ஆங்கில புத்தாண்டு வாழ்த்துக்கள்!!!

அன்பு வலைப்பூ நன்பர்கள் அனைவருக்கும் என் இனிய புத்தாண்டு வாழ்த்துக்கள்!!!


இந்த புத்தாண்டில் புது மனிதனாய் பல வெற்றிகளும், வளங்களும் பெற்று பெருமகிழ்ச்சியோடு வரவேற்க என் வாழ்த்துக்கள்!!!
இந்த புத்தாண்டு இனம், மதம், மொழி என எல்லா தடைகளையும் தாண்டி சிறந்த ஒரு புத்தாண்டாய் வரவேற்ப்போம்!!!
மானுடமும், நல்லிணக்கமும் சிறக்கும் சிறந்த ஒரு புத்தாண்டாய் எதிர்ப்பார்த்து....


வாழ்த்துக்களுடன்,


நா ஜெயசங்கர்

சதாம் ஹுசேனின் இறுதி நிமிடங்கள்! - வீடியோ

சதாம் ஹுசேனின் இறுதி நிமிடங்கள்! வீடியோவில் பார்க்க மிக கொடுமையாக உள்ளது:

இன்று காலை இந்திய நேரம் 8:30 மணிக்கு சதாம் தூக்கிலிடப்பட்டார். வழக்கமாக தூக்கிலிடப்படுகிறவர்களுக்கு தான் முகம் மறைக்கப்பட்டிருக்கும். இங்கு அது வேறு வகையில். தூக்கில் போட வருபவர்கள் முகமூடியில் வந்தது, சதாமின் மேல் உள்ள பயத்தை காண்பிக்கிறது.

இங்கே பார்க்கவும்

கைபேசியில் பதிவு செய்த வீடியோ பார்க்க(Un Edited)........

நிச்சயம் ஒரு திறமையான எதிராளியை அமெரிக்கா இழந்துவிட்டது!!!

********************************************
We The Peopleலின் ஆங்கில புத்தாண்டு வாழ்த்துக்கள்!!!

சில்லுன்னு ஒரு கலாசாரக் கொலை!

கடந்த சில நாட்களாலின் சில்லுன்னு ஒரு ஜோடின்னு ஒரு விஜய் டி.வி நிகழ்ச்சியை இரண்டு, மூன்று முறை பார்க்க நேர்ந்தது. அந்த நிகழ்ச்சி நம் சமுதாயத்தை, கலாச்சாரதை எப்படி பாதிக்கும் என்று தெரியாமலா ஒளிபரப்புகிறார்கள்? இல்லை தெரிந்தே ஒழியட்டும் நம் கலாச்சாரம்ன்னு ஒளிபரப்புறாங்களான்னு தெரியலை? அதை பார்த்ததுக்கு அப்புறம் இனி இந்த மாதிரி நிகழ்ச்சியை பார்க்கக்கூடாதுன்னு முடிவு எடுத்துட்டேன்னா பார்த்துக்கோங்க!!!

யாரோ ரெண்டு பேர் சில்லுன்னு ஜோடியாமாம்.. ஹூம்!! என்ன கொடுமைடா சாமி. அந்த ஜோடில பொண்ணுக்கு வயசு 26 அப்புறம் பையனுக்கு வயசு 40. அது ஒரு மேட்டரே கிடையாது. சரி அவர்கள் காதல் விவகாரம் எப்படி ஸ்டார்ட் ஆச்சுன்னு ஒரு விளக்கம் கொடுத்தாரு பாருங்க நம்ம ஹீரோ! அந்த பொண்ணு இவரோட சித்தப்பா விட்டுல தங்கி (Paying Guest) இருந்ததாம், இவர் அவங்க சித்தப்பா ஊருக்கு போறதை சாக்கா வச்சு, அவரை ரெயில்வே ஸ்டேஷனில் விட்டுவிட்டு இந்த புள்ளய சனி கிழமை டான்ஸ் பார்ட்டிக்கு போலாமான்னு கேட்டாராம், அவங்களும் சரின்னு போயிட்டு வந்தாங்களாம். அது கூட விடுங்க.

என்ன கொடுமைடா இது??:

அந்த நிகழ்ச்சியை நடத்துற மமதி சாரி கேட்க்கும் சில கேள்விகள்..

நீங்க குடிப்பீங்களான்னு ஹீரோ கிட்டயும், ஹிரோயின் கிட்டயும் உடனே ரெண்டும் ஆமாம்ன்னு சூப்பரா தலையை ஆட்டுதுங்க.

நீங்க சிகரெட் அடிப்பீங்களான்னு ரெண்டுகிட்டயும் கேட்டா ரெண்டும் ஆமாம்ன்னு சொல்லுதுங்க... ஹீரோயின் பாத்ரூம்ல தான் தம் கேட்பாங்களாம்!!!

அப்புறம் ஒரு சூப்பர் கேள்வி, அவருக்கு கேர்ள் ப்ரெண்ஸ்(கண்டிப்பா அவர்கள் பெண் தோழிகளை சொல்லவில்லை என்று அவர்கள் சிரிப்பு சொல்லிவிட்டது) இருக்காங்களா? உங்களுக்கு தெரியுமா? உடனே ஹீரோயின் எனக்கு தெரியும் அவருக்கு நிறைய இருக்குன்னு, ஆனா நான் கண்டுக்கமாட்டேன் ஏன்னா? எனக்கும் நிறைய பாய் ப்ரெண்ஸ்!!!! இது எப்படி இருக்கு??!!

கல்யாணம் ஆன முதல் ராத்திரி எங்க முதல் கிஸ் குடுத்தீங்க? அப்ப உங்களுக்கு என்ன தோணுச்சு?

இது போன்ற ஒரு வரைமுறை இல்லாமல் கேள்விக்கனைகளும் அலுக்காமல் பதில் சொல்லும் ஜோடிகளும், இது தேவையா?? இது போன்ற செயல்களை முன்வைத்து கேள்விகளும், அதற்கான பதிகளை வாங்கி என்ன பண்ணப்போறாங்க? இந்த மமதியும் அதை பார்க்கும் டி.வி ரசிகர்களும்.

இது போன்ற நிகழ்ச்சிகள் பெரும்பாலும் இளைஞர்களும் இளம் ஜோடிகள் மட்டுமே பார்க்கிறார்கள் என்பதை வைத்து பார்க்கும் போது சில சந்தேகங்கள் தான் வருகின்றன. இது போன்ற நிகழ்ச்சிகள் வேண்டுமென்றே ஒரு மேற்கத்திய கலாசாரங்களை இந்தியாவினுல் அனுப்பி வைக்கும் முயற்சியாகவே தெரிகிறது. நம் இளைஞர்களுக்கு டேட்டிங், ஸ்வப்பிங் தொடர்ந்து இன்னும் சில கலாச்சார சீரழிவுகளை இந்த விஜய் டி.வி மூலமும் இறக்குமதி செய்யப்படுவதாக தான் எனக்கு தோன்றுகிறது.

இதை பார்ப்பவர்களுக்கு இப்படி தோண்றும்:

  • பார்ட்டிக்கு போய் கும்மியடிப்பது ஒரு நல்ல விசயம்
  • பெண்களும் ஆண்களும் சிகரெட், சாராயம் (Liquor) எல்லா நல்ல பழக்கமும் வைத்துக்கொள்ளலாம்.
  • Pub சென்று கும்மாளம் அடிப்பது ஒரு ஸ்டைல்.
  • Saturday Night பார்ட்டிக்கு சொல்வது ஒரு சிறந்த செயல்.
  • எத்தனை கேர்ள் ப்ரெண்ஸ்(தோழிகள் அல்ல) வைத்துக் கொள்கிறார்களோ, அத்துனை இமேஜ் பில்டப் ஆகும்.
இவை எல்லாம் அழிந்து வரும் நம் இந்திய கலாசாரத்தை முற்றிலும் அழிப்பதற்கான ஒரு முயற்சியாகவே எண்ணத் தோண்றுகிறது.

ஒழியட்டும் நம் கலாச்சாரம் என்ற நோக்கோடு தான் இது போன்ற நிகழ்ச்சிகள் ஒளிபரப்பபடுகிறது.

இது போன்ற நிகழ்ச்சிகளை விடுத்து சமீபத்தில் வந்த மக்கள் தொலைக்காட்சி போல சிறந்த, கருத்து மிக்க சினிமா படங்கள், மக்கள் சிந்தனையை தூண்டும் கலை/கவிதை பொக்கிஷங்களின் விமர்சனம் மற்றும் அறிமுகம் , வேலை வாய்ப்புக்கு நிகழ்ச்சிகள், ஒவ்வொரு ஊரில் உள்ள மக்கள் பிரச்சனையை எடுத்து, அதை மையமாக கொண்ட நிகழ்ச்சிகள்(*தேவைகள் சேவைகள்), சான்றோர் வீதி, அறிவுக்கு விருந்து - மாணவர் வினாடி வினா, சமுதாயத்தில் பெண் தொழில் செய்ய அறிவுரை என நல்ல நிகழ்ச்சிகளை செய்தால் தானும் வளர்ந்து சமுதாயமும் வளரும் என்ற எண்ணமின்றி அழிவு பாதைக்கு கூட்டிச்செல்கிறது விஜய் டி.வியின் சில்லுன்னு ஒரு காதல் ஜோடியை மக்கள் தன் எதிர்ப்பை தெரிவித்து, இது போன்ற நிகழ்ச்சிளை தயாரிப்பவர்களுக்கு நம் எதிர்ப்பை தெரியப்படுத்தவேண்டியது நம் கடமை.

-----------------------------------------------------------------------

சதாம் ஹுசேனின் இறுதி நிமிடங்கள்! - வீடியோ

இந்தியாவின் சிற்பிக்கு இன்று நினைவு நாள்

இந்தியாவின் இரும்பு மனிதன் என்று இந்திய வரலாறு சொல்லும் சர்தார் வல்லப்பாய் பட்டேலின் நினைவு நாள், இன்று!!!

சுமார் 600 சமஸ்தானங்களா இருந்த இந்தியவை, ஒற்றை ஆளாய் நின்று, ஒன்றுபட்ட இந்தியா ஆகிய பெருமை இவரை மட்டுமே சேரும். இந்திய சுதந்திரத்துக்கு முன்பே இவர் துவங்கிய ஒன்றுபட்ட இந்தியா கனவே இன்று நாம் காணும் சுதந்திர இந்தியா!!!

இந்தியாவின் முதல் பிரதம மந்திரி ஆகவேண்டியவரும் இவரே, காந்தியின் வேண்டுகோளுக்கு இனங்கி தனக்கு கிடைக்க வேண்டிய பிரதமர் பதவியை நேருவுக்கு விட்டுக்கொடுத்தார். இந்தியாவின் முதல் துணை பிரதமராக இவர் பணியாற்றினார். இவர் உள்துறை மற்றும் தகவல் தொலைதொடர்பு துறைகளை கவனித்துவந்தார். இவருடைய் முயற்சியாலேயே டாக்டர் அம்பேத்கார் இந்தியாவின் அரசியல் சாசனம் வடிவமைப்பு குழுமத்தின் தலைவராக நியமிக்கப்பட்டார் என்பது குறிப்பிட தகுந்தது.

இவர் டிசம்பர் 15, 1950ல் தனது 75வது வயதில் மாரடைப்பால் காலமானார். இன்றைய இந்தியாவின் சிற்பி என்ற முறையிலும், சுதந்திர இந்தியாவை காண இவர் செய்த தியாகத்தையும் இன்று நினைவு கூறுகிறேன். நான் மதிக்கும் சுதந்திர போராட்ட வீரர்களில் இவரும் ஒருவர். நாளைய இந்தியா இவரை மறக்காமல் இருக்குமா??

பா.க.ச வில் சேர்வது எப்படி?

புதிய வலை கலைஞர்கள் இந்த பா.க.ச என்ன வென்று தெரியாமல் தவிப்பதால். அதை பற்றி சொல்லி, உறுப்பினர் ஆவது எப்படி என்ற விளக்கமும் தர தான் இந்த பதிவு.

முதலில் அறிமுகம்:

பா.க.ச - பாலபாய் என்று அன்போடு அழைக்க்ப்படும் பாலாபாரதியை சின்னதும் பெருசுமாக கலாய்க்க ஆரம்பித்து அது ஒரு பெரிய இயக்கமா மாறி இப்ப அது பாலபாரதியை கலாப்போர் சங்கமாக உருவெடுத்துல்லது. இதில் பல உறுப்பினர்கள் இருந்தாலும் பொன்ஸ், நான், அருள், ப்ரியன், என எல்லா சென்னபட்டிண வாசிகளின் பங்கு தான் இந்த அசுர வளர்ச்சிக்கு காரணம். இன்று இது கோவை, திருநல்வேலி, பங்களூரூ, அமெரிக்கா, ஜப்பான் என உலகெங்கும் பல கிளைகள் உருவாகிவருகிறது.


2007ஆம் ஆண்டு ஜனவரி 10ஆம் தேதி கிடைத்த புது போட்டோ, மேலே உள்ளது, இப்ப எங்க தல
புது அவதாரம் எடுத்து இருக்காரு!! அது தான் யாகவா பாரதி முனிவர் அவதாரம்.

உலகிலேயே இவ்வளவு சுலபமாக ஒரு உறுப்பினர்களை சேர்க்கும் சங்கம் பா.க.ச மட்டுமே. அது தான் இந்த வளர்ச்சிக்கு ஒரு சிறந்த காரணம்.

உறுப்பினர் ஆவது எப்படி? மேலே உள்ள தல பாலாபாய் படத்தை இரண்டு நிமிடம் பார்த்தாலே உங்களுக்கும் இந்த சங்கத்தில் உறுப்பினர் ஆக வேண்டும் என்ற ஆசை வரும். சிம்பிள் தான் ஏதாவது ஒரு பதிவுக்கு போய் பாலாபாய் சின்னதா கலாக்க ஆரம்பித்தாலே நீங்கள் உறுப்பினர் ஆகிவிட்டதாக உங்களுக்கு சர்டிப்பிகேட் பா.க.ச பின்னூட்டமாக அதே பதிவில் வழங்குகிறது. சில நேரம் எங்கள் தல பாலாபாயே வந்து இந்த சர்டிப்பிகேடை தருவதும் உண்டும். பாலாபாயின் ஆசியுடன் சங்கத்தில் சேர அவருடைய நூறுக்கு மேற்ப்பட்ட சிற்ந்த பதிவுகளில் ஏதேனும் ஒன்றை தேர்ந்தெடுத்து கலாய்த்தால் போதுமானது.

இங்கு கூடியிருக்கும் எல்லா வலை வாசிகளைக்கு இந்த Membership Driveக்கு அன்போடு அழைக்கிறது. உங்கள் சந்தேகங்கள் உடனடியாக எங்கள் உறுப்பினர்கள் தீர்த்துவைப்பார்கள் ;)

- பா.க.ச,
தலைமை கழகம், சென்னை.

குழந்தைகள் தின அதிர்ச்சி!

இன்று குழந்தைகள் தினம், குழந்தைகளுக்கான இந்த நாளில், ஒரு அதிர்ச்சி செய்தியுடம் இந்த பதிவையிடுகிறேன். உலகிலேயே, நம் இந்தியாவில் தான் குழந்தை தொழிலாளர்கள் எண்ணிக்கையில் அதிகம்!!! உலகவங்கியின் கணக்குப்படி சுமார் 5 கோடி குழந்தைகள் தொழிலாளர்களாக உள்ளனர்!!! அதாவது சுமார் இந்தியவின் மக்கள் தொகையில் 5%. நம் நாட்டில் மாட்டும் ஏன் இவ்வளவு குழந்தை தொழிலாளர்கள்?

இதில் சிந்திக்கவேண்டியது, இந்தியவில் சுமார் 41 கோடி குழந்தைகள் (18 வயதுக்குட்பட்டவர்கள்) , இதில் ஐந்து வயதுக்கு உட்பட்டவர்கள் 11 கோடி. இந்த கணக்கு படி சுமார் 30 கோடி குழந்தைகள் 5 முதல் 18 வயதுக்குட்பட்டவர்கள். இந்த முப்பது கோடியில் 5 கோடி குழந்தைகள் குழந்தை தொழிலாளர்களாக உள்ளனர், எட்டரை கோடி குழந்தைகள் பள்ளிகூட செல்லாதவர்கள் என்று அறியும் போது அதிர்ச்சியாக உள்ளது. ஏன் இந்த நிலை? இதை தடுக்க என்ன செய்யலாம்? இதுவே இன்றய இந்தியாவின் கேள்வி!!!

நம்முடைய ஜனாதிபதி அப்துல் கலாம் இந்தியா 2020 வின் கதாநாயகர்ளாக/சிற்பியாக கருதும் இந்த மலர்களில் பலர், இன்று நகர்புறத்தில் டீ கடையிலும், ஹோட்டலும், மெக்கானிக்/பஞ்சர் கடைகளிலும் தினக்கூலிக்கு வேலை பார்க்கிறார்கள். இது கிராமப்புறத்தில் விசயம், கிராமங்களில் குழந்தைகள் செங்கல் சூளை, அரிசி ஆலை, தீப்பெட்டி தொழில்சாலைகளில் வாடுகின்றன. இன்றும் பல இடங்களில் கொத்தடிமைகளாக குழந்தைகள் சில ஆயிரங்களுக்கு விற்கப்படும் வழக்கம் உள்ளது. குடும்ப பாரத்தை சுமக்கவே இவர்கள் வேலைக்கு செல்கிறார்கள் என்பது இன்னொரு கொடுமையான விசயம்.

ஏன் இந்த நிலை? இதை மாற்ற என்ன செய்யலாம் என தேடியபோது, வலையில் சில புள்ளிவிவரங்களும், காரணங்களும் புலப்பட்டன.

குழந்தை வேலைக்கு செல்ல சில முக்கிய காரணங்கள்:

  • 70% வறுமை கோட்டுக்கீழ் உள்ள காரணங்கள்
  • 20% கடன் சுமைகளுக்காக கொத்தடிமை ஆக்குதல்
  • பெற்றோருக்கு வேலை நிறந்தரமற்ற தன்மை
  • கட்டாய கல்வி திட்டம் சரிவர அமுலாகப்படாதது

இந்திய நாட்டில் 26 கோடி மக்கள் வருமை கோட்டுக்கு கீழ் உள்ளனர். (வருட சம்பளம் ரூபாய் ஐந்தாயிரத்துக்கு கீழ்) இது ஒரு முக்கிய காரணம்.

