந்து ஒரு குழந்தை கூட மதிய உணவு மற்றும் பாடசாலையில் சேர்ப்படவில்லை. இதற்க்கு அந்தோனியம்மாள் மட்டும் காரணம் அல்ல, தெற்க்குபட்டி யாதவர், இஸ்லாமிய மற்றும் பள்ளர் இனத்தை சேர்த்தவர்கள் பெருவாரியாக வசிக்கும் கிராமம், அவர்கள் தங்கள் பிள்ளைகளுடன் ஒரு அருந்ததியினர் இன குழந்தை படிப்பதை விரும்பாததும் ஒரு முக்கிய காரணம்" என்று சி.பாப்பா, அருந்ததியினர் பெண்கள் வளர்ச்சி அமைப்பின் தலைவர் வருத்ததுடன் கூறியுள்ளார்.

மேலும் அவர் கூறுகையில் "அங்கு அருந்ததியினர் மக்கள் சந்திக்கும் பிரச்சனைகள் இது ஒன்று மட்டுமல்ல, தபால்காரர்கள் கூட இந்த 40 குடும்பங்களுக்கு வரும் பணம் மற்றும் தபால்களை கொண்டுவந்து தர மறுக்கு கொடுமையும் பல நேரங்களில் நடக்கும், இந்த குழந்தைகளுக்கு படிக்க வைக்க வேண்டுமானால் அங்கிருந்து ஒரு கிலோ மீட்டர் தொலைவில் உள்ள ஒரு இஸ்லாமியர் நடத்தும் பள்ளில் ஐந்து வயது நிரம்பிய பிள்ளைகளை ஒன்றாம் வகுப்பு முதல் சேர்க்கப்படுகிறார்கள், இங்குள்ள சாதி பிரச்சனைகள் அனைத்தையும் அரசு அதிகாரிகள் அறிந்திருந்தும், கண்டு கொள்ளாமல் இருக்கிறார்கள்" என்று வருத்தப்பட்டார்.

அந்த பகுதியின் ஒருங்கிணைந்த குழந்தை வளர்ச்சி திட்ட அதிகாரியான தேவி குமாரி அனுகிய போது அவர் கூறியது "அந்த அங்கன்வாடியில் ஏற்கனவே 40 குழந்தைகள் உள்ளனர், இடமின்மை மற்று வேலை பளூ காரணமாகத்தான் இந்த குழந்தைகளை அந்தோணியம்மாள் சேர்த்துக்கொள்ளவில்லை!!!".

கடந்த ஆண்டு ஆகஸ்டு மாதம் எட்டாம் தேதி இட்ட அரசாணையில் "இரண்டு வயது முதல் ஐந்து வயது வரையுள்ள குழந்தைகள் எக்காரத்தை காட்டியும் அங்கன்வாடியில் சேர்ப்பதை தவிர்க்கக்கூடாது"என்ற தெளிவான அரசாணை இருந்தும், திட்ட அதிகாரி சொல்லும் காரணங்கள் சிறிது ஏற்புடையதாக இல்லை.

உலக வங்கியின் உதவியுடன் நடத்தப்படும் இந்த ஒருங்கிணைந்த குழந்தை வளர்ச்சி திட்டம் முக்கிய குறிக்கோள்:

"ஐந்து வயது வரையுள்ள குழந்தைகளுககு மேம்படுத்தப்பட்ட சத்துணவு, சுகாதாரம் மற்றும் உளவியல்-சமூக நிலைமை உயர்த்துவது"

என்ற கொள்கையுடன் துவங்கப்பட்ட அங்கன்வாடிகளே அக்குழந்தைகளுக்கு உளவியல் மற்றும் சமூக முறையில் பிரச்சனைகளை தருவது கொடுமையான விசயம். அரசு இதில் கவனம் செலுத்தி இது போன்ற சாதி அடிப்படையிலான சமுதாய பிரச்சனைகளை குறைந்தபட்சம் அரசுக்கு கீழ் உள்ள தளங்களிலாவது களைய முயற்சி எடுக்கவேண்டும் என்ற ஆசையுடன் இந்த் பதிவை இங்கு பதிக்கிறேன்.