ஆக வருமை ஒழிப்பும், 100% துவக்கப்பள்ளி கல்வி செயல்படுத்தாமையுமே இன்றய இந்த நிலைமைக்கு முக்கிய காரணங்கள் தோன்றுகின்றன.

இந்த குழந்தை தொழிலாளர்கள் எங்கு வேலை செய்கிறார்கள் என்று பார்த்தால் விவசாயமும் அதை சார்ந்த தொழிலையே செய்கிறார்கள்.

2005 ஆண்டு தமிழக அரசு உலக வங்கியிடம் வறுமை நீக்கவும் ரூ 700 கோடியை (USD 160 million) கடனாக வாங்கியுள்ளது. இந்த திட்டத்தின் படி 2011 செப்டம்பரில் இந்த தொகை அனைத்தும் வறுமை ஒழிப்புக்கு உபயோகப்படுத்தும் என்று தமிழக அரசு உலகவங்கிக்கு உத்தரவாதம் கொடுத்துள்ளது. இது போன்று மற்ற மாநிலங்களும் கடன் பெற்று வறுமை நீக்க முயற்சிப்பதாக உலக வங்கியின் இனையம் சொல்கிறது. இவையும் இந்த சிறுவர்களின் சுமையை குறைக்க உதவும் என்று நம்புவோம்.

UNICEFவின் இணையத்தில் தேடிய போது கிடைத்த எடுத்துக்காட்டுக்கள்:

1. 1920 -30களில் இலங்கை அரசு கட்டாய துவக்க கல்வி திட்டம் கொண்டுவந்து நல்ல பலன்களை கொண்டுவந்துள்ளது. 1946ல் 58% துவக்க கல்வி கற்றவர்களானர், 1984ல் 86% மக்கள்தொகை துவக்க கல்வி இலக்கை அடைந்தது. அதே காலகட்டத்தில் 1946ல் 13 சதவீகிதமாக இருந்த குழந்தை தொழிலாளர் கணக்கெடுப்பு இப்போது 5.3% மாக குறைந்துள்ளது.

2. நம் அண்டை மாநிலமான கேரளாவில் இன்று 94% மக்கள் துவக்க கல்வி பயின்றவர்களாக இருக்கிறார்கள் இதன் காரணமாக சுமார் 1% அளவுக்கு குழந்தை தொழிலாளர்கள் குறைந்துள்ளனர்.

இந்த UNICEFவின் எடுத்துக்காட்டுகள் வைத்து பார்க்கும் போது, மற்ற மாநிலங்களும் இலங்கை, கேரளாவை போன்ற கட்டாய கல்வி திட்டத்தை கொண்டுவந்து 100% கல்வி இலக்கை அடைந்தால் நிச்சயமாக நம் முதல்-குடிமகன் காணும் கனவை இந்தியா 2020 அடையமுடியும்.

இந்த கொலைக்கு யார் காரணம்?

இன்றய இந்தியா இவருக்கு கொடுத்த பரிசு - பசி (தற்)கொலை. இன்று இந்த செய்தி IBNல பார்த்து, நொந்து போனேன்.

பாட்னா தொடர் வண்டி நிலையத்தில் ஒரு ரெயில் வண்டியில் இவர் பசியின் கொடுமை தாங்க முடியாமல் தூக்கு போட்டு தற்கொலை செய்து கொண்டிருக்கிறார். அவர் எழுதிய இங்கு(பாட்னா ரெயில் நிலையத்தில்) தற்கொலை கடிதத்தில் கடந்த பதிமூன்று நாட்களாக உண்ண உணவின்றி அலைந்து, தண்ணீர் மட்டும் பருகி வாழ்ததாகவும், தன்னை யாரும் பார்க்கவில்லை, யார் என்றும், எங்கிறுந்து வந்தாய் என்று கேட்க ஆள் இல்லை! யாரும் உணவு கேட்டும் தரவில்லை என்று எழுதி இருக்கிறார்.

இவர் யார்? எங்கிருந்து வந்தார்? எனற தகவல் இல்லை. இதை பார்த்த போது, இதை தடுக்க வழியே இல்லையா? இந்தியாவை வல்லரசாக முயற்சிப்பதாக சொல்லும் இந்த அரசியல்வாதிகள், இந்த பசி தற்கொலைகளை ஒழிக்காமல் அங்கு அடைய முடியாது என்று தெரியவில்லையா?? பதிமூன்று நாட்களாய் தனி ஒரு மனிதன் உண்ண உணவின்றி தற்கொலை செய்யும் போது பல்லாயிரம் கோடி வெளிநாட்டு டாலர்கள் சேமித்து வைத்து என்ன செய்ய போகிறார்கள்?? டாலர் சேர்த்து வைத்து, மக்களையும், விவசாயிகளை தற்கொலைக்கு வழிநடத்தி செல்வது தான் வல்லரசின் வேலையா?

அற்றார் அழிபசி தீர்த்தல் அஃதொருவன்
பெற்றான் பொருள்வைப் புழி.

- திருக்குறள்


"The removal of the killing hunger of the poor is the place for one to lay up his wealth. "

இந்த கொலைக்கு யார் காரணம்?!! இந்த பட்டினி சாவுகளுக்கு ஒரு விடிவு காலம் என்று வரும்??

நன்றி: IBN Live

ஒரு இந்தியனின் தீபாவளி வாழ்த்துக்கள்


அனைத்து தமிழ்மணம், தேன்கூடு வாசகர்கள்/பதிவர்கள் மற்றும் அனைவருக்கும் தீபாவளி வாழ்த்துக்கள்!!!! இந்த தீபாவளி உங்கள் இல்லங்களில் வளத்தை பெருக்கட்டும்.
நன்றி!
நா. ஜெயசங்கர்
We The People

லக்கிலுக்கும் - நீதிமன்ற அவமதிப்பும்

நம்ம பகுத்தறிவு ஜீவி லக்கிலுக் இவ்வளவு சூப்பரா திரைகதை அமைப்பார்ன்னு நான் நினைத்துக்கூட பார்க்கவில்லை. சுவனப்பிரியன் என்னும் ம.உ.கண்மணி கொடுத்த ஒரு ஒன் லைன்னை (One Line) கதையை செம அசத்தலா திரைகதை அமைத்து. பாக்கியராஜ், மணிரத்னம் ஆகியவரை விட ஒரு சிறந்த திரைகதையாளனா அசத்தியிருக்காரு. ராம் கோபால் வர்மா ரேஞ்சுக்கு ஒரு சிறந்த திவிரவாத சினிமா எடுக்கலாம்.

அவர் சொல்லாராரு அப்சலை தூக்குல போடுன்னு சொன்னா தேசபக்தி ஜல்லியாம். தூக்குல போடாதன்னு சொன்னா பகுத்தறிவாமா!!!

இது! இவருக்கு தேசபக்தி ஜல்லியா தெரியுது!!

லக்கிலுகின் கண்டுபிடிப்புகள்:

பாராளமன்றம் தாக்க இந்தியாவே சதி செய்தது! அதற்கு அப்சலை அவருக்கே தெரியாம உபயோகிச்சிடாங்களாம். இந்தியா நீதிமன்றங்கள்(Sessions Courts, High Court, Supreme Court வரை) பொய்வழக்குன்னு தெரிஞ்சும் அப்சலுக்கு தூக்கு தண்டனை கொடுத்திருக்காம்! அப்சல் ஒரு பாவம் இந்திய குடிமகனாம்!

கதையின் கரு: அப்சல் குரு நல்லவனா இருந்தா எப்படி இருக்கும் என்று எண்ணியதன் விழைவு.

கதைக்கு Referrence: அப்சலின் மனைவி எழுதியதாக சொல்லப்படும் கடிதம் என்று சுவனப்ரியன் எழுதிய பதிவு (லக்கிலுக் Googleல தேடினேன்னு சும்மா அள்ளிவிடுறாரு!!) விடுங்க விடுங்க இப்பவெல்லாம் விளம்பரத்துக்கு தானே மதிப்பு, உண்மைக்கு அல்லவே!!!

லக்கி லுக்கின் கதையும் - சில அலசல் & கேள்விகள்:

//டெல்லியில் மருத்துவம் படித்தார். 15 ஆண்டுகளுக்கு முன்னால் அரசியல் ஆர்வம் ஏற்பட்டு JKLF (ஜம்மு காஷ்மீர் விடுதலை முன்னணி) இயக்கத்தில் இணைந்தார். தீவிரவாதப் பயிற்சிக்காக பாகிஸ்தானுக்கு சென்றவர் அங்கே 2 மாதம் தங்கியிருந்திருக்கிறார்//

பாகிஸ்தானில் தீவிரவாத பயிற்சி பெறுவது என்பது அரசியல் ஆர்வமா??

//திருந்திய பின்பே அப்சலுக்கு சத்திய சோதனை நேர்ந்தது. காஷ்மீரில் மனம் திருந்திய தீவிரவாதிகளுக்கு அரசு வேலை கிடைக்காது. //

சரனடைந்த தீவிரவாதிகளுக்கு சுமார் ரூ 1.5 லட்சம் Fixed Deposit + ரூ இரண்டாயிரம் பிரதி மாதம் வழங்கப்படுகிறது. ஆதாரம் ட்ரிபூன் இந்தியா. அரசு வேலை மட்டும் தான் வேண்டுமா??!!

//அந்த மிருகத்தின் பணவெறியைத் தணிக்க முடியவில்லை. தன் மனைவியின் நகையை விற்று பணத்தைக் கொடுத்திருக்கிறார். அப்ஸல் புதியதாக வாங்கிய இரு சக்கர வாகனத்தைக் கூட அந்த மிருகம் இரக்கமில்லாமல் பிடுங்கியிருக்கிறது.//

அத்துணையும் அந்த பாதுகாப்பு படை DSP வாங்கிவிட்டால் எப்படி டெல்லி வந்து பொழப்பை நடத்தினார், எப்படி லாப்டாப்(Laptop), கார் வாங்கினார் !!! தாங்க முடியாத பிரச்சனை வரும்போது ஏன் கோர்ட்டுக்கோ அல்லது போலீஸிடமோ ஏன் போய் புகார் செய்யவில்லை!!

//இடம் மாறப்போவதை அறிந்த திராவிந்தர் சிங் அவரை அழைத்து தனக்கு வேண்டிய ஒருவரையும் டெல்லிக்கு உடன் அழைத்துச் செல்லவேண்டும் என மிரட்டியிருக்கிறார். திராவிந்தர் சிங்குக்குக்கு வேண்டிய ஒருவர் தான் முகம்மது. நாடாளுமன்றத் தாக்குதலின் மூளை.//

அப்ப இந்திய அரசே பாராளமன்றத்தை தாக்குவதற்காக முகமதை அனுப்பினார்கள்ன்னு சொல்லறீங்களா?? இல்ல J&K அரசு அனுப்பினாங்கன்னு சொல்லறீங்க?? இல்ல அந்த பாதுகாப்பு படை DSPக்கு தீவிரவாத தொடர்பா??

//இந்த நேரத்தில் அப்ஸலும், காஷ்மீர் அதிரடிப்படை டி.எஸ்.பி. திராவிந்தர் சிங்கும் பலமுறை மொபைல் போனில் பேசியிருக்கிறார்கள் என்பது குறிப்பிடத்தக்கது.//

ஏன் இந்த போனில் பேசிய ஆதரத்தை எடுத்துக்காட்டமுடியுமே. ஏன் அவருடைய வக்கீல் எந்த கோர்டிலும் எடுத்துச்சொல்லவில்லை!!!?? அதிரடியா எழுதினால பாதுகாப்பு படை அதிரடிபடையா மாறாது லக்கிலுக்.

//மனம் விரும்பி அவர் இந்தச் செயலில் ஈடுபட்டதாக எந்த சாட்சியமும் இல்லை. அவர் அழைத்து வந்த முகமது நாடாளுமன்றத் தாக்குதலில் ஈடுபடப்போகிறார் என்று அப்ஸலுக்கு தெரிந்திருக்க வாய்ப்பேயில்லை.//

எதுக்காக தன் பெயரில் பாராளமன்ற தாக்குதலுக்கு உபயோகப்படுத்திய காரை(DL-03 CJ-1527, purchased by Afzal from Lovely Motors in Karol Bagh, Delhi) வாங்கினார், தெரிய வாய்ப்பே இல்லாமலா கரெக்டா தாக்குதல் துவங்கும் போதும், முடிந்தவுடனும் அப்சல் தன்னுடைய மொபைல்(9811489429) முகமதுக்கு(9810693456) போன் செய்தார் ?? தாக்குதலுக்கு முன் அப்சல் முகமதுக்கு ஏன் பல முறை போன் செய்தார், போதாகுறைக்கு சரியாக ஒரு நிமிடத்துக்கு முன் தாக்குதலில் ஈடுப்பட்ட ஒரு தீவிரவாதி அப்சலுக்கு போன் செய்திருக்கிறார், அதே போல் அப்சலும் அந்த தீவிரவாதியை தன் செல்போனிலிருந்து அழைத்திருக்கிறார்!!! சும்மா டைம் பாஸ்க்கு கால் பண்ணியிருப்பரோ??!! நீதி மன்றத்தில் அவர் இதற்கெல்லாம் பதில் (உண்மையை) சொல்லமுடியாததால் தான் அவருக்கு தூக்கு.

//அந்த மொபைல் போனின் சிம்கார்டே (மொபைல் எண் 9811489429) டிசம்பர் 4ல் தான் வாங்கப்பட்டிருக்கிறது. அதற்கான பில்லும் அப்ஸலின் வசம் இருக்கிறது//

அந்த பில் ஏன் கோர்டில் காண்பிக்கவில்லை!!!?? போன் கால் செய்தற்கான ஆதாரம் சம்மந்தப்பட்ட தனியார் செல் நிறுவனம் தந்தது!!! அவர்களும் பொய் சொல்லறாங்களா? உங்க கதைப்படி அப்சலும் அவர் மனைவியும் மட்டும் தான் உண்மையை சொல்லறவங்க!!! காமெடிக்கு ஒரு அளவுக்கு இருக்கட்டும் லக்கிலுக்.

//அந்த பூச்சுற்றலையும் சந்தோஷமாக நீதிமன்றம் ஏற்றுக் கொண்டிருக்கிறது.//

லக்கி, நீதி மன்றம் ஒன்னும் நீங்க சொல்லறாமாதிரி கோமாளிகள் அல்ல! எல்லா ஆதாரங்களும் அலசி ஆராய்ந்து தான் இந்த முடிவை எடுத்தது. நான் சொல்லறது தவறு என்று நினைத்தான் RTI மூலம் ஆதாரம் கேட்டுத்தெரிந்து கொள்ளுங்கள்! மூளை சலவை செய்த தீவிரவாதிமாதிரி பேசாதீங்க லக்கி.

//நீதிமன்றத்தில் அப்ஸலின் சார்பாக வக்கீல்கள் யாரும் ஆஜராகவில்லை. இதுமாதிரி நேரத்தில் நீதிமன்றமே குற்றவாளிக்கு ஒரு வக்கீலை நியமிப்பது வழக்கம். அந்த நடைமுறை அப்ஸலின் வழக்கில் மட்டும் மீறப்பட்டது ஏனோ?//

தவறான வாதம் எல்லா கோர்ட்டிலும் அவருக்கு வாதாட வக்கீல் இருந்தார்கள். அப்சல் தரப்பு சொல்லும் வாதம் ராம் ஜெத் மலானி மாதிரி நல்ல கிரிமினல் ... சாரி கிரிமினல் லாயர் கிடைக்கவில்லை என்பது. கீழ் மட்ட கோர்டில் 8 வக்கீல்களை இவர் வாதாட அழைத்தார் ஆனால் யாரும் வாதாடவரவில்லை (சாட்சிகள் எல்லாம் இவருக்கு எதிரா பலமா இருக்கு என்பதால்!!) ... ஆனாலும் ஒரு வக்கீல் நிச்சயமாய் வாதாடினார் என்பது உண்மை!! பின்னர் உயர் நீதி மன்றத்தில் Colin Gonsalves அப்சலுக்குகாக வாதாடினார், Colin Gonsalves நன்றாக வாதாடியதாக் பாராட்டி ராம் ஜெத் மலானி அவருக்கு கடிதம் எழுதியுள்ளார். உச்ச நீதி மன்றத்தில் காமினி ஜெய்ஸ்வால் என்ற வக்கீல் வாதாடினார்கள். இந்தனை பேர் முயற்சி செய்தும் நீதி மன்றம் அவரை துக்கிலிட வேண்டும் என்று சொல்கிறது என்றால் அதில் உள்ள உண்மையை பாருங்க சார்?!! சும்ம கோமாளித்தனமா பதிவு போடாதீங்க.

இன்னும் காமெடி என்ன வென்றால் உச்ச நீதி மன்றத்தில் வாதாடிய காமினி ஜெய்ஸ்வால் வாதாடி தோற்றப்பின் சொன்னது இது

“We are not against the verdict, we just find the sentence too harsh,”

அப்படின்ன என்ன அவர் செய்தது தவறுதான், ஆனால் தூக்கில் போடாதீங்க!!!

//தன்னுடைய மொபைல் எண்ணுக்கு காஷ்மீர் மாநில போலிஸ் அதிகாரிகள் பேசியிருக்கிறார்கள் என்று நீதிமன்றத்திலும், போலிஸ் விசாரணையிலும் அப்ஸல் கூறியிருக்கிறார். அதுகுறித்து போலிசார் எந்த விசாரணையும் நடத்தாது ஏன்? விரும்பத்தகாத உண்மைகள் ஏதாகினும் வெளிவந்துவிடப் போகிறது என்பதாலா?//

ஆதாரம் இருப்பின் நிரூப்பிக்கப்பட்டுருக்குமே! சும்ம கட்டுக்கதை மச்சி!!! இங்கு கோர்ட் சர்வாதிகளால் நடத்தப்படுவது இல்லை. 5 நீதிபதிகள் அலசி எடுத்து, ஆராய்ந்து குற்றம் நிரூப்பிக்கப்படுகிறது!! ஆதாரங்கள் நிரூப்பிக்க அனனவருக்கு அவகாசம் கொடுக்கப்படுகிறது.