இந்த சாதி வெறி நம்ம வலைப்பதிவர்களிடமும் இருக்கு! நம்ம டோண்டு சார் என்னமோ முதலியார் என்று திரு .நடேசனை சொன்னால் தான் அவருக்கு மரியாதை என்ற ரேஞ்சில் எழுதி சாதியை நிலை நிறுத்த பாடுபடுவதை பார்த்தால் ஒரு பயம் தான் வருது! ஒருவருக்கு மரியாதை அவர் சாதியால் வருவதில்லை மக்களே, அவர் செய்த மக்கள் தொண்டுகள், நம் சமுதாய வளர்ச்சிக்கு அவர்கள் செய்த நற்காரியங்களை வைத்தே வருது!

இந்த சாதி பாகுபாடு ஒழிக்க படித்த, நம்மை போன்றவர்கள் முயற்சிகள் எடுக்கவேண்டும் என்ற என்னமே இந்த பதிவுக்கு முக்கிய காரணம்.

என் முந்தய பதிவான குழந்தைகள் தின அதிர்ச்சி! பதிவை படிச்சீங்க!!

செய்திக்கு நன்றி : ஜெயராஜ் சிவன், மும்பை மிரர்

என்னை தெரியுமா?

2007-02-05T10:02:00.000+05:30

என்னையும் நட்சத்திரமாக் தேர்ந்தெடுத்து என்னை ஆச்சர்யப்படுத்திய தமிழ்மணத்துக்கு நன்றி சொல்லி முதலில் என்னை பற்றிய சிறு குறிப்புடன் என் பதிவுகளை துவங்குவோம் என்று நினைத்தேன் :)

பெயர்: ஜெயசங்கர் நா
வயது: 34
படிப்பு: பொறியியல் பட்டம்
தொழில்: மென்பொருள் ஏற்றுமதி

ஏன் வலைப்பதிவு:

நான் பொதுவா அரசியல் சார்ந்து எழுதுவதாக எல்லாரும் சொன்னாலும், நான் மக்கள் பிரச்சனை சார்ந்து எழுதுகிறேன்னு என்பதே உண்மை.

அரசியல் சாக்கடை ஆனதால், மக்கள் படும் அவதிகளை சொல்லும் பதிவே என் பதிவுகள், மக்கள் விழிப்புணர்வு பதிவுகள், ஏமாற்றுக்காரர்களை அடையாளம் காட்ட எழுத துவங்கினேன். என்னை தேசிய ஜல்லி அடிப்பவன் என்று பலர் சொல்லறாங்க! ஆமாம் என்று பெருமையா சொல்லிக்கிறேன். ஏன்னென்றால் நான் முதலில் இந்தியன், அப்புறம் தான் மற்றவைகள்...இதை ஜல்லி என்று சொல்பவர்கள் சொல்லட்டும், அது அவர்களின் சுதந்திரம் :)

என் தலைவன்:

நேதாஜி சுபாஷ் சந்திர போஸ். நேதாஜி இல்லாம் இந்தியா சுதந்திரம் பெற்றிருக்க முடியாது என்பதை ஆணித்தரமாக நம்புகிறேன். அவர் சுத்ந்திர போராட்ட தியாகத்துக்கு இணை யாரும் கிடையாது என்று நிச்சயமாக நம்புகிறேன். நேதாஜி தான் என்னை பொருத்தவரை தேசத்தின் தந்தை.

என் ஆதங்கம்:

இந்திய போராட்டத்தின் உண்மை தியாகிகளின் வரலாறு மறைக்கப்பட்டது! நேதாஜி, கப்பலோட்டிய தமிழன், சுப்பிரமனிய சிவா, பகத்சிங், ஆஸாத் போன்றவர்களுக்கு பற்றி இந்திய சுதந்திர போராட்ட வரலாறில் உண்மைகள் எழுதப்படவில்லை என்பது ஆதங்கம்!!