//அப்சலுக்கு மரணதண்டனை வழங்கிய நீதிமன்றம் மக்களின் உணர்வுகளுக்கு மதிப்பளித்து மரணதண்டனை விதிக்கிறோம் என்று தீர்ப்பு எழுதியிருக்கிறது.//

இது 100% தவறான கருத்து.

“Circumstances established beyond reasonable doubt that Afzal was a party to the conspiracy and had played an active part in the various acts done in furtherance of the conspiracy”

இந்தியாவின் Constitutional Infrastructure , அதன் முக்கியத்துவம் கருத்தில் கொண்டே மரண தண்டனை வழங்கப்பட்டது.

//ஒருவேளை நான் மரணமடையவேண்டும் என்று இறைவன் விரும்பினால், இறைவனின் தீர்ப்பை மகிழ்ச்சியோடு ஏற்றுக் கொள்கிறேன்" என்கிறார் அப்ஸல்.//

தியாகி அப்சல் இப்ப மட்டும் இறைவனின் தீர்ப்பை வேண்டாம் என்கிறாரோ?

//அப்ஸல் இஸ்லாமியர் என்பதால் அவரை தூக்கில் போடவேண்டும் என்று இந்துத்துவா அமைப்புகள் போர்க்கொடி உயர்த்தி வருகின்றன. தீவிரவாதத்தை அடக்க இதுதான் சிறந்தவழி என்பது அவர்கள் எண்ணம். தாங்கள் "தேசபக்தி கொண்டவர்கள்" என்று நெற்றியில் எழுதி ஒட்டிக்கொள்வதை மட்டும் செய்யாத சில தேசியவியாதிகளும் இவர்களோடு சேர்ந்து ஜால்ரா அடித்து வருகின்றனர்.//

தீவிரவாதிகளுக்கு ஜல்லி அடிப்பது மட்டும் நல்லதா!!!! ஹிந்துத்வாவாதி எதற்காக கொடிப்புடிக்கிறார்கள் என்றும் தெரியும். J&K முதலமைச்சர் ஓட்டுக்காக தீர்ப்பை எதிர்க்கிறார் என்றும் தெரியும். அது அவர்கள் விருப்பம்.

ஆனால் ஒரு இந்தியன் என்ற முறையில் தூக்கு தண்டனை நிறைவேற்றப்பட வேண்டும் ஏனெனில் இது போன்ற செயல்களால் நாட்டின் இறையாண்மையில் கைவைத்தால் உயிர் மிஞ்சாது என்று தெரிந்து கொண்டால் தீவிரவாத்தின் தீவிரம் அடங்கும். இது உங்களுக்கு ஜால்ரா என்றால் அதை உங்கள் தேசியப்பற்றை அழகாக எடுத்துச் சொல்கிறது.

பொட்டி பழசு:

அப்சலின் மகன்//இடையில் அப்ஸலின் மரணதண்டனைத் தீர்ப்பால் மனரீதியாக பாதிக்கப்பட்டிருக்கும் அவரது ஏழு வயது மகனும் தற்கொலைக்கு முயன்றிருக்கிறான் என்பது ஒரு சோகமான பெட்டிச் செய்தி.//

இது அடுத்த ஜனாதிபதியின் கருனையை பெற ஏவப்பட்ட அஸ்திரமாகத்தான் எனக்கு தெறிகிறது. ஒரு சராசரி ஏழு வயது சிறுவனுக்கு தற்கொலை என்றால் என்ன வென்று தெரிவதே பெரியவிசயம், அப்பறம் தானே தற்கொலை முயற்சி.

பி.கு: இந்தியாவின் நீதிமன்றத்தை கேலிகூத்தாக்க இது போன்ற தீவிரவாத ஆதரவாளர்கள் சூப்பர் ஜல்லி அடிக்கலாம், ஆனால் இந்த அறிவுஜீவிகளுக்கு நான் கேட்கும் ஒரே கேள்வி, அப்சலுக்கு ஆயுள் தண்டனை தந்தால், மீண்டும் ஒரு இந்திய விமான IC814 கடத்தல் + 100 பயனிகள் தலைக்கு பதில் அப்சலின் விடுதலை என கோரிக்கை வாராது என்று உங்களால் அடித்து சொல்லமுடியுமா??

அப்சலுக்கு இன்னும் ஒரு சான்ஸ் கொடுங்க ப்ளீஸ்!

ஓணம்இதை நான் சொல்லவில்லை JKLF என்று அழைக்கப்படும் ஜம்மு காஷ்மீர் விடுதலை முன்ணனியின் தலைவர் சொல்லியிருக்காரு: "Afzal must be given another chance. I sure that he will get complete support from all quarters and will be pardoned."

எதுக்கு இன்னொரு chance இன்னும் வெயிட்டா வெடி வைக்க ஒரு chance கேட்கிறாரோ? அடப்பாவிகளா? அந்த complete support எதுக்கு? இப்படி பப்ளிக்கா பிரஸ் மீட்டிங் போட்டு கேக்கற அளவுக்கு இந்தியாவில சுதந்திரம் இருக்குடா சாமி.

இந்த கேடு கெட்ட திவிரவாதிகளை காப்பாற்ற வரும் மனித உரிமை காப்பாளர் என்ற பெயரில் வரும் ___ களை என்ன சொல்லறது. இந்த அஃப்சல் நாட்டின் தலை நகரில் அதுவும் நம்ம பாராளமன்றத்தில் தாக்குதல் நடத்தி பலரை கொல்ல சதி செய்தவன் என்று நிரூபிக்கப்பட்டுள்ளவனை ஆதரிக்கும் இந்த ம.உ.கா!!! இந்த அப்சலின் உயிரை எவ்வளவு முக்கியமோ அது போல தானே இவன் கொன்ற நம் பாதுகாப்பு படை நன்பர்களின் உயிரும். அப்பொழுது எங்க போனாங்க இந்த மனித உரிமை காப்பாளர்கள்.

இந்தியாவின் இறையாண்மையை தொட்டு விளையாடினால் தூக்கு தான் கெதி என்று நாம் உரக்க சொல்லவேண்டிய நேரத்தில் தீவிரவாதிக்கு ஆதரித்து அவர்களுக்கு முஷரப் கொடுத்த சுதந்திர போராட்ட வீரர்கள் என்ற பட்டத்தை எடுத்துக்கொண்டு இங்கு சப்(ப)போர்ட்டுக்கு வரும் குழலி போன்றவர்கள், தங்கள் வீட்டில் தீவரவாதிகளில் செயல்கள் எட்டும் வரை ஆதரிப்பார்கள். தன் வீட்டில் ஒருவரை இந்த தீவிரவாதி கொண்டிருந்தால் என்ன செய்திருப்பார்? அப்பொழுதும் குழலி, இந்த அப்சலை ஒரு சுதந்திர போராட்ட வீரர் (தியாகி) என்று சொல்வாரா?

ஒன்னு மற்றும் உண்மை இவனை போன்ற தீவிரவாதிகளை பிடித்தால் நம்ம விஜயகுமார் (கமிஷ்னர் தல!!) ஸ்டைலில் பொட்டுத்தள்ளிவிட்டா இந்த மாதிரி போராட்டமும் இருக்காது! அவனை கைது செய்து கோர்ட்டு, அவன் பாதுகாப்பு, அவன் சாப்பாடு என்று அவனுக்கு ஆகும் எல்லா செலவும் மிச்சம்.

மக்கள் கேட்கிறோம் - இவை என்ன ஆச்சு?

நம்ம அரசு போடற ஒவ்வொரு விசாரணை கமிஷன்களும் எங்க போகுது? என்ன ஆகுது என்று எனக்கு ரொம்ப நாள் சந்தேகம். கடந்த இரண்டு ஆண்டுகள் அரசு ஆனையிட்ட பல கமிஷன்கள் புஸ்வானமானதா? அல்ல கமிஷன் வாங்கிட்டு செட்டில் ஆயிடுச்சான்னு ஒரே சந்தேகம்.

அப்படி காணாமல் போன சில விசாரணை கமிஷன்கள்:

"ஆப்ரேஷன் துரியோதனா" விசாரணை கமிஷன்:

பாராளமன்றத்தில் கேள்விகள் கேட்க சுமார் 11 MPகள் பணம் பெற்றுக்கொள்ள அதை ஒரு தனியார் தொலைகாட்சி நிறுவனம் அதை வீடியோவில் பதிவு செய்து மக்களுக்கு காட்டியது. அரசும், பாராளமன்றமும் உடனடியாக என்ன என்னவோ வித்தை காட்டி அதை மழுப்பி, அதற்கு ஒர் விசாரணை கமிஷன் போட்டாங்க. மாட்டிக்கொண்டவர்கள் காங்கிரஸ், பி.ஜே.பி, ஆர்.ஜே.டி என எல்லா கட்சியிலும் சமபங்கு இருந்தமையால் பெரிய எதிர்ப்பு இல்லாமல் விசாரணை கமிஷன் காணாமல் போனது. யாராவது தெரிந்தால் சொல்லுங்க ப்ளீஸ்.

"ஆப்ரேஷன் சக்ரவியூக்" விசாரணை கமிஷன்:

Member of Parliament’s Local Area Development Scheme (MPLADS) எனபடும் தொகுதி மேன்பாட்டு நிதியை சுமார் முப்பது சதவீதம் MPக்களுக்கு தந்தால் தங்கள் தொகுதி மேன்பாட்டு நிதியை தாரை வார்க்க ரெடியா உள்ள MPகளை கோடி(யி)ட்டு காட்டியது மற்றொரு தனியார் பத்திரிக்கை. அதிலும் பாரபட்சமின்றி அனைத்து கட்சி MPகளும் அசத்தியிருந்தார்கள். அரசும், பாராளமன்றமும் இதற்கும் ஒரு விசாரணை கமிஷன் போட்டது. அதுவும் எங்க போச்சுன்னு தெரியல!!!??

"ஆப்பு-ரேஷன் அரசு"

இதற்கு அடுத்த படி அரசு எடுத்த நடவடிக்கை தான் மிக பெரிய காமெடியா இருந்தது. MP, MLA, மந்திரிகளை பார்க்க வரும் பார்வையாளர்கள் யாரும் காமிரா கொண்டுவரகூடாது என்று ஒரு சூப்பர் சட்டம் போட்டது. இது எப்படி இருக்கு??. அப்ப நம்ம அரசாங்கம் என்ன சொல்லுது, மந்திரி, MP, MLA எல்லாம் காசு கண்டிப்பா வாங்குவாங்க அதை யாரும் படம் பிடிக்கக்கூடாது!

இதற்கு சளைத்தவர்கள் அல்ல கட்சிகள்: காங்கிரஸ், பி.ஜே.பி போன்றவை தங்கள் MP, MLAகளுக்கு ஒரு எச்சரிக்கை விட்டார்கள். "யாரும் காசு வாங்க கூடாது"ன்னு இல்லைங்க, " உங்களை பார்க்க வருபவர்களிடம் எச்சரிக்கையா காமிரா இருக்கான்னு பார்த்துவிட்டு உங்களை பார்க்க அனுமதிக்கவும்." இது தான் டக்கர் எச்சரிக்கை. இது இப்படியானால் விசாரணை கமிஷன் முடிவு எப்படி இருக்கும் என்று நன்றாக புலப்படும்.

இன்னும் பல விசாரணை கமிஷன்கள் வந்தன அவையும் காணாமல் போனது. எனக்கும் மறந்தே போச்சு. ஆங்! லேட்டஸ்டா ஒரு விசாரணை கமிஷன், அதை மறக்கமுடியுமா?

வோல்கர் வெடி - நீதிபதி பாதக் கமிட்டி விசாரணை கமிஷன்:

இது பிரபல வோல்கர் கமிட்டி ரிப்போர்டை மையமாக வைத்து நட்வர்சிங்கிற்கு காங்கிரஸ் உள்குத்து வைத்த கதை!! இதில் $1,46,000 அதாவது சுமார் எழுபது லட்சம் ரூபாய் அளவுக்கு பணம் நட்வர் சிங்கிற்கு கமினாக கிடைத்த கதை! நட்வர் ஒரே ஒரு அறிக்கை விட்டார் நான் என்றும் சோனியாவுக்கு விஷ்வாசமானவன் என்றும், தான் இன்னும் காங்கிரஸில் உள்ளதாகவும், அந்த அறிக்கைக்கு அப்பறம் அந்த விசாரணை கமிஷன் சத்தமும் இல்லை!!!

இப்படி மக்கள் பணம் அரசியல் வாதிகளால் கொள்ளை அடிப்பது ஒருபுறம் இருக்க, அதை விசாரிக்கிறேன் பேர்வழி என்று அதற்கு ஒரு கமிஷன் போட்டு அதற்கும் செலவு செய்து, மக்களை ஏமாற்றும் இந்த கேடு கெட்ட அரசியல் என்று மாறும்.

பி.கு: ஏங்க நம்ம சிறுதாவூர் பங்களாவுக்கு உரிமையாளர் யார் என்று கண்டுபிடிக்க நீதிபதி கே.பி.சிவசுப்ரமணியன் தலைமையில் சூலை 27, 2006 , ஒரு 10 நாள் விசாரணை கமிஷன் அமைத்தாரே நம்ம முதல்வர்!!! அது என்னங்க ஆச்சு?

எல்லாவரும் ஒன்னு உள்ள ஒன்னு! நம்ம மக்கள் மட்டும் தான் எப்பவும் முட்டாள் ஆக்கப்படறாங்க!!!

ஓணம் ஒரு தேசிய பண்டிகை ஆக்கலாம்...

ஓணம்மத நல்லிணக்கத்துக்கு ஒரு எடுத்துக்காட்டாக சாதி, மத, இன பேதமின்றி இன்று ஓணம் பண்டிகை வெகு விமர்சியாக கேரளாவில் கொண்டாட படுகிறது. கேரளாவில் பிறந்த ஒவ்வெறு மலையாளிக்கும் கடந்த பத்து நாட்களாக அத்தபூ கோலமுடன் தூள் கிளப்பறாங்க.

ஓணம் ஒரு பார்வை: இது ஒரு அறுவடை பண்டிகை என்ற போதும் பொதுவாக இது தங்களை வருடத்துக்கு ஓணம்ஒரு முறை காணவரும் புராண இதிகாச ராக்ஷ்ச ராஜாவான மஹாபலியை வரவேற்க்கவே இந்த பத்து நாள் விசேஷம். ஊரெங்கும் பூக்கள் கோலமாக பரவிகிடக்கும், புலி வேசம் போட்டு நடனம், வெள்ளம்களி (boat Race), யானை ஊர்வலம் என ஒரு வசந்தகாலத்து எபெக்ட் கொடுக்கும் பண்டிகை இது. ஓண பண்டிகையில் எனக்கு பிடித்த விசயம் முஸ்லிம், கிருத்துவர்கள், ஹிந்து என எந்த மத பாகுபாடு இல்லாமல் இந்த பண்டிகை கொண்டாடப்படுகிறது என்பதே!!! என்னை ஆச்சர்ய படுத்தும் பண்டிகையும் இது.

மஹாபலிஏன் ஓணம்?

ராக்ஷ்ச ராஜாவான மஹாபலி ஊழல், திருட்டு, பசி, பட்டினிசாவு என எந்த ஒரு கஷ்டங்களும் இல்லாமல் கேரளாவை ஆண்டுவந்த ராஜா, அவரை சோதனை செய்ய வாமன அவதாரம் எடுத்து வந்த விஷ்னு மூன்று அடி மண் கேட்க, கொடை வள்ளலான மஹாபலி சரியென்று சொல்ல, விஷ்வரூபம் எடுத்த வாமனன் ஒரு அடிக்கு உலகத்தையும், இரண்டாம் அடிக்கு வானத்தை எடுத்துக்கொள்ள மூன்றாம் அடிக்கு தன் தலையை தந்து தான் தன் மக்களுக்காக தன் உயிரையும் கொடுக்க தயாரான மஹாபலிக்கு விஷ்ணு ஒரு வரம் தயாராகிறார், அதற்கு ராஜா வருடத்துக்கு ஒரு முறை தன் மக்களுடம் 10 நாட்கள் வாழவேண்டும் என்று கேட்க, வரம் பெற்ற ராஜா வருடத்துக்கு ஒரு முறை அறுவடை முடிந்த மக்கள் சந்தோஷமாக உள்ள காலத்தில் 10 நாட்கள் கேரளாவுக்கு வந்து செல்வதாக புராணம். அந்த பத்து நாட்களை கேரளமக்கள் ராஜாவை வரவேற்று கொண்டாடுவதே இந்த பூக்கோலமும் ஓணமும்.

தேசிய பண்டிகை ஆக்கலாம்??!!

ஓணம்இன்று இந்தியர்கள் Divide and Rule Policyயால் பல இன, மத, சாதி அடிப்படையில் பிரிந்து இன்றும் (சுதந்திரத்துக்கு பிறகும்) அந்த தாக்கத்திலிருந்து வெளிவராமல், வெள்ளையன் வெளியேறினாலும் அவன் வழிபின்பற்றி வந்தவர்களால் இன்றும் பிரிந்துவாழ்கிறோம். இது போன்ற ஒரு பண்டிகையை தேசிய பண்டிகையாக்கினால் இன, மத, சாதி பிரிவினைகள் வரும்காலத்தில் குறைய வாய்ப்புள்ளது.

அனைத்து கேரள மக்களுக்கும், என் நன்பர்களுக்கும், உற்றார் உறவினர்களுக்கும் என் உள்ளம் கனிந்த ஓணம் வாழ்த்துக்கள். திருவோண ஆஷம்ஸகள்!!!

வலைப்பதிவர் சுற்றுலா - 7

ரிலே பதிவின் முந்தய பதிவுகள்:

பாகம் 1: வீரமணி
பாகம் 2: பிரியன்
பாகம் 3: பால பாரதி
பாகம் 4: மா.சிவக்குமார்
பாகம் 5: சிங்.ஜெயக்குமார்
பாகம் 6: அருள் குமார்

வானம் மழைகான ஆயத்த பணிகளை செய்து கொண்டிருக்க கடற்கரை கோவிலை சென்று அடைந்தோம். ஒரு வழியா சுற்றுலாவின் கடைசி கட்டத்தை அடைந்தோம். Parkingயில் பார்க் செய்துவிட்டு பார்த்தால் பாலாபாரதி & மா.சிவகுமார் கோஷ்டியை காணவில்லை. அவர்கள் 10 நிமிடம் தமதமாக வந்தடைந்தனர். ஒருவழியா அனைவரும் வந்து சேர உள்ளே செல்ல தயாராக, அருள் நுழைவு டிக்கெட் எடுக்க முயற்சி செய்ய, அப்ப சிவகுமாரும், நானும் 5 ரதம் பார்க்க எடுத்த நுழைவாயில் சீட்டு இந்த கடற்கரை கோவிலையும் பார்க்க உபயோகபடுத்தலாம் என்ற மேட்டரை அருளுக்கு சொல்ல, அவரும் டிக்கெடை பார்த்துவிட்டு கரெக்ட் என்று சொல்லிவிட்டு உள்ளே செல்ல போகும் வழியில் குப்புசாமி, கவிஞர் பாலபாரதியிடம் சுற்றுலா பற்றி ஒரு விவாதம் நடக்க... சுற்று என்றாலும் உலா என்றாலும் ஒரே அர்த்தம் தானே ஏன் அதை சுற்றுலா என்று சொல்லனும் என்று சர்ச்சை கெலப்பினாரு குப்ஸ். பாலா ஏதோ சப்பை கட்டு கட்டிகிட்டு இருந்தாரு... நாங்க உள்ளே சென்று பார்த்தால் திரும்பவும் பாலா & Co வை காணேம் என்னடான்னு பார்த்தா... பல்லவர்கள் மற்றும் கடற்கரை கோவிலின் வரலாறு பற்றிய நுழைவாயில் உள்ள கல்வெட்டுகளை படிச்சுகிட்டு இருக்கறாங்க... (பண்டைய காலத்தில் வெச்சது மட்டும் தான் கல்வெட்டா?!! இப்ப நம்ம அரசு கல்லில் வரலாறு எழுதி வெச்சிருக்கறதும் கல்வெட்டுதானே!!?? ஹீ! ஹீ!! ) ... உங்களோட வரலாற்று ஆராய்ச்சிக்கு அள்வே இல்லயா என்று ரவுண்டு கட்டிணேம்...

அழகான புல்வெளிக்கிடையே அந்த கடற்கரை கோவில் ரம்மியமாய் காட்சி அளித்தது. அருளுக்கு திடீர் ஐடியா, எல்லவரையும் கோவிலை நோக்கி அமர செய்து பின் நின்று ஒரு சூப்பர் படம் எடுத்தாரு. அருளோட கலை ஆர்வத்துக்கு ஒரு அளவேல்லைங்கோ...

இந்த சுற்றுலாவை பற்றி ஒரு பதிவு போடவேண்டும் என்று முடிவு செய்ய ஐயா தான் அதை ஒரு Relay பதிவா போடுவோம் என்று ஐடியா கொடுத்தேன்.. ஹி! ஹி!! இந்த மாதிரி வெட்டி ஐடியாவுக்கெல்லாம் சூப்பரா என் மூளை செய்யும் பாருங்க. யார் யார் எந்த பகுதியை எழுதுவது என்று அங்கு அமர்ந்தபடியே முடிவு செய்துவிட்டு கோவிலுக்கு உள் சென்று பார்க்காமல் கிளம்பிட்டோம். மழைக்கு முன் சென்னையை அடையவேண்டும் என்ற ஆர்வம் பொங்கி வெளியேறும் போது ஒரு வீசில் சத்தம் என்னடான்னு பார்த்தா கடற்கரை கோவில் பார்வை நேரம் 6 மணி வரைதான் போல அங்கு இருக்கும் காவலர்கள் பிகில் கொடுக்கறாங்க அப்பூ...

ஷப்ப்ப்ப்ப்ப்பா எஸ்கேப் ஆங்குங்க தல என்று.... மழைக்குமும் சென்னை அடைவோம் என்று வண்டியை எடுத்துகிட்டு புறபட.... திரும்பும் போது எங்களுக்கு காத்திருக்கும் பிரச்சனைகள் தெரியாமல்...

அந்த மேட்டரையெல்லாம் நம்ம குப்ஸ் சொல்லுவருங்க... அங்கே பாருங்கோ....

நாளை சோனியா Chairman of NAC??!!

இதனால் சகலருக்கு அறிவிப்பது என்ன வென்றால் நம் ரப்பர் ஸ்டாம்ப், ஸாரி பிரதமர் ஜனாதிபதியை சந்தித்து பிச்சை கேட்டு இரட்டை பதவி மசோதாவுக்கு கையெழுத்து வாங்கிட்டு வந்திட்டாருபா!!! நான் என்னமோ நாட்டு பிரச்சனைக்காக ஜனாதிபதியை சந்தித்து இருப்பரோன்னு தப்பா நெனச்சுட்டேன். பாவம் தல கொடச்சல் தாங்க முடியாம கையெழுத்து போட்டுட்டாரு போல...

So, மிக விரைவில் சோனியா தேசிய பாதுகாப்பு குழுவின் தலைவராக பதிவியை ஏற்கபோகிறார் என்று மட்டும் நன்றாக புரியுது.

எங்க ஊருல ஒரு பழமொழி சொல்லுவாங்க அது தான் எனக்கு நினைவுக்கு வருது.

"சொந்தம் காரியம் ஜிந்தாபாத்"

MPகளிடம் சுதந்திரதின Quiz

நேற்று இரவு தற்செயலா NDTV காண்டபோது. நம்ம MPகளிடம் சுதந்திரதின Quiz கேள்விகளை கேட்டு கொண்டிருந்தார்கள். மொத்தம் ஒரு 5 கேள்விகள் தான்.

1. தேசிய கீதம் (National Anthem) யார் எழுதியது?
2. தேசிய பாடல் (National Song) யார் எழுதியது?
3. நம் தேசிய கொடியில் மேலே உள்ள நிறம் என்ன?
4. தேசிய கொடியின் நடுவில் உள்ள சக்கரம் எங்கிருந்து எடுத்தது?
5. காந்தியின் முழு பெயர் என்ன?

அதில் கொடுமை என்ன வென்றால் ஒரு 10 - 15 MPக்களிடம் கேள்வி கேட்கப்பட்டது, ஒரு MP கூட சரியான பதில் சொல்லவில்லை. அந்த லிஸ்டில் நம் மூத்த பாராளமன்ற உறுப்பினர் நஜ்மா ஹெப்துல்லாவும் அடங்கும்.

1. தேசிய கீதம் (National Anthem) யார் எழுதியது? இந்த கேள்விக்கு கிடைத்த பதில்களில் சில:

பதில்கள்: தெரியாது, எந்த தேசிய கீதத்தை கேக்கறீங்க (என்னமோ சொன்ன பதில் சொல்லிடுவாரு போல), அதெல்லாம் எனக்கு தேவை இல்லை, எனக்கு ஜன் கன மன தெரியும் அவ்ளோதான், ஒருதர் மட்டும் ரொம்ப ட்ரை பண்ணி பாதி பேரு கண்டுபிடிச்சாரு ரபிந்தரூ.... என்று ஒரே இழுப்பு... சூப்பரோ சூப்பர் ....

2. தேசிய பாடல் (National Song) யார் எழுதியது? இந்த கேள்விக்கு கிட்ட தட்ட ஒரே மாதிரி பதில்கள் தான்.

பதில்கள்: தெரியாது, எந்த தேசிய பாடலை கேக்கறீங்க, அதெல்லாம் எனக்கு தேவை இல்லை, பலர் சேர்ந்து எழுதியது, நஜ்மா ஹெப்துல்லா ரொம்ப ட்ரை பண்ணி பெயரோட முதல் சில எழுத்துக்களை கண்டுபிடிச்சாங்க பக்கிம், பக்கிம்ன்னு சோல்லிட்டு .... ஒரே ஓட்டம் டைம் இல்லை என்று... மீட்டிங்க்கு நேரம் ஆச்சு என்று... ஐயோ பாவம். படிக்க டைம் குடுங்கப்பா...


3. நம் தேசிய கொடியில் மேலே உள்ள நிறம் என்ன?

பதில்கள்: பச்சை, தெரியாது, மறந்துவிட்டேன், என்கிட்டயே கேள்வி கேக்கறயா?, இப்படி எல்லாரும் எஸ்கேப் ஆக முயற்சி செஞ்சாங்க. NDTV காரங்க தொரத்தி தொரத்தி ரவுண்ட் கட்டனாங்க.

4. தேசிய கொடியின் நடுவில் உள்ள சக்கரம் எங்கிருந்து எடுத்தது?

பதில்கள்: எல்லா Stateகளில் இருந்து, நீல நிற சக்கரம், தெரியாது, இப்படி சூப்பர் பதில்கள்.

5. காந்தியின் முழு பெயர் என்ன?

இதுக்கு தாங்க நம்ம MPகள் ரொம்ப டென்ஸன் ஆயிட்டாங்க.

பதில்கள்: நாங்க பாப்பு(Bapu) தான் கூப்பிடுவோம், தெரியாது, மாகாத்மா, ஒருதர் பதி கண்டு பிடிச்சாரு கரம்சந்த் காந்தி ஒரளவுக்கு சொன்னாரு ...

ஏங்க உங்களுக்கு யாருக்காவது எல்ல பதிலும் தெரிஞ்சா சொல்லுங்க தல...

இப்படி தான் இருக்க வேண்டும் நம் MPக்கள்.

வாழ்க இந்தியா!! வளர்க இந்தியா!!! அனைவருக்கும் சுதந்திர தின வாழ்த்துக்கள்!!!

ஜெய் ஹிந்த்!!!

உறவுகள் பகைகளே!!! - தேன்கூடு போட்டி

கோவையில் எங்கள் வீட்டு முதல் மாடியில் புதியதாக குடி வந்தார் பாலாஜி, இவர்தான் குடும்ப தலைவர். ஒரு தனியார் நிறுவனத்தில் மேனேஜர். அவர், மனைவி வனஜா மற்றும் பாலாஜியின் பத்து வயது மகள் பூவிதா என சின்ன குடும்பம் தான்.

அன்று ஞாயிறு காலை 8 மணி வழக்கம் போல் என்.டி.டி.வி யில் செய்தியை பார்த்துக்கொண்டிருந்தேன், முதல் மாடியில் வீட்டிலிருந்து பலர் புதிதாய் வந்திருந்தனர், பெரிய தகராறு நடத்து கொண்டிருந்தது, ஒரே கூச்சலும் குழப்பம். எதோ விவகாரம் என்று மட்டும் தெரிந்தது. அவர்கள் குடிவந்து 6 மாதம் இருக்கும் இதுவரை அவர்களின் சப்தம் கூட வெளியே கேட்டதில்லை, இன்று என்னவாயிற்று என்று எனக்குள் ஒரு ஆவல். மெல்ல அவர்களின் வீட்டிலிருந்து வரும் போச்சுக்களை கேட்க துவங்கினேன். நான் செய்வது தவறு என்று தெரிந்தும் ஏனோ அதை கேட்க தூண்டியது என் உள் மனசு. யாரையோ இங்கு கொண்டு வந்திருக்கிறார்கள், அவரை யார் பார்த்துக்கொள்வது என்பது தான் பிரச்சனை என்று மட்டும் புரிந்தது. ஒரு 2 மணி நேர கூச்சலுக்கு பின் சப்தம் அடங்கியது. என்னவானாலும் நமக்கு நியூஸ் வரும் என்று தேத்திக்கிட்டேன்.

மதியம் நண்பன் மணி வீட்டுக்கு புறப்பட்டு வெளியே வந்தேன், எதிரில் வந்த பாலாஜி, "சார் எப்படி சார் இருக்கீங்க! பார்க்கவே முடியல?" என்று என்னிடம் கேட்டார், "என்ன சார் பண்ணறது பிஸினஸ் என்றாலே அப்படித்தான் எதுக்கும் நேரம் கிடைப்பது இல்லை" என்று என் வழக்கமான பதிலை சொல்லிவிட்டு, பாலாஜிக்கு அருகில் இருந்தவரை பார்க்க உடனே, இவர் என் தம்பி சிதம்பரத்தில் இருக்காரு, எங்க அப்பவை இங்க கொண்டுவந்து விட வந்திருக்காரு என்று எனக்கு ஒரு தகவலை மெதுவா எடுத்து கொடுத்தார்! அப்ப இது தான் பிரச்சனைக்கு காரணம் போல என்று நானாக யூகித்துக் கொண்டே மணியின் வீட்டுக்கு பைக் அமர்ந்தபோது தான் ஒரு 80 வயது மதிக்க தக்க வயதானவர், வாழ்வில் பிடிப்பிழந்து இருண்டா முகத்துடன் பால்கனியில் அமர்ந்து இருந்தார். அவர்தான் பாலாஜியின் அப்பா போல என்று நினைத்துக்கொண்டேன். பார்க்க வீடு படத்தில் வரும் சொக்கலிங்கபாகவதர் போல பாவப்பட்ட முகம். அவர் சோகமாக இருப்பது மட்டும் உண்ர முடிந்தது.

அன்று இரவே அவர் தம்பியும், தம்பியின் மனைவியும் ஊருக்கு சென்றுவிட்டார்கள். அந்த நாள் முதல் வீட்டில் தினமும் பாலாஜியும், அவர் மனைவியும் சண்டையிடுவது வழக்கம் ஆனது! அடுத்த வீட்டில் உள்ளவர்கள் எல்லாம் என் அம்மாவிடம் அவர்கள் ஏன் சண்டையிடுகிறார்கள் பல கதை சொல்லுவது, கதை கேட்பதுமாக சில மாதங்கள் போனது!

ஒரு நாள், காலை சுமார் 6:30 மணிக்கு காலிங் பெல் யாரோ அடித்தார்கள், நான் தான் கதவின் அருகாமையில் உள்ள அறையில் உள்ளதால் யார் காலிங் பெல் அடித்தாலும் கதவை திறப்பது என் வேலையானது, திறந்ததும் பாலாஜி, "என்ன சார் இந்த நேரத்தில ஏதாவது பிரச்சனையான்னு கேட்டேன்", அவர் உடனே "ஒன்னும் இல்ல சார், நாங்க பழனிக்கு சாமி கும்பிட போறோம், அப்பா வீட்டில தனியா தான் இருக்காரு ஏதாவது சத்தம் வந்தா பாத்துக்குங்க, நாங்க இரவுக்குள் வந்துவிடுவோம்" என்று கூறிவிட்டு போனார். என் மனசெல்லாம் பாவம் அந்த பெரியவரையும் அழைத்துப்போனால் குறைந்தாபோவார்கள் என்று வருத்தப்பட்டேன். ஆனா நம்ம வருத்தப்பட்டு என்ன செய்யமுடியும். முதுமையும் ஒரு கொடுமையான விசயமாக எனக்கு தோண்றியது. காலையில் அவர் என்ன சாப்பிடுவார், 6:30க்கே போயிட்டாங்களே, காலை உணவு ஏதாவது செய்துவெய்துவிட்டு பொயிருப்பார்களோன்னு, இல்ல பட்டினி போட்டிருப்பாங்களோ என பல சிந்தனைகள், 10 மணிக்கு இருக்கும் என் அம்மாவிடம் கேட்டேன் ஏம்மா பெரியவர்க்கு ஏதாவது சாப்பிட கொடுக்களாமான்னு, அம்மாவும் சரி என்று காலையில் செய்த இட்லி + சட்டினியை பாத்திரத்தில் போட்டு என்னிடம் கொடுத்தார்கள்.

அதை எடுத்துக் கொண்டு மேலே போய் கதவை தட்டியதும் தான் தாமதம் கதவு திறந்தது. ரொம்ப ஆவலா காத்திருந்தார் போல பெரியவர். நான் என்னை அறிமுகம் செய்துவிட்டு, கொண்டுசென்ற டிப்பனை அவரிடம் கொடுத்து சாப்பிடுங்கள் என்றேன். அவ்வளவுதான், அவர் கண்ணில் நீர் அருவி போல் கொட்ட துடங்கியது. என்னால் சகித்துக்கொள்ள முடியாமல் என்ன சார் இப்படி என்றேன். அவர் உடனே யார் பெத்த புள்ளயோ, நீங்க என்னை பத்தி நினைக்கற அளவுக்கு கூட என் மகன் நினைக்கவில்லையேன்னு... என்று சொல்லும் போது அவரால் அடக்கமுடியாமல் கண்ணீர் கொட்டியது. எனக்கும் கண்கள் கலங்கின... சமாளித்துக் கொண்டு... முதலில் சாப்பிடுங்கள் பிளீஸ் என்றேன். அவர் மெதுவாக இரண்டு இட்டிலியை சப்பிட்டுவிட்டு, போதும் என்றார். மீதம் உள்ளதை வைத்துக்கொள்ளுங்கள் பிறகு பசித்தால் உண்ணலாம் என்றேன். சரி சார் நான் வறேன் என்றதும், ஒரு 10 நிமிஷம் என்னோடு இருக்கமுடியுமா என்று கேட்டர். ஓகே என்று சொல்லும் முன் தான் பர்மாவில் வியாபரியாக இருத்ததையும், நல்ல செல்வ செழிப்பாய் வாழ்ந்து, மனைவி இறந்தபின் பர்மாவிலிருந்து திரும்பிவந்து திருச்சியில் மோசைக் (Mosaic) வியாபரம் செய்து பாலாஜி உள்ளிட்ட மூன்று குழந்தைகளையும் நன்றாக வளர்த்து வாழ்கைக்கு வேண்டிய பணத்தையும் வியாபரத்தையும் பிரித்து கொடுத்து, நல்வழி படுத்திவிட்டு மூன்று மகன்களின் தயவில் 6 மாதத்துக்கு ஒரு மகன் வீடு என்று வாழ்வதாகவும் சொன்னார். "இப்ப இவர்களுக்கு என்னை கவனிக்க இஷ்டமில்லை, பாலாஜி என்னை முதியோர் விடுதியில் சேர்க்கவேண்டும் அல்லது மூத்தவினிடம் போன்னு சொல்லறான், அவனை விட அவன் மனைவிக்கு தான் என்னை அங்கே சேர்ப்பதில் முடிவா இருக்கா" என்று அவர் சொன்னதும் என் மனம் பதைத்தது. வளர்த்து பெரிதாக்கிய தந்தையை இப்படி நடு ரோட்டில் விட தயாராகும் மகன்களும் மருமகள்களும். இப்படி தன் சோகத்தை எல்லாம் பகிர்ந்து கொண்டார். முதல் நாள் சண்டையிட்டது எதற்கு தெரியுமா? இந்த ஆறு மாதம் அன்று இவரை பாலாஜிவிட்டில் கொண்டு வந்தவிட்ட இளைய மகனின் Turn dutyயாம். அவர் மனைவி பார்த்துக் கொள்ளமுடியாது என்று இங்கு அனுப்பிவிட்டாராம். உறவுகள் எப்படி பாரமாக மாறுகிறது என்று என்னிப்பார்கிறேன். அன்று மனைவியை இழந்த இந்த பெரியவர் தன் 3 மகன்களை பாரம் என்று நினைத்திருந்தால்... எண்ணிக்கொண்டு அவரிடம் விடை பெற்றேன்.