என் நீண்ட நாள் கனவு:

ஏழை எளிய மாணவர்களுக்கு படிப்புக்கு உதவி, வழிக்காட்டுதல், அதரவற்ற ஒவ்வொரு ஏழை இந்தியனுக்கு செய்ய வேலை, உண்ண உணவு, உடுக்க உடை, உறங்க இடம் என்ற் நோக்த்தோடு ஒரு பொது தொண்டு நிறுவனம் தொடங்கி என்னால் இயன்றளவு உதவி செய்வது.

எனக்கு வலையுலகில் பிடித்தது:

நம் கருத்துக்களை சுதந்திரமாக வெளியிட ஒரு அருமையான தளம் என்ற வகையில் ரொம்ப பிடிக்கும். நம் கருத்து மற்றும் பிறர்கருத்தக்களை தெரிந்து கொள்ள, அதை அலசி ஆராய ஒரு ஒரு அரியதொரு தளம், வலையுலக நட்பு, என்று பல..

நான் வலையுலகில் வெறுப்பது:

சாதி, இனம், மதம் என்று சொல்லி வலைப்பதிவர்கள் சண்டையிடுவது.

சமீபத்திய ஆசை:

சாதி, மத, இன, கட்சி என பல காரணம் சொல்லி பிரிந்து கிடக்கும் அனைவரும் இணைந்து மக்களுக்கு நம்மால் ஆன உதவி செய்ய நினைப்பது.

என் வழி:

"I cannot speak anything but the truth. I cannot turn back on my duty, just to please some one. - சர்தார் வல்லப்பாய் பட்டேல் "

என் பெட்ரோல் விலையும்... மானியம் என்னும் மாயையும் பதிவை படிச்சீங்க!!

விஜயகாந்த் - ரெய்டு - நேரடி ரிப்போர்ட்

2007-01-23T14:18:00.000+05:30

விஜயகாந்த் வீட்டில் ரெய்டு என்று இட்லிவடை பதிவை பார்த்துத்தான் தெரிந்து கொண்டேன்,
என் அலுவலகம் விஜயகாந்தின் வீட்டுக்கு அருகாமையில் உள்ளது, உடனே நிலைமை என்னவென்று பார்க்க ஒரு சின்ன விசிட், விஜயகாந்தை பெரிய ஆளாக்கிவிட்டுத்தான் அடங்குவேன் என்று ஏன் ஒற்றை காலில் நிற்கிறார்கள் இந்த ஆளும் கட்சிகள்??!!!

இங்கே ஒரு பதட்ட சூழ்நிலையே காணமுடிகிறது, 2 போலீஸ் வண்டிகளின் கண்ணாடி உடைக்கப்பட்டுவிட்டது!!! தொண்டர்கள் குவிந்துள்ளனர், அதே அளவுக்கு போலீஸும் குவிந்துள்ளது!! புதியதாய் போலீஸில் இணைந்த ஆசென்ட் கார்கள் ஒரு நான்கு, தே.மு.தி.க முக்கிய பிரமுகர்கள் மற்றும் அவர்களின் கார்கள் என்று ஏரியாவே ரங்கநாதன் வீதி அளவுக்கு ஒரு கூட்டம்!!!

டீ கடையில் காசு கொடுக்காமல் டீ, காபி, தம் அடித்து செல்லும் போலீஸார், சண்டையிடும் டீ கடை ஓனர் (அவரை பார்க்க பாவமா இருக்கு!!!), அண்ணா இந்த காய்ச்சிய பால் தீர்ததும் கடைய முடிவிடுவது தான் நல்லது என்று என்னிடம் சொன்னார், கொடுமைடா சாமி!!

எங்கே போகுது நம் சமுதாயம்!!!

வீரத்திருமகன் உதித்த தினம்!!

2007-01-23T09:22:00.000+05:30

"உங்கள் ரத்ததை தாருங்கள் நான் உங்களுக்கு சுதந்திரம் வாங்கித்தருகிறேன்" என்று சொல்லி, இந்திய சுதந்திர போராட்டதை உயிர்பித்தவனின் பிறந்தநாள் இன்று!!

தன்னலமற்ற ஒரு சில தேசத் தலைவர்களில் முன்னவரான நேதாஜியின் பிறந்தநாள் இன்று.

பூரண சுயராஜ்ஜியம் பிரகடணம் செய்து வெள்ளையருக்கு சுந்தந்திர போராட்டத்தின் வன்மையை காட்டியவரின் பிறந்த நாள் இன்று!

தன் சுயநலத்தைவிட தேசமே பெரியது என்று தன் ஐ.ஏ.எஸ்க்கு இணையான ICS பதவியை துட்சமென தூக்கி எறிந்து இந்திய சுதந்திரக்கு தன் உதிரத்தை சிந்தியவரின் பிற்ந்தநாள் இன்று!!!

இந்தியாவின் முதல் சுதந்திர ராணுவப்படையான இந்திய தேசிய ராணுவத்தை உருவாக்கி அதில் ஒரு லட்சம் இந்தியரை படையில் இணைத்து சுதந்திர வெறியை இந்தியருக்கு செலுத்திவரின் பிறந்த நாள் இன்று!

தனித்து ஒரு தலைவனாய் நின்று ஜப்பானின் துணையுடன் அந்தமான் & நிக்கோபார் தீவுகள் மற்றும் மனிப்பூர், நாகாலாந்து பிரிட்டீஷாரிடமிருந்து கைப்பற்றி அந்தமானை தலைநகரமாக கொண்டு, சுதந்திர இந்தியாவை(ஆஸாத் ஹிந்த்) பிரகடணம் டிசம்பர் 30, 1943ஆம் ஆண்டு இந்திய தேசத்தின் சுதந்திர கொடியை ஏற்றியவரின் பிறந்தநாள் இன்று!!!

முதல் சுதந்திர இந்தியாவின் தபால் தலையை ஜெர்மனியிலிருந்து 1943ல் வெளிட்டவரின் பிறந்தநாள் இன்று!!!

இன்னும் எண்ணற்ற சாதனைகளையும், சுதந்திரப் போராட்ட மைல்கல்களை தொட்டவர், அவர் செய்த தியாகங்கள், போராட்டங்கள் இன்று இந்த சுதந்திர இந்தியாவின் வரலாறுலிருந்து மறைந்து விட்டது! இனி அது வருங்காலத்தில் இனியும் கருப்படிக்கப்படலாம், இனி வரும் இந்திய மக்கள் அறியாமலே இருக்கக்கூடும்!!! எனக்கு தெரிந்த சில விடயங்களை இங்கு பகிர்கிறேன்.

இன்று நான் அனுபவிக்கும் இந்த சுதந்திர இந்தியா தோன்ற அவர் பங்கே முக்கியமானது என்று நினைக்கும் வெகுசிலரில் நானும் ஒருவன் என்ற பெருமையுடன், அவர் தியாகத்தையும், போராட்டத்தை நினைவுப்டுத்தி, அவர் பிறந்தநாளில் வாழ்த்துக்களுடன் நினைவு கூறும் ஒரு உண்மை இந்தியன்.

பி.கு:

நன்பர் சத்யா ப்ரியன் நேதாஜி சுபாஷ் சந்திர போஸின் வாழ்க்கை வரலாறை சுருக்கி ஒரு அருமையான பதிவை எழுதியுள்ளார், அனைவரும் மறக்காம அந்த பதிவை இங்கே சொடுக்கி சென்று படிக்கும்படி அன்புடன் கேட்டுக்கொள்கிறேன்.

நன்றி,

நா.ஜெயசங்கர்

பொங்கட்டும் பொங்கல்....

2007-01-13T16:50:00.000+05:30

தமிழர் திருநாளாம் பொங்கல்வாழ்த்துக்களுடன் என் ஆசையையும் சேர்த்துத்தான் சொல்லி வைப்போமே! காசா! பணமா!!

சமயம், சாதி, பிரிவினையில்லா சிறந்த ஒரு பொங்கலாய் இந்த பொங்கல் பொங்கட்டும்!