அதற்கு பின் அவர் பால்கனியில் தினமும் பார்ப்பேன், புன்(ண்)முறுவல் தருவார்... நானும் நல்ல இருக்கீங்களான்னு எப்பயாவது கேட்ப்பேன். அவ்வளவே! எனக்கு அவர்கள் குடும்பவிவகார கேட்க மணம் இல்லாமல் மேல்வீட்டுக்கு செல்வதை தவிர்த்தேன்.

தந்தைக்கு புத்தாண்டு பரிசு:

இரண்டு மாதத்துக்கு பின், அன்று கிருஸ்துமஸ் நாள், பெரியவர் என் வீட்டுக்கு வந்து "தம்பி, என்னை முதியோர் இல்லத்தில் இன்று கொண்டுபோய் விடுகிறார்கள், மத்த இரண்டு மகன்களும் வந்திருக்காங்க, எல்லாரும் சேர்ந்து முடிவு எடுத்துட்டங்க, எமகண்டம் முடிந்ததும் கிளம்பறேன். போகறதுக்கு முன்னாடி உங்களை பார்த்து பேசனும்னு தோணுச்சு, அதான் வந்தேன், Anyway Happy new year தம்பி, இனி அடுத்த நியூ இயருக்கு நான் இருப்பனோ மாட்டேனோ! " என்று சொல்லும் போது அவர் கண்கள் கலங்கி இருந்தது. அவர் மனதில் உள்ள பதட்டம் எனக்கு புரிந்தது. புது இடம், புது மனிதர்கள், உறவுகள் யாரும் இல்லை என பல சிந்தனைகள் அவர் மனதில் பதைப்பை ஏற்படுத்துகிறது என நினைத்துக்கொண்டேன். அவருக்காக நான் மணம் வருந்த மட்டுமே முடியும். அவருக்கு என்ன சமாதானம் சொல்ல முடியும் என்னால். ஒன்றும் சொல்லாமல் அமைதியாய் தலையை மட்டும் அசைத்து விடை கொடுத்தேன்.

அன்று புத்தாண்டு ஊரே கலைகட்டியிருந்தது, காலை 10:30 மணியிருக்கும், தபால் ஊழியர் வந்து சைக்கிளை நிறுத்தினார், புதுவருட நிதி கலெக்ஷன் இன்றே துடங்கிவிட்டனரே என்று நினைத்து கொண்டு வாங்க என்றேன். "சார் பாலாஜி இருக்கருங்களா? அவருக்கு ஒரு டெலிகிராம் வந்திருக்கு, அவர் அப்பா இறந்துவிட்டாராம் சார்!!!"அவர்கள் கோவிலுக்கு போயிருந்ததால் நான் வாங்கி வைத்தேன். என் மணம் புத்தாண்டு கொண்டாத்தை மறந்தது. அவர் இங்கிருந்து போகும் போது சொன்னது போல நடந்துவிட்டதே என்று சங்கடப்பட்டேன். 10 நிமிடத்தில் கோயிலுக்கு போன பாலாஜி வந்தார், டெலிகிராமை கொடுத்து, சாரி சார் உங்க அப்பா... என்று சொன்னேன், அவருக்கு சின்னதாய் கண்கலங்குவது தெரிந்தது, டெலிகிராமை வாங்கிக்கொண்டு மேலே போகும் வழியில் பாலாஜியின் மனைவி எழவு சாவதற்கு கிடைச்ச நாளைப்பாரு என்று சொன்னது என் காதில் விழுந்தது.

உறவுகள் பகைகளே...!!! என்று எண்ணிக்கொண்டு என் வேலையை பார்க்கலானேன்.

இந்த சம்பவம் உறவுகள் பற்றிய என் பார்வையை மாற்றியது! Nuclear family என்று பெயர் ஒன்றை சூட்டி, தன் பிள்ளைகளுக்கு தாதாவையும், பாட்டியையும் புகைபடமாக கண்பிக்கும் கலாசார சீரழிவு நடந்து கொண்டிருக்கிறது. கூட்டு குடும்பம் என்ற ஒரு விசயமே நம் பிள்ளைகள் காலத்தில் காணாமல் போனால் ஆச்சர்ய படுவதற்கில்லை. இந்த உறவுகள் ஒரு மின் மினி பூச்சிகள் போல் சில நேரம் மின்னும் சில நேரம் இருண்டுவிடும். உறவுகள் நம் வாழ்வில் ஒளியேற்றது, அவர்கள் ஒரு மின் மினி பூச்சியைப்போல் தன் தேவையின் போது தான் தனக்காக ஒளியேற்றுவார்கள்.

பி.கு:
இது எங்க ஊரல நடந்த உண்மை கதை. என்னை ரொம்பவே பாதிச்ச விசயம். இங்கு பெயர்களும், ஊரும், சில சம்பவங்களும் மாற்றப்பட்டுள்ளது.

இது தான்டா உள்குத்து!

வழக்கமாக இவர் கொடுப்பார் உள்குத்து மக்களுக்கு! இவருக்கும் வெள்ளிக்கிழமை ஒரு சூப்பர் உள்குத்து கிடைத்தது.

பாராளமன்றத்தில் வெள்ளிக்கிழமை விலைவாசி உயர்வு பற்றி விவாதம் வந்த போது பா.ஜா.க வும், இடதுசாரிகளும் நிதியமைச்சரின் மெத்தன போக்கே இந்த விலைவாசி உயர்வுக்கு காரணம் என்று சொல்லி முதலில் பா.ஜா.க பாராளமன்றத்திலிருந்து வெளியேறியது, அடுத்து அதே காரணத்தை சொல்லி இடதுசாரிகளும் வெளியேறியது, இதை தொடர்ந்து விவாதத்தில் பங்கு கொண்ட பகுஜன் சாமாஜ், ராஷ்டிரிய ஜனதாதள் என எல்ல கட்சிகளும் வெளியேறியது.

ஸ்ப்பா தப்பிச்சோமுடா என்று, மீண்டும் ஏன் விலைவாசி உயர்ந்தது என்று Statistical points (cost-push and demand-pull inflation ) அள்ளிவீச தொடங்கினா? யாரோ எதிர்த்து பேசராங்களே என்று அண்ணன் பார்க்கிறார், அட அத்தனை காங்கிரஸ் உறுப்பினர்களும் தலைவரை பிச்சு ஒதரியிருக்காங்க! "நங்க பொது மக்களை நேர்ல சந்திக்கனும்(அடுத்த தேர்தலுக்கு!!) இப்படி விலைவாசி உயர்ந்துக்கிட்டே போனா எங்களைத்தான் மக்கள் கேள்வி கேட்ப்பார்கள், சாதாரண மக்கள் பிரச்னைக்கு உள்ளாகராங்க, நீங்கள் விலைவாசி உயர்வை கட்டுப்படுத்த எடுத்த முயற்சி எல்லாம் வேஸ்ட் " என்ன சரமாரியா திட்டி தீர்த்து இருக்கிறார்கள் காங்கிரஸ் MPக்கள் ... தல ரொம்பவே வெக்ஸ் ஆயிருக்காரு! மக்களுக்கே தண்ணி காட்டுற தலைக்கே தண்ணிய தேடிவேண்டிய நெலமை! ஐயோ நான் குடிதண்ணிய சொன்னேன்!

இப்படியெல்லாம் நம்ம அமைச்சரை நாமே திட்ட கூடாதுன்னு Parliamentary Affairs மந்திரி B K Handique சொல்ல, செளதான்னு ஒரு காங்கிரஸ் உறுப்பினர் செம கடுப்பாயி "கட்சிக்குள்ளயும் பேச விட மாட்டேன்னு சொல்லரீங்க, பாராளமன்றத்திலும் பேசக்கூடாதுன்னு சொல்லரீங்க, அப்ப நாங்க பேசாம ராஜினாமா செஞ்சிட்டு போறோம்ன்னு" காட்டமா பதில் கொடுத்திருக்காரு! இதுல வேற வெளிநடப்பு வேற செஞ்சிருக்காங்க நம்ம காங்கிரஸ் MPகளும்.

கடைசியா பாராளமன்றத்தில் மொத்தம் 40 பேரு தான் மிச்சம் இருந்திருக்காங்க! அவங்க யாருன்னு கேக்கறீங்களா!! அட வேற யாரு மந்திரீங்க மட்டும் தான்! அவர்கள் தான் வெளியேற முடியாதே!

இந்தியாவில் ஜனநாயகம் ரொம்ப கொளுந்து விட்டு வளரது! இல்லன்ன காங்கிரஸ் அரசை எதிர்த்து காங்கிரஸ் MPகளே பாராளமன்ற வெளிநடப்பு போராட்டம் பண்ணுவாங்களா!

பன்ச் டயலாக்:

RJD MP ஒருவர் விஜய் கிருஷ்ணான்னு பேரு, அவர் ஒரு சூப்பர் டயலாக் சொல்லியிருக்காரு பாராளமன்றத்தில:

"He has completely failed to check the prices. Why don't you remove this minister,"


வாழ்க சனநாயகம்!!

செய்திக்கு நன்றி - www.ibnlive.com

நாடகம்.காம்

நண்பர் Mejoritypeople என்னிடம் பெட்ரோல் விலையும்... மானியம் என்னும் மாயையும் இந்த பதிவில் ஒரு கேள்வி எழுப்பினார், அதற்கு நான் தந்த பதில் அதை தனி பதிவாக கொஞ்சம் விரிவாக போட்டால் அனைவருக்கும் அறிய வாய்ப்பை ஏற்படுத்தி கொடுக்கும் என்று தான் இந்த பதிவு.

Mejoritypeople கேள்வி:
இந்த அரசு பற்றிய உங்க்ள் நிலையும் CPI and CPM நிலையும்ஒன்று என எடுத்து கொள்ளலாமா ?

என் பதில்:

CPI and CPM முழு நேர வியாபாரிகளாகிவிட்டதாக தான் எனக்கு தோண்றுகிறது??!! எந்த முதாலாளித்துவ கொள்கையை எதிர்த்தார்களோ அதை இன்று ஆதரிப்பது போல் பெங்காலில் வேலைகள் நடக்கிறது! அன்னிய முதலீடு வாங்க கூடாது என கூறும் இடதுசாரிகளின் அரசு பெங்காலில் அன்னிய முதலீட்டுக்கு காத்திருக்கிறது!

அவர்களை மக்களுக்கு நன்மை செய்ய நாம் பாராளமன்றத்துக்கு அனுப்பினால் அவர்கள் காங்கிரஸுடன் கை கோர்த்து 6 முறை பெட்ரோல் விலை ஏற்றிய போது வாயளவில் போராட்டம் செய்து! மக்களின் நண்மையை கருத்தில் கொள்ளாமல் வாய்ப்பேச்சில் வீரர்கள் ஆனதில் எனக்கு பெரும் வருத்தம்.

ஒவ்வொரு முறையும் பெட்ரோல் விலை ஏற்றத்தின் போது இவர்கள் போராட்டம் செய்வதும், உடனே காங்கிரஸ் நவரத்தின நிறுவனங்களான அரசு நிறுவணங்களை விற்றுவிட போகிறோம் என்று சொல்வது! உடனே பெட்ரோல் மேட்டரை கைவிட்டு அந்த அரசு நிறுவணங்களை காப்பற்ற போவது போல் பாவலா காட்டுவது! பின்னர் பெட்ரோல் மேட்டரை பேசுவதையே மறந்துவிடுவதும், பார்க்கும் போது CPI and CPM மற்றும் காங்கிரஸ் இனைந்து நடத்தும் நாடகமாகவே எனக்கு தோண்றுகிறது (ஆதாரம் epaperகளை ஆராய்ந்து பார்த்தால் புரியும்).

CPI and CPM உண்மையில் மக்கள் ஆதரவு கொள்கையை கைவிட்டுவிட்டதாக எனக்கு தோண்றுகிறது.

நாடக Template:

ஒவ்வொரு முறையும் ஒரே நாடக Template:

Scene 1:

பெட்ரோல் விலை உயர்வும்.

Scene 2:

CPI and CPM போராட்டம்

Scene 3:

காங்கிரஸ் அரசின் நவரத்னா என அழைக்கப்படும் பொது துறை பங்கு விற்பனை அறிவிப்பு.

Scene 4:

CPI and CPM பெட்ரோல் விலையேற்றத்துக்கான போராட்டம் மறந்து(??!!) பங்கு விற்பனை எதிர்த்து போராட்ட அறிவிப்பு.


Scene 5:

காங்கிரஸ் அரசின் பொது துறை பங்கு விற்பனை வாபஸ் அறிவிப்பு. (சில நேரம் BHEL, NALCO, NLC, ETC.,)

Scene 6:

CPI and CPM பங்கு விற்பனை எதிர்த்து போராட்ட வாபஸ் + வெற்றி அறிவிப்பு.

இதே Sceneகள் வைத்து தினம் தினம் நாடகங்கள் அரங்கு ஏறுகிறது!

கடைசியாக நடந்த நாடகம்:

பெட்ரோல் விலை உயர்வும், அடுத்து CPI and CPM போராட்டம், அடுத்து காங்கிரஸ் அரசின் NLC & NALCO பங்கு விற்பனை அறிவிப்பு, CPI and CPM பங்கு விற்பனை எதிர்த்து போராட்டம், CPI and CPM பெட்ரோல் விலை உயர்வு போராட்டம் கைவிடப்பட்டது, காங்கிரஸ் அரசு NLC & NALCO பங்கு விற்பனை வாபஸ் அறிவிப்பு, CPI and CPM வெற்றி கொண்டாட்டம்.

இதில் உண்மையில் முழு புசனிக்காயான பெட்ரோல் விலை ஏற்றம் மறைக்க பட்டது. இதற்கு முன் NLC & NALCO பங்கு விற்பனைக்கு பதில் BHEL!!! 6 முறை அதே scenes பொதுதுறை கம்பெனியின் பெயர் மட்டும் வேறு.

ஐயோ! ஐயோ! இவர்கள் நம்மை இன்னும் சின்னபுள்ள தனமாகவே நினைச்சுகிட்டு இருக்காங்க போல!! இது புரியாமல் போக மக்கள் என்ன முட்டாள்களா??

இதை நேற்று எழுதி முடித்துவிட்டு வீட்டுக்கு போய் TV போட்டா.. ஒரு பாட்டு ... இன்னும் எத்தனை காலம் தான் ஏமாற்றுவாய் இந்த நாட்டிலே...

ஒரு பாசிடிவ் அப்ரோச்!

நீண்ட நாட்களுக்கு பின் ஒரு பதிவு! எழுத பல விசயங்கள் சிந்தையில் வந்தது ஆனால் ஏனோ அதை எழுத முடியவில்லை, சில பாதியில் கைவிடப்பட்டது (நீங்க தப்பிச்சிட்டீங்க!!!) :) இன்னும் சில எழுத்தில் உள்ளது... உங்களை சும்ம விடுவனா?!

நன்பர்கள் வெகுவாரியா என் பிளாக் பத்தி சொன்ன ஒரு குறை, பாசிடிவ் அப்ரோச்(Positive Approach) இல்லை என்பது! சரி என்றே எனக்கும் தோன்றியது! அதனால் இந்த பதிவு சில நல்ல விசயங்களை பற்றி எழுத நினைத்தேன். இங்கு குறை பல இருந்தாலும் சில நல்ல விசயங்கள் நடக்க தான் செய்கிறது! சில நல்ல விசயங்கள் கேட்க தான் செய்கிறது! அதில் ஒன்று சில நட்களுக்கு முன் எனக்கு வந்த ஒரு மின்னஞ்சல். இந்திய வின்வெளி ஆராய்ச்சி மையத்தின் பழைய படங்களையும் மற்றும் சிறு குறிப்புக்களையும்! இதை நான் உங்களுடம் பகிர்ந்து கொள்ள ஆசைப்படுகிறேன்.

தும்பா ராக்கெட் ஏவுதளம் உருவான கதை:

மேற்கத்திய நாடுகள் நிலவுக்கு பயணிக்க துடங்கிய 1960களில், இந்தியா தன் விண்வெளி ஆராய்ச்சியில் பாதம் பதிக்க எடுத்த கன்னி முயற்சிகள் மற்றும் அதற்க்காக நம் விண்ஞானிகள் பட்ட பாடுகள்! அப்பொழுது எடுக்கப்பட்ட சில படங்கள் பார்க்க பிரம்மிப்பாய் இருந்தது!

முதல் பாடம்:

தும்பா ராக்கெட் ஏவுதளம் அதிகார பூர்வமாய் தன் விண்வெளி ஆராய்ச்சியை அதிகார பூர்வமாய் நவம்பர் 21, 1963 துவங்கியது.

Thumba Equatorial Rocket Launching Station (TERLS) துவக்க முக்கிய பங்களித்தவர் என்று சொல்ல வேண்டுமானால் டாக்டர். விக்ரம் சாராபாய் தான் சொல்ல வேண்டும். அவருக்கு உதவியாய் உருதுனையாய் இருந்தவர்தான் இன்றைய ஜனாதிபதி டாக்டர். அப்துல் கலாம். அவர்கள் விண்வெளி ஆராய்ச்சிக்கு ஆற்றிய பங்கு கீழே உள்ள படங்களில் பார்க்க முடியும். அருகில் உள்ள படம் டாக்டர். விக்ரம் சாராபாய் அவர்களின் படம்.