விவசாயம் பெருகி, விவசாயிகள் பெருவாழ்வு வாழ்ந்து, நம்மையும் வாழவைக்க இந்த பொங்கல் நல் பொங்கலாகட்டும்!

பொங்கல் பொங்குவது போல் நம் மக்களுக்கு நன்மைகளும் பெருகி, நாடும் வளம் பெற இந்த பொங்கல் வழி செய்யட்டும்!

வீரம் வளர்ந்த மண்ணில் உதிரம் கொட்டாமல் வெற்றிகள் கொட்டட்டும் என்ற ஆசையுடன்.

நம் வலயுலக மக்கள் அனைவருக்கும் பொங்கல் திருநாள் வாழ்த்துக்கள் !!!! இங்கே நம்மை சேர்த்து வைத்த தமிழ்மணம், தேன்கூடு தளங்களுக்கு நன்றியும், சிறப்பு பொங்கல் வாழ்த்துக்களும்!!!

இந்தியா அடுத்த மைல்கல்லை தாண்டியது!

2007-01-10T11:20:00.000+05:30

இந்தியவின் ISRO அடுத்த ஒரு சாதனையை செய்து, மேலும் ஒரு மைல் கல்லை இன்று தாண்டியது! இந்திய வானியல் அறிவியல் ஆராய்ச்சி கழகதின் PSLV-C7 பத்தாவது பயனம் வெற்றிகரமாக ஏவப்பட்டது. இந்த வெற்றியை தொடர்ந்து டிஸ்கவரி போன்ற பல முறை உபயோகிக்கப்படும் ஒரு விண்கலம் நம் இந்தியாவிடமும் இருக்கிறது என்ற பெருமையை நமக்கு வாங்கி தந்துள்ளது ISRO.

இந்த முறை மற்றும் ஒரு சிறப்பு அம்சம், நான்கு செயற்கை கோள்களை இது எடுத்து சென்று விண்ணில் தத்தம் பாதையில் பொருத்திவரும் என்பதே சிறப்பு. அமெரிக்கா, ரஷ்யா போன்ற சில நாடுகளுக்கு அடுத்த நிலையை இஸ்ரோ பிடித்துள்ளது!

இது தாங்கி சென்ற நான்கு செயற்கை கோள்கள்:

CARTOSAT-2 - இந்தியாவின் நகர்ப்புற மற்றும் ஊரக உள்கட்டமைப்பு வசதிகள் வளர்ச்சிக்கும், GIS வசதிக்காவும் தயாரிக்கப்பட்டுள்ளது.

SRE-1 - Metallurgical சோதனை மற்றும் Biomimetic சோதனைகளுக்காகவும்.

இந்தோனேஷியாவின் LAPAN-TUBSAT

அர்ஜென்டினாவின் PEHUENSAT-1

என்ற நான்கு செயற்கைகோள்களை தாங்கி சென்று, அனைத்து செயற்கை கோள்களையும் அதனுடைய பாதையில் வெற்றிகரமாக சேர்த்து சாதனை கண்டுள்ளது.

இந்த வெற்றி நம் இந்தியாவை ஆசிய நாடுகளின் விண்வெளி ஆராய்ச்சி மற்றும் ராக்கெட் ஏவுகனை உதவி தளமாக வளர பெரிதும் உதவும் என்றே சொல்லாம்.

ஒரு செயற்கைக்கோளை கொண்டு சென்று விண்ணில் சிதறிய காட்சிகளை பார்த்து தோல்விகளையும் துவண்டு போகாமல் , பல வெற்றி ஒன்றன் பின் ஒன்றாக செய்துவரும் ISRO இப்பொழுது நான்கு செயற்கைக்கோள்களை அசத்தலாக முடித்துக்காட்டிய நம் வின்ஞானிகளை பாராட்டித்தான் ஆகவேண்டும்.

ISROவிற்கு வாழ்த்துக்களுடன், மேலும் பல வெற்றிகளை காண வாழ்த்துக்கள் சொல்வோம் நம் வின்ஞானிகளுக்கு.

கூகுள் சொல்வது உண்மையா?

2007-01-06T17:58:00.000+05:30

இது என்ன கூத்துங்க?? ஏதோ வீடியோ தேடிப்போன இடத்தில இந்த வீடியோ கிடைச்சுது!!! ஆடிப்போயிட்டேன்!!! ஒரு வேளை விளையாட்டுக்கு யாரோ சும்மா போட்டிருப்பங்க என்று நினைத்தேன். சரி போன போவது, காசா? பணமா? கூகுள் தேடலில் போட்டுத்தான் பார்ப்போம்ன்னு போட்ட அட என்ன ஆச்சர்யம் இந்த வீடியோவில் உள்ள மாதிரியே வருதுங்க!! நீங்களும் ட்ரை பண்ணிப்பாருங்க!!!

I'm Feeling Lucky 2006 - video powered by Metacafe

உஷார்!!! உயிர் கொல்லி உணவுகள்

2007-01-04T15:50:00.000+05:30

இந்த எண்ணைகள் பல முறை திரும்ப திரும்ப உபயோகித்தாலும், தயாரித்த உணவில் மணம் மாறாது!
18 மாதம் வரை வேண்டுமானாலும் இதில் தயாரித்த கெட்டுப் போகாமல் வைத்துக்கொள்ள முடியும். சாதாரண எண்ணையில் தயாரித்தது 3 நாட்களுக்கு மேல் தாங்காது!!
இந்த எண்ணையில் தயாரிக்கும் போது கிடைக்கும் சுவையும் ஒரு முக்கிய காரணமே!! நீங்களே கூட நினைத்திருக்கலாம் நம்ம வீட்டுல செய்யற ஃப்ரென்ச் ஃப்ரைஸ் மெக் டொனால்ட், மேரி ப்ரெளன், பீஸா கார்னர்களில் கிடைக்கும் அளவுக்கு சுவை இல்லை என்று!!!

நீங்க செய்யவேண்டியது என்ன?

டாப் 10 Hydrogenated Trans Fat உள்ள உணவுகள் இங்கே சொடுக்கவும்.

உபரி தகவல்:

ஆங்கில புத்தாண்டு வாழ்த்துக்கள்!!!

2006-12-31T16:01:00.000+05:30

அன்பு வலைப்பூ நன்பர்கள் அனைவருக்கும் என் இனிய புத்தாண்டு வாழ்த்துக்கள்!!!

இந்த புத்தாண்டில் புது மனிதனாய் பல வெற்றிகளும், வளங்களும் பெற்று பெருமகிழ்ச்சியோடு வரவேற்க என் வாழ்த்துக்கள்!!!

இந்த புத்தாண்டு இனம், மதம், மொழி என எல்லா தடைகளையும் தாண்டி சிறந்த ஒரு புத்தாண்டாய் வரவேற்ப்போம்!!!

மானுடமும், நல்லிணக்கமும் சிறக்கும் சிறந்த ஒரு புத்தாண்டாய் எதிர்ப்பார்த்து....

வாழ்த்துக்களுடன்,

நா ஜெயசங்கர்

சதாம் ஹுசேனின் இறுதி நிமிடங்கள்! - வீடியோ

2006-12-30T18:12:00.000+05:30

சதாம் ஹுசேனின் இறுதி நிமிடங்கள்! வீடியோவில் பார்க்க மிக கொடுமையாக உள்ளது:

இன்று காலை இந்திய நேரம் 8:30 மணிக்கு சதாம் தூக்கிலிடப்பட்டார். வழக்கமாக தூக்கிலிடப்படுகிறவர்களுக்கு தான் முகம் மறைக்கப்பட்டிருக்கும். இங்கு அது வேறு வகையில். தூக்கில் போட வருபவர்கள் முகமூடியில் வந்தது, சதாமின் மேல் உள்ள பயத்தை காண்பிக்கிறது.

இங்கே பார்க்கவும்

கைபேசியில் பதிவு செய்த வீடியோ பார்க்க(Un Edited)........