இந்திய தன் விண்வெளி ஆராய்ச்சி பாதையை துவக்க அமெரிக்கவிலிருந்து Nike Apache sounding rocket வாங்கிவரப்பட்டு 6 மாத முயற்சியில் ஏவுதளமும், Payload தயாரிக்கப்பட்டது. இந்த முயற்சியின் பலனே இன்றைய Vikram Sarabhai Space Centre மற்றும் ISRO.


அருகில் உள்ள படம் மேல் நாட்வர்க்கு அன்று சிரிப்பை வரவழைத்திருக்கலாம் ஏனெனில் இவ்வாறு தான் TERLSக்கு ராக்கெட்டின் பாகங்கள் கொண்டு செல்லப்பட்டது. அன்று விண்ஞானிகள் சைக்கிளில் அதை எடுத்து செல்வதை பார்க்கும் போதே அவர்களின் உழைப்பும், அவர்களின் அரும்பாடுகளும் இன்று அவர்களையும், இந்தியாவை சிகரத்தை அடையச் செய்துள்ளதை பாராட்டியாக வேண்டும்.



அன்று Dr.விக்ரம் சொன்னது

" We are convinced that if we are to play a meaningful role nationally, and in the community of nations, we must be second to none in the application of advanced technologies to the real problems of man and society."




வளர்ந்த நாட்டவர் போல் நிலாவை தொடுவதும், விண்னுக்கு மனிதனை அனுப்புவதும் என் குறிக்கோள் அல்ல, என் மக்களுக்கும், சமுதாயத்துக்கு உதவியாக உள்ள தொழில்நுட்ப வளர்ச்சில் எங்கள் பங்கு முதாலாவதாக இருக்க வேண்டும் என்பதே எங்கள் குறிக்கோள்.

இன்றும் அவர்களின் சீரீய சிந்தனையும், பங்கும் அதன் பலன்களும் நம்மால் உண்ரமுகிறது.

வலதுபுறம் வான்தொடும் ராக்கெட்டுகளை நம் வின்ஞானிகள் சைக்கிளில் எடுத்து செல்லும் மற்றொரு புகைப்படம்.

கீழே உள்ள புகைப்படத்தில் நமக்கு நன்கு அறிமுகமான ஒருவர் Payload ரெடி செய்து கொண்டுயிருக்கிறார்! யார் தெரியுமா! நம்முடைய இன்றைய முதல் குடிமகனும், அன்றைய இந்திய வின்வெளி ஆராய்ச்சியின் சிற்பிகளில் ஒருவருமான டாக்டர். APJ. அப்துல் கலாம்.






தகவலுக்காக: இடது புறம் டாக்டர். APJ. அப்துல் கலாம், இடது புறம் திரு. ஆராமுதன். ( ஏங்க நாம எப்பவாவது இப்படி வேலை செய்ய முயற்சி செய்திருப்போமா!!!)


இடதுபுறம் இந்தியாவின் முதல் ராக்கெட் விண்வெளிக்கு அனுப்ப விண்ஞானிகள் Launch Padடில் ராக்கெட்டை பொருத்திக் கொண்டிருக்கும் காட்சி.






Nike Apache rocket விண்வெளியை நோக்கி பயனிக்க தயாராக உள்ள காட்சியை வலதுபுறம் உள்ள படத்தில் பார்க்கலாம்.

இத்தனை வேலைகளையும் செவ்வனே செய்ய அவர்களுக்கு A/C அறை இல்லை, ஆய்வு கூடம் இல்லை, TERLSக்கு சொந்த இடமும் இல்லை. Hilight விசயம் என்ன தெரியுமா? அத்துனை வேலைகளும் செய்தது தும்பாவில் உள்ள ஒரு கத்தோலிக்க churchசிலும் அதனை சார்ந்த கட்டிங்களும் தான்! அது தான் அவர்களின் ஆய்வுகூடம், அது தான் அவர்களின் பட்டறை, தங்கும் இடம், அலுவலகமாகவும் இருந்தது என்பது வரலாறு.


இடதுபுறம் Nike Apache rocket விண்வெளியை நோக்கி பயனித்த போது எடுத்த படம்.

இவ்வளவு கஷ்டப்பட்டு இட்ட அஸ்திவாரத்தால் தான் நாம் இன்று தொலைத்தொடர்பு வளர்ச்சியை கண்டுள்ளோம் என்றால் மிகையாகது.

இன்று தும்பாவில் 3 Launch Padகள் உள்ளது. இன்றும் வாரம் ஒரு ராக்கெட் வானிலை ஆராய்ச்சிக்காக தும்பாவிலிருந்து விண்ணுக்கு செல்கிறது. இன்றும் அந்த கத்தோலிக்க church TERLS வளாகதின் மத்தியில் உள்ளது.


அருகில் உள்ளது இன்றைய தும்பா ஆராய்ச்சி மையத்தில் அமைந்துள்ள Launch Pad.














அன்றைய டாக்டர். அப்துல் கலாமின் மேலும் ஒரு புகைப்படம்.


இவர்கள் பட்ட இன்னல்கள் ஒரு நாள் தான் குடியரசு தலைவன் ஆகுவோம் அல்லது ISROவின் தலைவராக ஆவோம் என்று எண்ணி அல்ல. கலப்படம் அற்ற நாட்டு சேவை! இதை பாராட்டவோம், தலைவணங்குவோம்.

அன்றைய விக்ரம் சாராபாயை , கலாமை , ஆராமுதுவை போல நாமும் நம் பங்கு இன்னது என்று முடிவு செய்து அதை அடைவதற்கு வழிவகைகள் செய்து, சிறப்பாக நம் சமூக கடமையை செய்ய ஒவ்வொரு இளைஞனும் முடிவெடுத்தால் நாளைய உலகம் இந்தியாவை தலை நிமிர்ந்து பார்க்கும் என்பது நிதர்சனமான உண்மை.

கழுதை கைது ;)

இது காஞ்சிபுரம் - சூன் 29, 2006 நடந்த காமெடி:

ஒரு கழுதையை கைது செய்தது காஞ்சிபுரம் காவல்துறை. எதுக்குன்னு பார்க்கறீங்களா? பேப்பர்(மனு) தின்னதுக்கு தான்!

29 ஆம் தேதி ஏதோ திராவிட மக்கள் மன்றம் பெயரில கழுதைக்கு மனு கொடுக்கும் போராட்டம் (மாவட்ட நிர்வாகிகள் மனு கொடுத்தா, கண்டுக்காம இருக்கறதயும், அட்லீஸ்டு கழுதைக்கு கொடுத்த அதுக்கு ஒரு வேளை உணவாகும் என்ற உயரிய நோக்கதுக்காக)ஒரு நூதன போராட்டம் நடந்தது காஞ்சிபுரம் மாவட்ட அதிகாரிகளை கண்டிச்சு!

அங்க தான் இந்த கழுதைக்கு எழரை புடிச்சிருக்கு போல, ஓசில பேப்பர் நிறையா கிடைக்கும் இந்த கழுதையின் முதலாளி இந்த திராவிட மக்கள் மன்றம் கோஷ்டிகளோட அனுப்பியிருக்காரு! இந்த மன்றமும் அறபோர்தான் பண்ணாங்க போல அது தருமவான்களான காஞ்சிபுரம் மாவட்ட நிர்வாகத்துக்கு புடிக்கல போல. உடனே ஒரு புகார் காஞ்சிபுரம் காவல்துறைக்கு கொடுக்கப்பட்டது! உடனடி நடவடிக்கையில் காவல்துறை இறங்கி தூள் பண்ணீட்டங்க!!!

அங்கு போராட்டம் செய்த மன்றத்தார் + கழுதை + மனுக்கள் + கூடாரம் + கட் அவுட் என்று எல்லத்தையும் அள்ளிக்கிட்டு போக முடிவு எடுத்துட்டு பார்த்த கழுதை மன்றத்தாருடன் வேனில் எற மறுத்தது எவ்வளோ முயற்சி செய்து பார்த்துட்டு வேலைக்கு ஆகாம ஒரு ஆட்டோ அழைக்கப்பட்டது! அது ஒரு சூப்பர் காமெடி ஆனது ஒரு பக்கம் புடிச்சு ஏத்தினாங்க அது அந்த பக்கமா வெளிய ஓடி வந்திருச்சு!!! அப்பறம் ஒரு chasing ஒரு வழியா கழுதையை மறுபடியும் புடிச்சு ஆட்டோவில் ஏற்ற முயற்சி நடந்தது வேலைக்கு ஆகல போல, அடுத்து ஒரு சின்ன யானை (சாரி சின்ன டெம்போ) அழைத்து வந்து கஷ்டப்பட்டு ஏத்தி,கயிரு கட்டி கோர்டுக்கு கொண்டுபோயி நீதிபதியின் முன் கைது செய்யப்பட்ட கழுதை நிறுந்தப்பட்டது. நீதிபதியும் கழுதையை இப்படி வதைக்க கூடாது (மிருக வதை) என்று திராவிட மக்கள் மன்றத்தார்க்கு எச்சரிக்கை கொடுத்தார்!

இதுல மேட்டர் என்னவென்றால் கழுதையை வதைத்தது திராவிட மக்கள் மன்றத்தார் அல்ல! காவல்துறை தான் என்று எனக்கு தோண்றியது!!! திராவிட மக்கள் மன்றத்தார் சூப்பரா dress செய்து, மாலையெல்லாம் போட்டு கூட்டிவந்து அதன் பிரதான உணவான காகிதத்தை (மனு) கொடுத்தார்கள்! காவல்துறை தான் அந்த கழுதையை இழுத்து போட்டு, அடிச்சு, அட்டோல ஏத்தி, டெம்போ ஏத்தி படாத பாடு படுத்தினார்கள்!! எனங்க இந்த சட்டம் இவ்வளோ பெரிய ஓட்டையாயிருக்கு!!

பழி ஒரு பக்கம், பாவம் ஒரு பக்கம்!!!

அது சரி போராட்டம் எதுக்குன்னு கேக்கலயே! தாழ்த்தப்பட்ட பழங்குடியினர்க்கு வழுங்குவதாக கூற பட்ட நிலம் பல வருடங்களாக, பல முறை மாவட்ட நிர்வாகத்திடம் மனு தந்தும் ஒரு முடிவும் வரவில்லை என்ற காரண்த்துக்காக! ஒரு பக்கம் இட ஒதுக்கீட்டுக்கு சீனு (Scene) போடறது இந்த பக்கம் அல்வா கொடுக்கறது!

சூப்பரப்பு!!!

தினமலரில் We The People பதிவு!!!

இன்றைய தினமலர் நாளிதலில் நம்ம பதிவான பெட்ரோல் விலையும்... மானியம் என்னும் மாயையும் ஒரு வரி விடாம "இது உங்கள் இடம்"ன்னு ஒரு பகுதியில் அச்சு ஆயிருக்கு. முதலில் நன்றியை சொல்லுவோம் தினமலர்க்கு. இது பலரை சென்று அடையும் என்று சந்தோஷப்படுவோம். என் 3 மாத பெட்ரோல் விலை பற்றிய ஆராய்ச்சி (ofcourse in my spare time) மக்களுக்கு சென்று அடைந்ததில் மிக்க மகிழ்ச்சி! மற்றும் அரசின் முகமூடியும் கிழிக்கப்பட ஒரு முயற்சி வெற்றி பெற்றதில் ஒரு பெருமிதம்!!!

Link to the dinamalar page:

நேரடி மின்முகவரி:

www.dinamalar.com/2006june29/ithu.asp

தினமலரின் மின்முகவரி: http://www.dinamalar.com அதில் "இது உங்கள் இடம்" என்ற ஒரு Link உள்ளது. அதில் வந்துள்ளது.


பி.கு: என் பெயர் மாற்றப்பட்டுள்ளது (எம்.ஜெயகுமார் என்று) இது சின்ன அச்சு பிழையா? அல்லது தினமலர் என் நலம் விரும்பி மாற்றி பதித்தா என்று தெரியவில்லை (ஆட்டோ நன்பர்களிடம் இருந்து என்னை காப்பாற்ற!) . மின்னஞ்சல் அனுப்பியுள்ளேன் பதில் வந்தால் பார்ப்போம்!!!

ஒரு இந்திய கனவு

என் நீண்ட நாள் கனவு... அனேகமாக ஒவ்வொறு தமிழனுக்கும் ஏன் ஒவ்வொறு இந்தியனுக்கும் இந்த கனவு இருக்கும்...

இந்த கனவுக்கு base ஷங்கரின் "முதல்வன்" .... நம்மை ஆள்வதற்கு ஒரு புகழேந்தி வரமாட்டானா? நான் சொல்ல வந்தது முதல்வனில் வரும் நாயகன் புகழேந்தி ... தப்பா நினைத்துகொள்ள வேண்டாம் ... யாரையும் மனதில் புகழேந்தியாக வைத்திருக்கவில்லை... இங்கு இருக்கும் யாரும் அந்த அளவுக்கு மக்களை நினைப்பவர்களில்லை... இது என் மனதில் தோன்றியது...

அவன் வருவானா?
ஊழல் இல்லாதவன், ஊழல் பிடிக்காத தலைவன், ஊழல் கறைபடியாதவன், ஒரு நல்ல முதல்வன் ... ஒரு நல்ல பிரதமர் .... ஒரு மக்கள் தலைவன்...
என்று தனியும் இந்த தேடல்!!!!

நாம் ஏமாந்துவிட்டோம் !!! நாம் ஏமாற்றப்பட்டுவிட்டோம்!!!

இவர்களை தெரிந்துகொள்ள தவறிவிட்டோம்.. தன்னிகர் அற்ற தலைவர்களை விட்டுவிட்டு .... இப்போது தலைமகனை தேடி அலைகிறோம்...

கக்கன் - மந்திரியாக இருந்தும் ... ஓலை குடிசையில் வாழ்ந்து... ஓலை குடிசையில் இறந்தார்... இந்த வரலாறு தெரிந்தவர்கள் சிலரே...

அவரை போல் ... காமராஜர் ... பக்தவச்சலம்... என்று பலர்... அவர்களை அரசியலிருந்து... மக்கள் சேவைலிருந்து வெளியேற்றினார்கள் இன்றைய அரசியல் கொள்ளையர்கள்... சுயநலத்துக்காக...

நாடுக்காக உயிர் தியாகம் செய்த பலரை நமக்கு தெரியாமல் செய்துவிட்டார்கள்...

திவிரவாதி பட்டம் கட்டப்பட்ட சிலர்:

1. சுபாஷ் சந்திர போஸ் - இந்திய தேசத்துக்குகாக முதல் ராணுவம் உருவாகியவர்... இவர் உயிரோடு இருக்கிறாரா என்பதே ஒரு சர்ச்சை !!! எப்படி வாழ்தார்? எப்படி ராணுவம் உருவாகினார்? சுதந்திரத்துக்கு முன் இருந்த காங்கிரஸில் இவர் பங்கு? யாருக்கும் தெரிய வாய்ப்பு இல்லை...

2. பகத் சிங் - சிறு வயதில் நாடுக்காக உயிர் தியாகம் செய்தார் ... காந்தி ஒரு வாக்கு சொல்லியிருந்தால்... இவரை தூக்கிலிட்டிருக்க மாட்டார்கள் என்ற கூற்றில் எனக்கும் உடன்பாடு உண்டு ... மிதவாதிகளால் கொல்லப்பட்டவர் ...

3. வா.உ.சிதம்பரம் - நாடுக்காக தன் சொத்தை விற்று கப்பல் வாங்கி, அது ஆங்கிலேயர்களால் அழிக்க பட்டு, சொத்தை இழந்து... ஓட்டை காலனா கூட இல்லாமல் இறந்தார்...
இவர்களை நாம் அடையாளம் காணவில்லை... காட்டப்படவில்லை... அவர்களின் வரலாறு சென்சாருக்கு உள்ளாகியிருக்கு... இது போன்ற உண்மையான தியாகிகள் அடையாளம் காட்டப்படவில்லை... அவர்களின் வரலாறுக்கு திரையிட்டது யார்? ஏன்? அதனால் யாருக்கு லாபம்?
இப்படி பலரை இழந்துவிட்டோம்... அது நேற்று!!!
நாம் சிந்திக்க வேண்டிய நேரம் வந்துவிட்டது...
இன்றும் மக்களுக்காக உழைக்க வருபவர்கள் மீது திரையிட முயற்சிப்பார்கள்... இன்று மக்களுக்காக முன் வந்திருக்கும் எனக்கு தெரிந்த சிலர்...
டாக்டர் M.S.உதயமூர்த்தி இன்று என்ன செய்கிறார்? மக்கள் சக்தி இயக்கம் என்ற ஒரு மக்கள் இயக்கம் நடத்துகிறார்... 60 கிராமங்களை தத்தெடுத்து அதன் வளர்ச்சிக்காக உழைக்கிறார்!!! அவர் ஒரு அமைதி புரட்சியை உருவாக்குவது போல் தோன்றுகிறது!!!
ஐ.ஐ.டி மாணவர்களின் கட்சி லோக் பரித்ரான் இவர்கள் ஐ.ஐ.டி மாணவர்கள்... பெரும்பாலும் வெளிநாடுகளில் வேலை செய்தவர்கள்... சுயநலம் விட்டுவிட்டு மக்கள் சேவைக்கு வந்திருக்கிறார்கள்....
இன்னும் பலர் வரக்கூடும்.... இதில் மக்கள் தலைவன் உள்ளான என்று தேடுவோம்... இன்றாய அரசியல் கொள்ளையர்களை துரத்தியடிப்போம்... நல்லவர்களை தேர்ந்தெடுத்து ஆட்சியில் அமர்த்துவோம்...
நான் புகழேந்தியை தேட துவங்கிவிட்டேன்!!! நீங்க்ள்???

இது எப்படி இருக்கு!

ஆனாலும் ரொம்ப குசும்புங்க இந்த லாலு பிரசாத் மச்சானுகளுக்கு.

சூன் 19, 2006:

ஒரு மச்சான் (சுபாஷ் யாதவ், MP) பாட்னா ரெயில் நிலையத்தின் பிளாட்பாரம் #1 இருந்துகினு மூன்றாவது பிளாட்பாரதில் வந்த ரெயில் வண்டிய ஓட்டிகினு வா இங்கன்னு கட்டளை வுட்டிருக்காரு! உடனே ரெயில்வே அமைச்சரின் மச்சானாச்சே உடனே ரெயில்வே அதிகாரிகளும் பறந்து அடிச்சுகினு பிளாட்பாரம் #1 வண்டிய ஓட்டி வந்திருக்காங்க.

சூன் 20, 2006:

விடுவார அடுத்த மச்சான் (சாது யாதவ், MP) (யாரு வெயிட்டுனு காட்ட வேண்டாம்!!!) அதே பாட்னா ரெயில் நிலையத்தின் முதல் பிளாட்பாரம் போயி நின்னுகினு, இரண்டாவது பிளாட்பாரதில் வர வேண்டிய ரெயில் வண்டிய முதல் பிளாட்பாரத்துக்கு ஓட்டிக்கின்னு வா சொல்லியிருக்காரு தலிவரு, எதோ ஒரு லொல்லு புடிச்ச ரெயில்வே அதிகாரி அதெல்லாம் முடியாதுன்னு சொன்னாரு போல,

சாதுவின் சூப்பர் டயலாக் " அந்த மச்சானுக்கு வரும் வண்டி, ஏன் எனக்கும் வர கூடாது " நியாயமான கேள்விதான?

சுமார் ஒரு மணி நேரம் ரெயில் நிலையத்தை உண்டு இல்லைன்னு பண்ணியிருக்காரு நம்ம சாது! (யாதவ்!) இதில் ஒரு தொண்டர்கள் தர்ணாவும் அடங்கும்போல! அய்யோ பாவம் ரெயில்வே அதிகாரி தண்ணியில்ல காட்டுக்கு போற நேரம் வந்திருக்கும் போல... கடைசிவரைக்கும் ரெயில முதல் பிளாட்பாரத்துக்கு கொண்டு வர விடவில்லை அந்த அதிகாரி (அப்புறம் இரண்டாவது பிளாட்பாரத்துக்கே போயி சாது ரெயில் ஏறியதாய் கேள்வி!)

முடிவுரை (காமெடிக்காக):

பொறந்தாலும் லொல்லு சாரி லல்லுவுக்கு மச்சான பொறக்கனும், அட்லீஸ்ட் ஒரு அமைச்சர் சொந்தக்காரனாவது பொறக்கனும்!

கடுப்புரை:

என்னைக்குத்தான் மக்கள் இது போன்ற ஆட்களை MP ஆகவும் , மந்திரியாகவும் ஆக்குவதை நிருத்துவார்களோ! மக்களாய் பார்த்து திருத்தாவிட்டால் இவர்களை ஒழிக்க முடியாது!!!

அரசன் எவ்வழி, மக்கள் அவ்வழி

அரசியல் ஒரு வியாபாரமா? இன்றைய முதலீடு, நாளைய லாபம் என்கிற "ரேஞ்சில்" வளருது இந்திய அரசியல். இந்த பரிநாம வளர்ச்சி எப்படி தோன்றியது! யார் இதை வியாபாரம் ஆக்கியது?

சமீபத்தில் என் நண்பன் கார்த்திக்கின் திருமணத்துக்கு போனபோது ஒரு கலந்துரையாடலில் கிடைத்த மேட்டர் இது. நான், நண்பன் அருள், அருளின் தந்தை, வீரமணி, ராம், etc., ஹோட்டல் அறையிலிருந்து திருமண மண்டபத்துக்கு போகும் வழியில் Time Passக்கு பேச துவங்கினோம், மெதுவா அரசியல் பக்கம் திரும்பியது அப்போது வழக்கம் போல என் அதங்கமான வாரிசு அரசியல் பத்தி டாப்பிக்கு எடுத்து விட்டேன், அருளோட அப்பா ஒரு கேள்வியால் அடித்தருங்க ஒரு அடி நான் வாயடச்சு போயிட்டேன்!!! என்னிடம் ஒரு கேள்வி கேட்டார்? உங்க பிஸினசிலே உங்க மகன கொண்டுவர நெனைப்பீங்கல்ல? அது மாதிரிதான் இது என்றார். நான் வாயடச்சதுக்கு Reason அவர் தந்த அரசியலும், வியாபாரமும் ஒன்று என்ற விசயம், அறியாமை படித்தவர்கள் மத்தியுலுமா? என்ற ஷாக்கில் தான்.

நான் அறிந்த அரசியல், மக்கள் சேவை ஒன்றே கொள்கையாக கொண்டு, மக்களுக்கு நன்மைக்காக வாழ்வதே அரசியல்??!! கரெக்ட்டா? இது வியாபாராமா மாறி வருது...

மக்களும், அரசியல்வாதிகள் செய்யும் இந்த வாரிசு அரசியல் கூத்தை ஏற்றுக்கொள்ளும் மனோபாவத்துக்கு தள்ளப்பட்டிருக்கிறார்கள். இதைத்தான் "யதா ராஜா...ததா ப்ரஜா" - அரசன் எவ்வழி, மக்கள் அவ்வழி என்று சொல்கிறார்களோ?

இதுக்கு என்ன தான் முடிவு?

நட்புக்கும் உண்டு அடைக்கும் தாள்

இந்த பதிவு நேற்று என்னை ரொம்பவே பாதிச்ச ஒரு விசயத்தை பகிர்ந்து கொள்ள தோன்றியதன் விழைவுதான்.
13 வருடங்களுக்கு முன்!
கல்லூரி நாட்களில் நட்பு ரீதியா நிறைய பேரிடம் பழகினாலும் ஒரு 6 பேரு ஒரு Groupபா தான் அலையுவோம்! நான், சிவஞானம், சிவ அமுதன், டானி, அசோக் & Iyer என்று அன்போடு அழைக்கப்படும் ஷிரிக்ஸ். தினம் ஒரு லொள்ளு, கலாட்ட, கல்லூரி முன் உள்ள டீ கடை அரட்டைகள் என பல கூத்துகள் Daily. நினைத்தால் திருப்பதி ட்ரிப், திடீர் கோனை நீர்விழ்ச்சி பயணம் என சுத்தி சுத்தி நாங்க உயிர் நன்பர்களா மாறிவிட்டோம்!
இப்ப என்ன அச்சு? எதுக்கு இந்த Build upன்னு தான நினைக்கறீங்க? நீங்க நெனைக்கறது சரிதான்! அதை பத்திதான் இப்ப சொல்லப்போறேன்.
நேற்று!
அமுதன் என் கைப்பேசிக்கு அழைத்து, டேய் ஒரு மேட்டர் தெரியுமா, நம்ம அசோக்கு ஆண் குழந்தை பொறந்திருக்குன்னு சொன்னான், ரொம்ப சந்தோஷம் டா!!! பரவால்ல மச்சி 10 வருஷம் குழந்தையில்லன்னு கஷ்டப்பட்டாலும் அதுக்கு ஒரு முடிவு வந்திருச்சு, Very good சொன்னேன். அடுத்து அமுதன் சொன்ன மேட்டர் "மச்சி அவனுக்கு கொழந்த பொறந்து ஒரு மாசம் ஆச்சாம!!!" அப்ப தான் எனக்கு பயங்கர ஷாக்!!! ஒரு மாசமாயியும் நமக்கு இந்த சந்தோஷ விசயம் சொல்ல படல, அமுதனுக்கே இந்த நட்புக்கு Link இல்லாத மூன்றாவது ஆள் தான் சொல்லியிருக்காரு... இதை USல இருக்கற இன்னொறு நணபனிடம் புலம்பினேன், அவன் "இதெல்லாம் இங்க சகஜம் மச்சி dont take it to your heart!!! busy scheduleல மறந்திருப்பான் டா! " நட்பே முக்கியம் என்று வாழ்ந்த எனக்கு இதை ஜீரனிக்க முடியவில்லை! நான் ஒரே கேள்வி மட்டும் கேட்டேன் busy scheduleனா குழந்தை பொறந்த மேட்டரை தந்தையிடம்(தந்தையை நண்பனாக தான் சொல்லுவார்கள் தோழனாக compare செய்வார்கள்!) சொல்ல மறந்திடுவானா?
என்னட இது நம்ம friends இப்படி பிரிஞ்சு போயிட்டோம்னு நினைக்க தோன்றியதன் விழைவே இந்த பதிவு!
நட்பு ஒரு அலசல்:
நட்புக்கு இரண்டு முகம் இருக்கும் முடிவுக்கு வந்திட்டேன். நட்பு க.மு, நட்பு க.பி. ரொம்ப யோசிக்க வேண்டாம்... கல்யாணத்துக்கு முன், கல்யாணத்துக்கு பின் அது தான் அந்த க.மு, க.பி.
நட்பு க.மு:
முடிஞ்சா தினம் சந்திப்பது or atleast phone , கண்டிப்ப வாரம் ஒரு முறை மீட்டிங், weekend சினிமா, ஊர் சுத்தரது, Summer உல்லாச பயணங்கள் (ஊட்டி, கொடைகானல்,..) , ஜாலி வாழ்க்கை! இதெல்லாம் நடந்தது க.முவில்.
எங்க டீம்ல முதல் கல்யாணம் அசோக்கு நடந்தது ! இரண்டாவதா எனக்கு!! May be we two are 2-3 years elders to other friends. மற்றவர்களுக்கு 4-5 வருசங்களுக்கு அப்புறம் தான் கல்யாணம் நடந்தது. இதில் என் கிட்ட கேட்டு தான் கல்யாண பெண்ணை finalize செய்த நண்பர்களும் அடங்கும். சினிமா டைப்ல பொக்கே தர Idea சொல்லரது, பெண்ணை finalize செய்ய அவள் படிக்கும் Computer Institute முன்பாக வெட் செய்து பெண் பார்த்து ஓ.கே சொன்னதுன்னு...
சிவா USல இருந்து வந்த நாங்க எல்லாவரும் (என்ன எல்லாவரும் நான் & அமுதன் மட்டும் தான் இந்தியாவில் குப்பை கொட்டரோம்) வேலைக்கு Ta! Ta! சொல்லிவிட்டு fulla சிவா கூட ஊர் சுத்தர வேலையை மெயின் தொழிலா மாத்திக்குவோம்! சிவா அம்மா எங்க கிட்ட கெஞ்சுவாங்க, "என் பையனை ரெண்டு நாலுக்கு எனக்கு தாங்கனு"
ஒரு கொண்டாட்மா இருந்த நட்பு அது, அது அந்த காலம்!!!
நட்பு க.பி:

இப்போ சிவா சென்னை வந்த விமானதளத்தில் ஒரு 5 நிமிடம் பின்னர் அவன் சென்னையில் உள்ள 25 - 30 நாட்களில் சுமார் 1-2 மணி நேரம் தான் நாங்கள் சந்திக்க முடிகிறது.

இது என்ன இந்தியாவில் குப்பை கொட்டர நானும் அமுதனுமே ஒரு மாதத்க்கு ஒரு முறை கூட போன் பேசறதில்ல 4-5 மாசத்துக்கு ஒரு முறை தான் சந்திக்குறோம் அதுவும் ஒரு மணி நேர கால அவகாசம் தான் இருக்கும். எதாவது நிகழ்ச்சிகளில் (குழந்தைகளின் பிறந்த நாள், கல்லூரி நண்பர்களின் கல்யாணம் இப்படி எதாவது சிக்கனா ஒரு 4 -5 மணி நேரம் ஒன்னா இருக்க முடியுது)

கடந்தமுறை(சுமார் 1.5 Yrs) அசோக் இங்கு வந்த போது அவன் மனைவி வேலை நிமித்தமா அவன் கூட வரல அப்ப தான் சுமார் 4-5 நாள் சந்திச்சோம், சுமார் 3-4 மணி நேரம் எங்களோட இருந்தான்!

இன்று:

என்னடா இவ்வளவு தான் நட்பா? இதையா பெரியா விசயமா நெனச்சோமா? ஒன்றும் புரியவில்லை!!! நான் பெற்றோர்க்கு இணையாக நண்பர்களை நினைத்தன் விழைவே இந்த ஆத்ங்கமா?

பிசிராந்தையாரின் நட்பும் , திருவள்ளுவனின் நட்பியலில் படித்து, நட்பு இன்றியாத ஒன்று என்று நினைத்திருந்த எனக்கு இது பேரிடி!

"முகநக நட்பது நட்பன்று நெஞ்சத்து
அகநக நட்பது நட்பு."

Anyway நட்புக்கும் உண்டோ அடைக்கும் தாள்? என்று கேட்பார்கள். என் அலசலின் முடிவு நட்புக்கும் உண்டு அடைக்கும் தாள்! அந்த தாள் தான் திருமணம்!

(பி.கு: இந்த பதிவில் வரும் நட்பு க.மு, க.பி ஆணுக்கு பெண்ணுக்கும் பொதுப்படையாக எழுதப்பட்டது. பெண் சுதந்திர போராளிகள் கவலைப்பட வேண்டாம். எனக்கும் உண்டு பெண் சுதந்திர வேண்டும் என்ற உணர்வு :))

பிச்சை பாத்திரத்தில் கையிட்ட அரசு!

ஒரு நல்லரசு எதை செய்யக்கூடாதோ அதை செய்வதை தொழிலாக ஆக்கி கொண்டுள்ளது நம் இந்திய அரசு! நடுத்தர மற்றும் அடித்தட்டு மக்களை மிகவும் பாதிக்கும் பனிகளை செவ்வனே செய்து மார்தட்டி கொள்ளும் "Middle Class Budget " அரசு!!! காமெடிக்கு ஒரு அளவே இல்லையா??

மிக சிறந்த உதாரணத்துக்கு பெட்ரோல் விலையேற்றத்தை கூறலாம். நேற்று முன் தினம் சுமார் ரூ4 விலையேற்றி ஒரு லிட்டர்க்கு ரூ 52 என்று ஏற்றியாது. அன்று இரவு 12 மணி முதல் அமலுக்கு வரும் என்று அறிவிக்கப்பட்டது, உடனே எடு வண்டியை என்று படை எடுத்தேன் பெட்ரோல் நிலையத்துக்கு. அங்கு சென்றதும் மக்கள் வெள்ளம் தங்கள் இருசக்கர வகணங்களுடன. அய்யோ பாவம், இந்த 4 ரூபாயை மிச்ச படுத்த வரிசையில் காத்திருக்கிறார்கள் நம் மக்களின் வாழ்க்கை நிலை எந்த அளவுக்கு கீழே தள்ளப்பட்டுள்ளது என்று நினைக்கும் போது மிகவும் வருத்தப்பட்டேன், நானும் அந்த 4 X 5 = 20 ரூபாயை மிச்சப்படுத்த தான் வரிசையில் காத்திருந்தேன்!!! நாம் கஷ்டப்பட்டு உண்டாக்கும் பணத்தை எவ்வளவு எளிதாக தட்டி செல்கிறது இந்த அரசு! இதைத்தான் பிச்சை பாத்திரத்தில் கையிடுவது என்பார்களோ!

வேறு வழி இல்லை, விதி என்று நினைப்பதை விட்டு விட்டு நாம் இந்த பகல் கொள்ளைக்கு ஒரு முடிவு கொண்டுவர வேண்டும். காங்கரஸின் இந்த நாடகம் வெளிச்சத்துக்கு வர வேண்டும். வழக்கம் போல் கம்யூனிஸ்டுகளின் வெறும் எதிர்ப்பு நாடகம் துடங்கிவிட்டனர். அவர்கள் மீண்டும் மக்களை திரட்டி போராட போகிறோம் என்ற கதைவிடுகிறார்கள். ஐயா உங்கள் போராட்ட நாடகம் கடந்த இரண்டு வருடங்களில் பல முறை பார்த்துவிட்டோம்!!! ரூ 33.60 இருந்த பெட்ரோல் இன்று ரூ52 ஆகியிருக்கிறது கடந்த இரண்டு ஆண்டுகளில் இதற்கு கம்யூனிஸ்டுகளின் வெறும் எதிர்ப்பை மட்டும் தெரிவிக்கிறார்கள், ஒரு முறை கூட நல்ல முடிவு எட்டப்படவில்லை. எதிர் கட்சிகளான பா.ஜ.க வும் பெரிய எதிர்ப்பை காட்டுவதாக தோன்றவில்லை!

இனி நம் தான் நேரடியாக களத்தில் இறங்க வேண்டும். ஆகவே நாம் முடிவெடுப்போம்! உங்கள் கருத்தை பின்னூட்டங்களாக எழுதவும்.

விழித்திடு ! எதிர்த்திடு ! உணர்த்திடு அரசுக்கு!!!

பெட்ரோல் இடி விழுந்தது!!!

நன்பா!

அரசு நமக்கு பெட்ரோல் வெடி இல்லை இடியை நம் தலையில் போட்டது வெற்றிகரமாக. இன்று இரவுமுதல் பெட்ரோல் விலை ரூ 4 கும் , டீசல் விலை சுமார் ரூ 2 ஏற்றபடுகிறது.

இனி அனைத்து அத்தியாவச பொருட்களில் விலையேற்றம் தவிற்க்க முடியாத ஒன்றாகிவிடும்.

நான் வாழ இந்தியாவில் இடமில்லயா?

மக்களே சிந்திப்பீர்! போராட துடங்குவோம்!!