நிச்சயம் ஒரு திறமையான எதிராளியை அமெரிக்கா இழந்துவிட்டது!!!

********************************************
We The Peopleலின் ஆங்கில புத்தாண்டு வாழ்த்துக்கள்!!!

சில்லுன்னு ஒரு கலாசாரக் கொலை!

2006-12-21T17:35:00.000+05:30

கடந்த சில நாட்களாலின் சில்லுன்னு ஒரு ஜோடின்னு ஒரு விஜய் டி.வி நிகழ்ச்சியை இரண்டு, மூன்று முறை பார்க்க நேர்ந்தது. அந்த நிகழ்ச்சி நம் சமுதாயத்தை, கலாச்சாரதை எப்படி பாதிக்கும் என்று தெரியாமலா ஒளிபரப்புகிறார்கள்? இல்லை தெரிந்தே ஒழியட்டும் நம் கலாச்சாரம்ன்னு ஒளிபரப்புறாங்களான்னு தெரியலை? அதை பார்த்ததுக்கு அப்புறம் இனி இந்த மாதிரி நிகழ்ச்சியை பார்க்கக்கூடாதுன்னு முடிவு எடுத்துட்டேன்னா பார்த்துக்கோங்க!!!

யாரோ ரெண்டு பேர் சில்லுன்னு ஜோடியாமாம்.. ஹூம்!! என்ன கொடுமைடா சாமி. அந்த ஜோடில பொண்ணுக்கு வயசு 26 அப்புறம் பையனுக்கு வயசு 40. அது ஒரு மேட்டரே கிடையாது. சரி அவர்கள் காதல் விவகாரம் எப்படி ஸ்டார்ட் ஆச்சுன்னு ஒரு விளக்கம் கொடுத்தாரு பாருங்க நம்ம ஹீரோ! அந்த பொண்ணு இவரோட சித்தப்பா விட்டுல தங்கி (Paying Guest) இருந்ததாம், இவர் அவங்க சித்தப்பா ஊருக்கு போறதை சாக்கா வச்சு, அவரை ரெயில்வே ஸ்டேஷனில் விட்டுவிட்டு இந்த புள்ளய சனி கிழமை டான்ஸ் பார்ட்டிக்கு போலாமான்னு கேட்டாராம், அவங்களும் சரின்னு போயிட்டு வந்தாங்களாம். அது கூட விடுங்க.

என்ன கொடுமைடா இது??:

அந்த நிகழ்ச்சியை நடத்துற மமதி சாரி கேட்க்கும் சில கேள்விகள்..

நீங்க குடிப்பீங்களான்னு ஹீரோ கிட்டயும், ஹிரோயின் கிட்டயும் உடனே ரெண்டும் ஆமாம்ன்னு சூப்பரா தலையை ஆட்டுதுங்க.

நீங்க சிகரெட் அடிப்பீங்களான்னு ரெண்டுகிட்டயும் கேட்டா ரெண்டும் ஆமாம்ன்னு சொல்லுதுங்க... ஹீரோயின் பாத்ரூம்ல தான் தம் கேட்பாங்களாம்!!!

அப்புறம் ஒரு சூப்பர் கேள்வி, அவருக்கு கேர்ள் ப்ரெண்ஸ்(கண்டிப்பா அவர்கள் பெண் தோழிகளை சொல்லவில்லை என்று அவர்கள் சிரிப்பு சொல்லிவிட்டது) இருக்காங்களா? உங்களுக்கு தெரியுமா? உடனே ஹீரோயின் எனக்கு தெரியும் அவருக்கு நிறைய இருக்குன்னு, ஆனா நான் கண்டுக்கமாட்டேன் ஏன்னா? எனக்கும் நிறைய பாய் ப்ரெண்ஸ்!!!! இது எப்படி இருக்கு??!!

கல்யாணம் ஆன முதல் ராத்திரி எங்க முதல் கிஸ் குடுத்தீங்க? அப்ப உங்களுக்கு என்ன தோணுச்சு?