ஆசியாவிலேயே நாம் தான் மிக அதிக விலை கொடுத்து பெட்ரோல் வாங்குகிறோம்!!! ஏன்னென்று அறிவதற்கும், என் முந்தைய பதிப்பான "பெட்ரோல் விலையும்... மானியம் என்னும் மாயையும்" படிக்கவும்

பெட்ரோல் விலையும்... மானியம் என்னும் மாயையும்

ஒவ்வொரு இந்தியனும் தெரிந்து கொள்ள வேண்டிய, பெட்ரோல் விலை பற்றிய விஷயங்களை இங்கே பகிர்ந்துக்கொள்ள ஆசைப்படுகிறேன். அப்படி தெரிந்துகொள்ளவேண்டியது மிக அவசியமும் ஆகிவருகிற நேரமிது. ஏனெனில், ஆசியாவிலேயே நாம் தான் மிக அதிக விலை கொடுத்து பெட்ரோல் வாங்குகிறோம். உலக அளவில் இதில் நாம் இரண்டாம் இடம்!
இந்த எரிபொருள் விலை உயர்வு எங்கெல்லாம் நடுத்தர மக்களை பாதிக்கும்:
1. காய்கறி, அரிசி, பருப்பு உள்ளிட்ட அனைத்து அன்றாட தேவையான பொருட்களில் விலையும் இந்த எரிபொருள் விலைப் பொருத்தே அமைகிறது. ஏனெனில், இந்த சரக்குகளின் போக்குவரத்துக்கு எரிபொருள் இன்றியமைதாத தேவையாகிவிட்டது.
2. நடுத்தர மக்களின் போக்குவரத்து தேவைகளான ரெயில், பேருந்து, ஆட்டோ என அனைத்தின் சேவை கட்டணங்களும் இந்த எரிபொருள் விலைப் பொருத்தே அமைகிறது.

ஏன் இந்த நிலை? என்ன தான் உண்மை? இந்த பெட்ரோல் விலையின் சூட்சமம் தான் என்ன? சில இனைய வலையில் இருந்து கிடைத்த சில புள்ளி விவரங்களை இங்கு பார்ப்போம்...

நமது அரசு மற்றும் அரசு அனுமதி பெற்ற தனியார் எண்ணை கிணறுகள் மூலம் 35 முதல் 40 சதவிகிதம் வரை பெட்ரோலிய வளத்தில் தன்னிறைவு பெறுகிற நாடு நம்முடையது! உங்களால் நம்பமுடிகிறதா? எல்லாம் படித்துப் பார்த்து நாம் ஒரு முடிவுக்கு வருவோம்...

1. ஒரு பேரல் இறக்குமதி செய்யபடும் கச்சா எண்ணை விலை $ 64.84 ( ஒரு பேரல் = 160 லிட்டர்.) எனில், இந்திய ரூ 2918/-

2. ஒரு பேரலில் சராசரியாக 80 முதல் 90 லிட்டர் பெட்ரோல் கிடைக்கும். அது மட்டும் அல்லாது, வெறு சில விலை உயர்ந்த உற்பத்தி கழிவுகளும் கிடைக்கிறது. ஒரு லிட்டர் பெட்ரோல் சுமார் ரூ 47.49 (83 கிரேடு) , 48.89 (91 கிரேடு) என பல விலையில் விற்கப்படுகிறது.

3. உற்பத்தி கழிவுகள்: மண்ணெண்ணை, டீசல் , பென்சீன், பெட்ரோலியம் wax , Praffin, எல்லா வகையான Lubricants, நீங்கள் உங்கள் இருசக்கர வகனங்குளுக்கு உபயோகிக்கும் 2T, 3T எண்ணை வகைகள், தார் மற்றும் பல. பெட்ரோல் உற்பத்தியில் கிடைக்கிற கழிவுகளும் விலை உயர்தவைகளே! இவை எல்லாவற்றுக்கும் மேல், பெட்ரோல் உற்பத்தியில் கிடைக்கும் மற்றும் ஒரு கழிவு LPG எனபடும் எரிவாயு.

4. பென்சீன் விமானதின் எரிவாயு. இது லிட்டருக்கு சுமார் ரூ 200 வரை விற்கப்படுவதாக கூறப்படுகிறது.

5. டீசல் எரிவாயு லிட்டருக்கு சுமார் ரூ 35 வரை விற்கப்படுகிறது.

6. மண்ணெண்ணை லிட்டருக்கு சுமார் ரூ 25 முதல் ரூ 35 வரை விற்கப்படுகிறது.

7. Prafin - இது ஒரு கிலோ சுமார் ரூ 250 முதல் 300 வரை விற்கப்படுகிறது.

8. 2T, 3T Oil - இது ஒரு லிட்டர் சுமார் ரூ 120 முதல் 150 வரை விற்கப்படுகிறது.

9. தொழிற்சாலைகளில் உபயோகிக்கபடும் Lubricants - இது ஒரு லிட்டர் சுமார் ரூ 200 முதல் 400 வரை தரவாரியாக விற்கப்படுகிறது.

10. தார் - இந்த கழிவும் நல்ல விலைக்கு விற்கப்படுகிறது. இன்னும் பல பொருட்கள் கச்சா எண்ணையிலிருந்து தயாரிக்கப்படுகிறது.

இதில் உண்மையில் வீணாய் போகும் வாயுதான் நம் வீடுகளில் சமையலுக்கு பயன்படுத்தபடும் LPG. இது பல வகையாக பிரிக்கப்பட்டு, தொழிற்சாலைகள் மற்றும் உணவகம் போன்ற வியாபார உபயோகத்துக்கு ஒரு விலையும் ( ஒரு கிலோ ரூ 45 -60 ) , வீடுகளில் சமையலுக்கு ஒரு விலையுமாக (சுமார் ஒரு கிலோ ரூ 20 -25க்கு) விற்க்கபடுகிறது.

சில Encyclopedia வலையிலிருந்து கிட்டிய தகவல் படி கச்சா எண்ணையில் சுமார் 88 சதவீதம் எரிவாயுவாக, மீதம் உள்ள 12 சதவீதம் Lubricating oil, Paraffin wax, Plastic, Tar என பல உபரி பொருட்களாக தயாரிக்கப்படுகிறது. இதில் ஒரு கூத்து என்னவென்றால் 160 லிட்டர் கச்சா எண்ணை சுமார் 170 லிட்டர் பெட்ரோலியப் பொருட்களை நமக்கு தருகிறது (நன்றி: American Petroleum Institute)

இப்படி, கச்சா எண்ணை ஒரு சொட்டு கூட வீணாக்கப்படாமல் பணமாக்கப்படும்போது, எண்ணை நிறுவனங்கள் எப்படி நஷ்டத்தில் இயங்கமுடியும் என்று எனக்கு வரும் அதே சந்தேகம் உங்களுக்கும் வரலாம். சில இணைய தளங்கள் மூலம் கிடைத்த தகவல்படி, எனது அறிவுக்கு எட்டியவரை...

இதோ சில காரணங்கள்:
  1. இந்திய அரசாங்கம், இறக்குமதி செய்யப்படும் கச்சா எண்ணைக்கு 63% (23 per cent + Rs 7.50 per litre) வரி விதிக்கிறது. அதாவது, ஒரு பேரலின் விலை ரூ 2918 எனில், அதற்கு நமது அரசாங்கம் விதிக்கும் இறக்குமதி வரி ரூ 1839. ஆக இறக்குமதிக்குப்பின் ஒரு பேரல் கச்சா எண்ணையின் விலை ரூ 4757! அத்துடன் விடவில்லை.
  2. எண்ணை நிறுவனம் உற்பத்தி செய்த பெட்ரோல் மற்றும் அதன் கழிவுகளுக்கு, மத்திய அரசு விற்பனை வரி வேறு விதிக்கிறது. அதுவும் சாதரன வரி அல்ல. 25% முதல் 30% வரை! அத்தோடு விட்டதா என்றாலும் இல்லை!
  3. இந்த பெட்ரோல் மாநிலங்களுக்கு செல்லும் போது, அங்கு மாநில அரசு 20% முதல் 30% வரை விற்பனை வரி விதிக்கும். ஆக 100%-க்கு மேல் இறக்குமதி மற்றும் விற்பனை வரிகள் விதிப்பப்படுகின்றன.
  4. எண்ணை நிறுவனங்கள் படு ஆடம்பர வாழ்க்கை வாழ்கின்றன. உதாரணதுக்கு - IOCயில் ஒரு கார் ஓட்டுனர் சுமார் ரூ 20,000 சம்பளமாக பெறுகிறார். நம்ம ஊரு கால் Taxi ஓட்டுனர் ரூ 2,000 சம்பளதுக்கு படாத பாடுபடுகிறான். ஒரு IT நிறுவனதின் செலவுகளை மிஞ்சுகிறது இந்த எண்ணை நிறுவனங்களின் செலவுகள்.

உண்மை இப்படி இருக்க, அரசுகள் நமக்கு மானியம் வழங்குவதாகவும், அதனால் அரசுக்கு பளு கூடுவதாகவும் கூசாமல் கூறுகிறார்கள்!

என் அறிவுக்கு எட்டிய வரை, என் கணக்கும் சரி என்றால், ஒரு லிட்டர் பெட்ரோல் விலை ரூ 20 முதல் 22 வரை ஆகலாம். ஏனென்றால், அமெரிக்காவில் மானியங்கள் கிடையாது, அங்கெல்லாம் எண்ணை நிறுவனங்களை அரசு நடத்தவில்லை, தனியார் நிறுவனங்கள் நஷ்டத்தில் இயங்க மாட்டார்கள். அவர்களால் ரூ 21 க்கு ஒரு லிட்டட் பெட்ரோல் வழங்க முடியும் என்றால், நிச்சயம் நாமும் ஏறத்தாழா அந்த விலைக்கே தயாரிக்க முடியும் என்பது என் கூற்று.

இந்த வலைபதிப்புக்காக நான் பல இணையங்களை வலை வீசி தேடினேன், சில சுறாகள் சிக்கின. அதில் ஒன்று OPEC.ORG (Organization of the Petroleum Exporting Countries) கச்சா எண்ணை ஏற்றுமதி செய்யும் நாடுகளின் கூட்டமைப்பு.

அந்த வலையத்தை அலசிய போது, சில புள்ளி விவரம் என்னை வியக்க செய்தது! அதில் ஒரு பகுதி Who gets what from imported oil? இறக்குமதி கச்சா எண்ணையால் யாருக்கு லாபம்?

அவர்களுடைய ஆய்வு துறை (Research Division, OPEC, Vienna, Austria, 2001) செய்த ஆய்வில், கடந்த 1996 முதல் 2001 வரை உள்ள புள்ளிவிவரம்:

1. ஏற்றுமதி கச்சா எண்ணையால் OPEC நாடுகள் சுமார் $850 மில்லியன் சம்பதிக்கும் வேலையில் இறக்குமதி செய்யும் நாடுகள் (அரசுகள்) சுமார் $1.3 ட்ரில்லியன் (Trillion) (G7 நாடுகள் மட்டும்) வரியின் மூலம் சம்பாதிக்கிறது, OPEC நாடுகள் தங்கள் எண்ணை வளத்தை விற்று வருவாய் ஈட்டும் நேரத்தில் இறக்குமதி செய்யும் அரசுகள் வரியாக இருமடங்கு சம்பாதித்து விடுகிறது. இதில் இந்திய அரசும் சளைத்தவர்கள் அல்ல! இந்திய அரசும் UKக்கு இணையாக வரி விதிக்கிறது! இது என்ன கூத்து? இது பகல் கொள்ளையா? இதை படித்தபோது எனக்கு ஒரு பழமொழி ஞபகத்துக்கு வருது, சுண்டக்கா கால் பணம், சுமை கூலி முக்கால் பணம் என்பார்களே இது தானா அது? அட சுமை கூலினு கூட சொல்ல முடியாது இந்த வரியை, சுமை கூலி உழைபவனுக்கு கொடுக்கும் காசு. இந்த காமெடிக்கு ஒரு அளவு வேண்டாமா?

2. G7 நாடுகளில் பெட்ரோல் விலை புள்ளி விவரங்கள்:

அமெரிக்கா - ரூ 21

கனடா - ரூ 21.6

ஜப்பான் - ரூ 44.5

இங்லாந்து - ரூ 53.55

என்று நீள்கிறது, இதில் வரியின் பங்கு தான் அதிகம். மேலே உள்ள படத்தில் அதன் Break-up உள்ளது பாருங்கள்! நீல நிறம் தான் கச்சா எண்ணை விலை, மஞ்சள் நிறம் கச்சா எண்ணையை பெட்ரோல் எடுப்பதற்காகும் செலவு, சிவப்பு தான் நம் அரசு நம்மேல் சுமத்தும் வரி!!!! இதில் இந்திய பெட்ரோல் விலை இங்லாந்தின் விலைக்கு நிகராக இருக்கும்.

3. மேலும் OPEC வலையில் ஒரு தகவல்:

" A Taxing Business.... The real burden on the consumer is taxation, and the real profiteers are the governments of the consuming countries. "

கச்சா எண்ணை ஏற்றுமதி செய்யும் நாடுகளுக்கு கிடைக்கும் லாபத்தை விட நுகர்வோரிடம் அரசுகள் வசூலிக்கும் வரியே பெட்ரோலிய பொருட்களின் ஆகாய விலைக்கு காரணம் என்கிறது கச்சா எண்ணை ஏற்றுமதி செய்யும் நாடுகளின் கூட்டமைப்பு.

நானும் என் பங்குக்கு சில பெட்ரோல் விலை புள்ளி விவரங்களை என் வெளிநாட்டு நண்பர்களிடம் கேட்டு பெற்றேன்:

பெட்ரோல் விலை அடைப்பில் அதன் கிரேடுகளும்:

அமெரிக்கா - ரூ 22 (87 கிரேடு)

பர்மா (மியான்மர்) - ரூ 28.5 (83 கிரேடு)

மலேசியா - ரூ 23 (83 கிரேடு)

சிங்கப்பூர் - ரூ 41 (92 கிரேடு)

ஆஸ்ட்ரெலியா - ரூ 25

பாகிஸ்தான் - ரூ 27

ஒரு விலை கூட இந்தியாவில் விற்கப்படும் விலைக்கு பக்கம் கூட வரவில்லை... ஏன் இந்த கூத்து? ஒருவேளை நாம் இன்னும் இங்லாந்தின் வரி கோட்பாடுகளை பின் பற்றுகிறோமோ?

இந்த புள்ளிவிவரங்கள் நம் நாடு பத்திரிக்கைகளுக்கு தெரியவில்லையா? ஏன் அவர்கள் மக்களுக்கு அதை கொண்டு செல்வதில்லை? என்ன தான் நடக்கிறது? இதயை தடுப்பது யார்?

இது ஒரு புறம் இருக்க, திரு. மணிசங்கர் போன்ற மந்திரிகள் சொல்லும் சுடு சொற்கள்,

" பெண்கள் சினிமா போவதையும், சேலை வாங்குவதையும் குறைத்துக்கொண்டால் காஸ், பெட்ரோல் போன்றவை எளிதில் வாங்க முடியும்"

நாம சினிமா போவதும், ஆடைகள் வாங்குவதும் கூட இந்த கேடுகெட்ட அரசியல்வாதிகளில் கண்ணை பறிக்கிறது போலும்? இவரால் இதை தன் மனைவியிடம் சொல்லுவாரா? இவர்கள் ஏன் நம் பணத்தில் உளாவரும் குளிர் சாதன வசதி படைத்த கார்களில் செல்வதை நிறுத்தலாமே? நம் பணத்தில் விமான பயணத்தை நிறுத்தலாமே? வெட்டி பேச்சு நடத்துவதை நிறுத்தலாமே?

இத்தனைக்கும் மேலாக, அவர்கள் சொல்லும் மானியம் என்னும் வார்த்தையை கேட்க்கும்போது. நம் தலையில் பன்முனை வரி சுமத்தி,அதில் பிச்சையிடுவதுபோல் கதைவிடுவதை நாம் உணரவேண்டும். நமக்காக பேச நாம் தேர்ந்தெடுத்த சட்டமன்ற உறுப்பினரும் வரமாட்டார், பாராளமன்ற உறுப்பினரும் வரமாட்டார். ஏனென்றால் அவர்கள் காசு கொடுத்து பெட்ரோல் வாங்கி இருக்க மாட்டார்கள்.

நம்முடைய கேள்விகளுக்கு இந்த அரசியல்வாதிகள் பதில் சொல்ல வேண்டிய காலம் மிக விரைவில் வரும், நம் ஆதங்கம் கரையை ஒரு நாள் கடக்கும்.

இனியும் விலை கூடினால்,மாட்டு வண்டிகள் வீதிக்கு வரகூடும், அது மட்டும் போதாது, மக்களும் வரவேண்டும், நேபாளம் கண்டது, இந்தியாவும் காணட்டும்.

(பி.கு: இந்த புள்ளி விவரங்கள் அனைத்தும் பல வலைப்பதிப்புகளிலிருந்து எடுக்கப்பட்டு இந்திய மக்களுக்கு ஒரு வலையில் தாருவதற்கான முயற்சியே. Thanks to OPEC.org, wikipedia.org, home.att.net/~cat6a, adventuresinenergy.com, api-ec.api.org, etc.,)

நானும் ஒரு இந்தியன்

இந்த வலைபதிவு என்னைப்பற்றியல்ல... நம்மை பற்றி... அப்படியென்றால்.... நம் இந்திய மக்கள் பற்றியது... நம் வாழ்வின் ஒரு அலசல்... இது அரசியல் வலை அல்ல... இருந்தாலும் நம் வாழ்வில் சில ... பல இடர்பாடுகள் இந்த அரசியவாதிகளால்... அரசியலால்... அரசால்... மக்களால்... சமுதாயத்தால்... என்று எல்லாம் அலசுவோம்...

முதலில் என்னை பற்றி ஒரு சிறு குறிப்பு....

பெயர் : ஜெயசங்கர் நாராயணன்
படிப்பு : இளநிலை தொழிற்கல்வி பட்டம்
வயது : 33 வருடம்

சில நேரம் seriousசா வேலை செய்வது (சின்னதா ஒரு மென்பொறி நிறுவனம் நடத்துகிறேன்) , சில நேரம் jollya நண்பர்ளோடு பேசுவது, சில நேரம் சமூக சிந்தனை ( வேலையின்மை ஒழிப்பது, பிட்சை எடுப்பவர்கள் இல்லாமல் ஆக்குவது...) இப்படி... ஒரு பெரிய பட்டியல்... சில நேரம் எனக்கே காமெடியா இருக்கும் ...அது வேறு விசயம்...

என் சமூக சிந்தனையின் விளைவாக நிறைய விசயம் நண்பர்களுடன் பகிர்ந்துகொள்வேன்... அவர்களின் தூண்டுதலின் பேரில் தான் இந்த வலை பதிப்பு...

வரும் நாட்களில் விரிவாக ஆராய்வோம்....