இது போன்ற ஒரு வரைமுறை இல்லாமல் கேள்விக்கனைகளும் அலுக்காமல் பதில் சொல்லும் ஜோடிகளும், இது தேவையா?? இது போன்ற செயல்களை முன்வைத்து கேள்விகளும், அதற்கான பதிகளை வாங்கி என்ன பண்ணப்போறாங்க? இந்த மமதியும் அதை பார்க்கும் டி.வி ரசிகர்களும்.

இது போன்ற நிகழ்ச்சிகள் பெரும்பாலும் இளைஞர்களும் இளம் ஜோடிகள் மட்டுமே பார்க்கிறார்கள் என்பதை வைத்து பார்க்கும் போது சில சந்தேகங்கள் தான் வருகின்றன. இது போன்ற நிகழ்ச்சிகள் வேண்டுமென்றே ஒரு மேற்கத்திய கலாசாரங்களை இந்தியாவினுல் அனுப்பி வைக்கும் முயற்சியாகவே தெரிகிறது. நம் இளைஞர்களுக்கு டேட்டிங், ஸ்வப்பிங் தொடர்ந்து இன்னும் சில கலாச்சார சீரழிவுகளை இந்த விஜய் டி.வி மூலமும் இறக்குமதி செய்யப்படுவதாக தான் எனக்கு தோன்றுகிறது.

இதை பார்ப்பவர்களுக்கு இப்படி தோண்றும்:

பார்ட்டிக்கு போய் கும்மியடிப்பது ஒரு நல்ல விசயம்
பெண்களும் ஆண்களும் சிகரெட், சாராயம் (Liquor) எல்லா நல்ல பழக்கமும் வைத்துக்கொள்ளலாம்.
Pub சென்று கும்மாளம் அடிப்பது ஒரு ஸ்டைல்.
Saturday Night பார்ட்டிக்கு சொல்வது ஒரு சிறந்த செயல்.
எத்தனை கேர்ள் ப்ரெண்ஸ்(தோழிகள் அல்ல) வைத்துக் கொள்கிறார்களோ, அத்துனை இமேஜ் பில்டப் ஆகும்.

இவை எல்லாம் அழிந்து வரும் நம் இந்திய கலாசாரத்தை முற்றிலும் அழிப்பதற்கான ஒரு முயற்சியாகவே எண்ணத் தோண்றுகிறது.

ஒழியட்டும் நம் கலாச்சாரம் என்ற நோக்கோடு தான் இது போன்ற நிகழ்ச்சிகள் ஒளிபரப்பபடுகிறது.

இது போன்ற நிகழ்ச்சிகளை விடுத்து சமீபத்தில் வந்த மக்கள் தொலைக்காட்சி போல சிறந்த, கருத்து மிக்க சினிமா படங்கள், மக்கள் சிந்தனையை தூண்டும் கலை/கவிதை பொக்கிஷங்களின் விமர்சனம் மற்றும் அறிமுகம் , வேலை வாய்ப்புக்கு நிகழ்ச்சிகள், ஒவ்வொரு ஊரில் உள்ள மக்கள் பிரச்சனையை எடுத்து, அதை மையமாக கொண்ட நிகழ்ச்சிகள்(*தேவைகள் சேவைகள்), சான்றோர் வீதி, அறிவுக்கு விருந்து - மாணவர் வினாடி வினா, சமுதாயத்தில் பெண் தொழில் செய்ய அறிவுரை என நல்ல நிகழ்ச்சிகளை செய்தால் தானும் வளர்ந்து சமுதாயமும் வளரும் என்ற எண்ணமின்றி அழிவு பாதைக்கு கூட்டிச்செல்கிறது விஜய் டி.வியின் சில்லுன்னு ஒரு காதல் ஜோடியை மக்கள் தன் எதிர்ப்பை தெரிவித்து, இது போன்ற நிகழ்ச்சிளை தயாரிப்பவர்களுக்கு நம் எதிர்ப்பை தெரியப்படுத்தவேண்டியது நம் கடமை.

-----------------------------------------------------------------------

சதாம் ஹுசேனின் இறுதி நிமிடங்கள்! - வீடியோ